![ABP Premium](https://cdn.abplive.com/imagebank/Premium-ad-Icon.png)
Accident:છોટાઉદેપુર નજીક ગમખ્વાર અકસ્માત, પિકવાન અને આઇસરની ટક્કરમાં ડ્રાઇવરનું ઘટનાસ્થળે મોત
છોટાઉદેપુરના દેવલિયા ગામે અકસ્માતમાં એકનું મોત થયું છે જ્યારે બે લોકો ઇજાગ્રસ્ત થયા છે.
![Accident:છોટાઉદેપુર નજીક ગમખ્વાર અકસ્માત, પિકવાન અને આઇસરની ટક્કરમાં ડ્રાઇવરનું ઘટનાસ્થળે મોત accident near Chotaudepur, driver dies on the spot in collision between Pick up wan and Isere Accident:છોટાઉદેપુર નજીક ગમખ્વાર અકસ્માત, પિકવાન અને આઇસરની ટક્કરમાં ડ્રાઇવરનું ઘટનાસ્થળે મોત](https://feeds.abplive.com/onecms/images/uploaded-images/2023/07/07/1b81a868a0d1c333806a72051f7094cb168870226396881_original.jpg?impolicy=abp_cdn&imwidth=1200&height=675)
Accident:છોટાઉદેપુરના દેવલિયા ગામે અકસ્માતમાં એકનું મોત થયું છે જ્યારે બે લોકો ઇજાગ્રસ્ત થયા છે.
છોટાઉદેપુરના દેવલિયા ગામ નજીક પિકવાન અને આઇસર એવી રીતે અથડાયા કે પિકવાન ડ્રાઇવરનું ઘટનાસ્થળે જ મોત થયું તો બે લોકો ઇજાગ્રસ્ત થયા છે. અકસ્માતમાં બંને વાહનો વચ્ચે ટક્કર એટલી જોરદાર હતી કે આઇસરના ડ્રાઇવરનું રેસ્ક્યુ કરવા માટે પતરૂ કાપવામાં આવ્યું હતું. અંદર ફસાયેલા લોકોને બહાર કાઢવા માટે ક્રેઇન મશીનની મદદ લેવી પડી હતી. ઇજાગ્રસ્તોને તાબડતોબ નજીકની હોસ્પિટલમાં સારવાર માટે દાખલ કરવામાં આવ્યાં છે. પિકઅપવાન શાકભાજી ભરીને વડોદરા જતી હતી. પોલીસે ઘટના સ્થળે પહોંચીને તપાસ હાથ ઘરી છે.
Rajkot: જેતપુરમાં મકાન ધરાશાયી થતા 8 લોકો દટાયા, બે બાળકી સહિત ત્રણના મોત
જેતપુરમાં ગોદરા વિસ્તારમાં મકાન ધરાશાયી થવાની ઘટના સામે આવી છે. જેતપુરના ગોદરા વિસ્તારમાં આવેલ જૂનું મકાન ધરાશાયી થતા અફરાતફરી મચી જવા પામી છે. ઉપરના ભાગમાં આવેલ વર્ષો જૂની ગઢની રાંગની ભેખડ ધસી પડતાં આ બનાવ બન્યો હતો. ઉપર ભાગના વરસાદના કારણે પાણી વહેતું હોવાથી દુર્ઘટના ઘટી.
અંદાજે 100 વર્ષ જુના 6 મકાનો ધરાશાઈ થતાં અફરાતફરી મચી ગઈ છે. મકાનમાં રહેલ 8 વ્યક્તિઓ દટાયા હોવાની વિગતો સામે આવી છે. હાલમાં 2 નાની બાળકી અને 1 વૃદ્ધાનું મોત નિપજ્યું છે અને પાંચ લોકો ઈજા ગ્રસ્ત થયા છે. મૃતકમાં વૃદ્ધા જયાબેન રાજુભાઈ મકવાણા ઉ.વ. 50 તેમજ બે બાળકીઓ મેઘના અશોકભાઈ મકવાણા ઉ.વ.10 તેમજ સિદ્ધિ વિક્રમભાઈ સાસડા ઉ.વ.7નું મોત નિપજ્યું છે.
5 લોકો ઇજાગ્રસ્ત
- વંદના અશોકભાઈ મકવાણા ઉ.વ.14
- શીતલબેન વિક્રમભાઈ સાસડા ઉ.વ.30
- કરસનભાઇ દાનાભાઈ સાસડા ઉ.વ.40
- રિદ્ધિ વિક્રમભાઈ સાસડા ઉ.વ.8
- અશોકભાઈ રાજુભાઈ મકવાણા ઉ.વ33 નો સમાવેશ થાય છે.
ઓઢવ રિંગરોડ પર અકસ્માત, ડિવાઇડર સાથે અથડાતા એક્ટિવા ચાલકનું મોત
અમદાવાદના ઓઢવ રિંગ રોડ પર એક્ટિવા ડિવાઇડર સાથે અથડાતા એક્ટિવા ચલાવનાર યુવકનું મોત થયું છે. ઓઢવ રિંગ રોડ પર બ્રિજ ઉતરતા જ એક્ટિવાની સ્પીડ વધુ હોવાથી બેકાબૂ થયું હતું અને ડિવાઇડર સાથે અથડાતા એક્ટિવા ચાલકનું મોત નિપજ્યું હતું. ઘટનાના પગલે લોકો એકઠા થઇ ગયા હતા અને જેના કારણે ટ્રાફિક જામ થઇ ગયો હતો.
Join Our Official Telegram Channel:
https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)