Chotaudepur: છોટાઉદેપુરમાં માનવભક્ષી દીપડાએ 5 વર્ષના બાળક પર હુમલો કરતા મોત, લોકોમાં ભયનો માહોલ
છોટાઉદેપુર: માનવભક્ષી દીપડાના આતંકનો દિવસેને દિવસે વધી રહ્યો છે. દીપડાના હુમલામાં વધુ એક બાળકનું મોત થયું છે. ગત સાંજે બોડેલીના ધોળીવાવ ગામે દીપડાએ બાળક ઉપર હુમલો કર્યો હતો.
છોટાઉદેપુર: માનવભક્ષી દીપડાના આતંકનો દિવસેને દિવસે વધી રહ્યો છે. દીપડાના હુમલામાં વધુ એક બાળકનું મોત થયું છે. ગત સાંજે બોડેલીના ધોળીવાવ ગામે દીપડાએ બાળક ઉપર હુમલો કર્યો હતો. ખેતરમાં રમી રહેલા 5 વર્ષના યુગ રાઠવાને ગળાના ભાગેથી પકડી દીપડો વૃક્ષ ઉપર ચઢી ગયો હતો. યુગના પિતાએ વૃક્ષ ઉપર ચઢી યુગને છોડાવ્યો હતો. જે બાદ વડોદરા સયાજી હોસ્પિટલમાં સારવાર માટે લઈ જવાયો હતા. અહીં સારવાર દરમિયાન યુગનું મોત નિપજ્યું. આ પહેલા પણ મુલધર ગામે 2 વર્ષના બાળકને દીપકા શિકાર બનાવ્યો હતો. બંને બનાવ સ્થળ વચ્ચે માત્ર અઢી કિલોમીટરનું જ અંતર છે. દીપડાના હુમલાને કારણે આસપાસના તમામ વિસ્તારમાં ભયનો માહોલ છે.
ગુજરાત કોંગ્રેસ આજથી શરુ કરશે ‘હાથ સે હાથ જોડો યાત્રા
અરવલ્લી: રાહુલ ગાંધીની ભારત જોડો યાત્રા બાદ ગુજરાત કોંગ્રેસે હાથ સે હાથ જોડો યાત્રા આજથી અરવલ્લીથી શરૂ કરી છે. ભિલોડાના ટોરડા ગામેથી ધ્વજવંદન કરી યાત્રાનો પ્રારંભ થશે. બે દિવસ યાત્રા અરવલ્લી જિલ્લાના ભિલોડા તાલુકામાં રહેશે. બીજા દિવસે યાત્રા શામળાજીથી પ્રારંભ થશે. યાત્રામાં પ્રદેશ કોંગ્રેસ અધ્યક્ષ જગદીશ ઠાકોર વિપક્ષ નેતા અમિત ચાવડા ઉપસ્થિત રહેશે. અર્જુન મોઢવાડીયા,મધુસુદન મિસ્ત્રી પણ આયાત્રામાં ઉપસ્થિત રહેશે.
કેન્દ્રીય બજેટમાં ગુજરાત રેલવેને શું મળ્યું ?
Railway Budget 2023: 01 ફેબ્રુઆરીએ સંસદમાં કેન્દ્રીય બજેટ રજૂ કરવામાં આવ્યું હતું. હવે રેલવે બજેટનો પણ સામાન્ય બજેટની અંદર સમાવેશ થઈ જાય છે. આ વખતે રેલવેને 2.41 લાખ કરોડનું બજેટ ફાળવાયું છે. જેમાંથી ગુજરાતને 8332 કરોડ ફાળવાયા છે. ઉપરાંત રેલવેને લગતા 36,437 કરોડના પ્રોજેકટ ગુજરાતમાં સેંક્શન થઈ ચૂક્યા છે. ગુજરાતમાં 87 સ્ટેશન રી-ડેવલપમેન્ટ પ્રોજેકટમાં લેવાયા છે. આ આધુનિક સ્ટેશન વિરાસત અને વિકાસ સાથેનું મિશ્રણ હોય તેવું પ્રધાનમંત્રીનું સુચન છે. વંદે ભારત ટ્રેન શરૂ થયા બાદ બે શહેરોને જોડવા વંદે મેટ્રો ટ્રેન ભવિષ્યમાં આવશે. જ્યાં સુધી બુલેટ ટ્રેનની વાત છે તો અમદાવાદ સેક્શનમાં 140 કિલોમીટરનું કામ થયું છે.
આ વર્ષમાં મહારાષ્ટ્ર સેક્શન પર કામ વધુ થશે. 2026 સુધીમાં બુલેટ ટ્રેન આવશે તેવું રેલવે મંત્રી અશ્વિની વૈષ્ણવે જણાવ્યુ છે. વન નેશન વન પ્રોડકટને પણ 750 સ્ટેશનથી આગળ વધીને 01 હજાર સ્ટેશન પર લઈ જવાશે. 2371 કરોડના ખર્ચે અમદાવાદ સ્ત્રશનને રી-ડેવલપ કરાશે. જેની કામગીરી એપ્રિલ મહિનાના અંતમાં શરૂ થાય તેવી શકયતા છે.
ટ્રેન્ડિંગ સમાચાર
ટોપ સ્ટોરી
