Rain Forecast: રાજ્યમાં ભારે વરસાદની આગાહી વચ્ચે અનેક શહેરમાં જળબંબાકાર,આ જિલ્લામાં ભારે વરસાદનું એલર્ટ
Gujarat Rain Forecast:આજે સવારના 6થી 12 વાગ્યા સુધીમાં રાજ્યમાં 210 તાલુકામાં વરસાદ નોંધાયો છે. જેમાં સૌથી વધુ બનાસકાંઠાના સુઇગામમાં 5.12 ઇંચ તો સૌથી ઓછો છોટા ઉદેપુરમાં 1 મિમી વરસાદ વરસ્યો છે.
Gujarat Rain Forecast: ગુજરાત પર લો પ્રેશર એરિયા એક્ટિવ હોવાથી ગઇકાલથી સાર્વત્રિક વરસાદ વરસી રહ્યો છે. આજે ઉત્તર ગુજરાત, મધ્ય ગુજરાત, સૌરાષ્ટ્રમાં અનરાધાર વરસાદની સ્થિતિ યથાવત છે. છેલ્લા 24 કલાકમાં 210 તાલુકામાં વરસાદ વરસ્યો છે.
હવામાન વિભાગની આગાહી મુજબ આજે સૌરાષ્ટ્રમાં પવનની ગતિ વધી જશે. અહીં આ આ વિસ્તારમાં ભારે પવન સાથે ગાજવીજ સાથે વરસાદનું અનુમાન છે. કેટલાક વિસ્તારમા 45 કિલોમીટર પ્રતિકલાકની ઝડપે પવન ફુંકાઇ શકે છે. આ સિસ્ટમની સૌથી વધુ અસર ઉત્તર ગુજરાતના વિસ્તારમાં થશે. પાટણ, મહેસાણા, બનાસકાંઠા, સાબરકાંઠામાં ભારે વરસાદનું અનુમાન છે. આ સિવાય મધ્ય ગુજરાતના કેટલાક જિલ્લમાં પણ ભારે વરસાદનું અનુમાન છે. અમદાવાદમાં પણ આજે વરસાદનું પ્રમાણ ખૂબ રહેશે, આ સિવાય સૌરાષ્ટ્રના જિલ્લામાં સુરેન્દ્રનગર, મોરબી, રાજકોટમાં પણ વરસાદનું પ્રમાણ વધુ જોવા મળશે. વરસાદના આ રાઉન્ડમાં કેટલાક જગ્યા ભારે તો કેટલીક જગ્યાએ અતિ ભારે તો કેટલાક વિસ્તારમાં ભારેથી અતિભારે વરસાદ પણ પડી શકે છે.
ખેડા, પંચમહાલ, દાહોદ,અરવલ્લી, મહિસાગરમાં પણ આજે વરસાદનું જોર રહેશે. દક્ષિણ ગુજરાતની વાત કરીએ તો વરસાદનું પ્રમાણ ઘટી શકે છે જો કે ત્યાં પણ મધ્યમ વરસાદ વરસતો રહેશે. આ સિસ્ટમ આગળ વધતા કચ્છમાં પણ આગામી દિવસોમાં વધુ વરસાદ પડવાની શક્યતા છે. આ સિસ્ટમ પાકિસ્તાન તરફ જતી રહેતા બાદ વરસાદનું પ્રમાણ ઘટશે. વરસાદ ઉત્તર ગુજરાત, મધ્ય ગુજરાત અને સૌરાષ્ટ્ર કચ્છમાં આ રાઉન્ડમાં ભારે વરસાદનું અનુમાન છે. હવામાન વિભાગની આગાહી મુજબ આગામી ત્રણ દિવસ ગુજરાતમાં મધ્યમથી ભારે વરસાદ સાર્વત્રિક વરસાદનું અનુમાન છે.
ભારે વરસાદ ક્યાં પડશે
હવામાન વિભાગે આજે સાર્વત્રિક ભારે વરસાદની આગાહી કરી છે જો કે અતિ ભારે વરસાદની સ્થિતિને જોતા કચ્છ,બનાસકાઠા, મહેસાણા,સાબરકાઠા અને અરવલ્લીમાં વરસાદનું રેડ એલર્ટ જાહેર કરવામાં આવ્યું છે. તો રાજકોટ મોરબી, સુરેન્દ્રનગર અને પાટણ અનેગાંધીનગર અને મહિસાગરમાં વરસાગદનું ઓરેંજ એલર્ટ જાહેર કરવામાં આવ્યું છે. સૌરાષ્ટ્રની વાત કરીએ તો સૌરાષ્ટ્રના દેવભૂમિ દ્વારકા, જામનગર, પોરબંદર, જૂનાગઢ, બોટાદમાં વરસાદનું યલો એલર્ટ જાહેર કરવામાં આવ્યું છે. અમદાવાદ, ખેડા, પંચમહાલ, દાહોદ, આણદ, ભરૂચ, સુરત, નવસારી, ડાંગ, વલસાડમાં પણ વરસાદનું યલો એલર્ટ જાહેર કરવામાં આવ્યું છે.
બનાસકાંઠા,પાટણ, મહેસાણા, સાબરકાંઠા,ગાંધીનગર, અરવલ્લી,મહિસાગર,કચ્છ,મોરબી, સુરેન્દ્રનગર,અમદાવાદ, ખેડા,દાહોદ, પંચમહાલ, રાજકોટ, બોટાદ, જામનગર, દેવભૂમિ દ્વારકા,પોરબંદર, જૂનાગઢ, આ તમામ વિસ્તારમાં ભારેથી અતિ ભારે વરસાદની આગાહી છે. આ સાથે દક્ષિણ ગુજરાતમાં વરસાદનું પ્રમાણ ઘટશે પરંતુ હળવાથી મઘ્યમ વરસાદ વરસતો રહેશે.
ટોપ સ્ટોરી
ટ્રેન્ડિંગ સમાચાર
