Gujarat: જે વંદે ભારત ટ્રેનમાં અસદુદ્દીન ઓવૈસી હતા તેના પર થયો પથ્થરમારો, AIMIM નેતા વારિસ પઠાનનો આરોપ

AIMIMના પ્રવક્તા વારિસ પઠાણે જણાવ્યું કે, અસદુદ્દીન ઓવૈસી વંદે ભારત ટ્રેન દ્વારા અમદાવાદથી સુરત જઈ રહ્યા હતા. આ ટ્રેન પર સુરતથી લગભગ 20-25 કિલોમીટર પહેલા હુમલો થયો હતો.

અસદુદ્દીન ઓવૈસી

Gujarat Election: અસદુદ્દીન ઓવૈસી વિધાનસભા ચૂંટણી માટે ગુજરાતના પ્રવાસે છે. આ દરમિયાન ઓવૈસી જે ટ્રેનમાં જઈ રહ્યા હતા તે ટ્રેન પર પથ્થરમારો  કરવામાં આવ્યો છે. આ દાવો AIMIM નેતા વારિસ પઠાણે (Waris Pathan) કર્યો છે.

AIMIMના પ્રવક્તા વારિસ પઠાણે જણાવ્યું કે, અસદુદ્દીન ઓવૈસી વંદે ભારત ટ્રેન દ્વારા અમદાવાદથી સુરત જઈ રહ્યા હતા. આ ટ્રેન પર સુરતથી લગભગ 20-25 કિલોમીટર પહેલા પથ્થરમારો થયો હતો. તેમણે ટ્વીટ કરીને ઓવૈસીની મુલાકાતની માહિતી પણ આપી હતી.

આ પહેલા અમદાવાદમાં અસદુદ્દીન ઓવૈસીએ આમ આદમી પાર્ટી પર નિશાન સાધ્યું હતું. ઓવૈસીએ AAP અને દિલ્હીના સીએમ અરવિંદ કેજરીવાલને છોટા રિચાર્જ કહ્યું હતું. તેમણે કહ્યું, “કોરોના માટે તબલીગી જમાતને દોષી ઠેરવતા તેઓએ કહ્યું કે તેઓ ફેલાઈ ગયા છે. જ્યારે મામલો કોર્ટમાં ગયો તો કોર્ટે કહ્યું કે આ ખોટુ છે. દિલ્હીમાં રમખાણો થઈ રહ્યા હતા ત્યારે મુખ્યમંત્રી ક્યાં હતા ? તેઓ રાજઘાટ પર મૌન ઉપવાસ કરી રહ્યા હતા.

AIMIM ચૂંટણી લડશે

અસદુદ્દીન ઓવૈસીની પાર્ટી AIMIM પણ ગુજરાતની 182 વિધાનસભા બેઠકોમાંથી 40 થી 45 બેઠકો પર ચૂંટણી લડવાની તૈયારી કરી રહી છે. આ માટે પાર્ટીએ અમદાવાદની ત્રણ અને સુરતની બે બેઠકો પર ઉમેદવારો ઉભા રાખ્યા છે.

आज शाम जब हम @asadowaisi साहब,SabirKabliwala साहब और @aimim_national की टीम अहमदाबाद से सूरत के लिए 'Vande Bharat Express' train में सफर कर रहे थे तब कुछ अज्ञात लोगों ने ट्रेन पर ज़ोर से पत्थर मारकर शीशा तोड़ दिया!#GujaratElections2022 pic.twitter.com/ZwNO2CYrUi

— Waris Pathan (@warispathan) November 7, 2022

ગુજરાતની ચૂંટણી ક્યારે યોજાવાની છે?

ચૂંટણી પંચે 3 નવેમ્બરે 182 સભ્યોની ગુજરાત વિધાનસભાની બે તબક્કાની ચૂંટણીની તારીખોની જાહેરાત કરી હતી. પ્રથમ તબક્કામાં 1 ડિસેમ્બરે 89 બેઠકો પર મતદાન થશે. તે જ સમયે, 5 ડિસેમ્બરે, બીજા તબક્કામાં 92 બેઠકો પર મતદાન થશે. ચૂંટણીની મતગણતરી 8મી ડિસેમ્બરે થશે.