શોધખોળ કરો

Dharampur Election Result: ધરમપુર નગરપાલિકા પર ભાજપનો કબજો, અપક્ષ ઉમેદવારોએ પણ ચોંકાવ્યા

Dharampur Election Result: સ્થાનિક સ્વારાજ્યની ચૂંટણીના પરિણામો આવવા લાગ્યા છે. સવારથી જ ભારતીય જનતા પાર્ટીનો દબદબો જોવા મળી રહ્યો છે. ધરમપુર નગર પાલિકા બીજેપી કબજે કરતી જોવા મળી રહી છે.

By : gujarati.abplive.com | Updated at : 18 Feb 2025 11:32 AM (IST)

BJP wins Dharampur Municipality elections Dharampur Election Result: ધરમપુર નગરપાલિકા પર ભાજપનો કબજો, અપક્ષ ઉમેદવારોએ પણ ચોંકાવ્યા

ગુજરાત ચૂંટણી પરિણામ

Source : એબીપી અસ્મિતા

Dharampur Election Result: સ્થાનિક સ્વારાજ્યની ચૂંટણીના પરિણામો આવવા લાગ્યા છે. સવારથી જ ભારતીય જનતા પાર્ટીનો દબદબો જોવા મળી રહ્યો છે. ધરમપુર નગર પાલિકા બીજેપી કબજે કરતી જોવા મળી રહી છે. અહીં કુલ 6 વોર્ડ છે જેમાં 24 બેઠકો આવેલી છે. અત્યાર સુધીના પરિણામો પર નજર કરીએ તો ભાજપને 16 બેઠકો મળી છે. જ્યારે અન્યના ફાળે 4 બેઠકો ગઈ છે. ધરમપુર ખાતે વોર્ડ નંબર-1માં ચારેય અપક્ષ ઉમેદવાર જીત્યા છે. આમ આ અપક્ષ ઉમેદવારો બીજેપી અને કોંગ્રેસ પર ભારે પડ્યા છે. અત્યાર સુધીની મતગણતરીમાં ભાજપ 901 બેઠક પર વિજય મેળવ્યો છે જ્યારે અત્યાર સુધીની મતગણતરીમાં કોંગ્રેસ 112 બેઠક પર વિજય મેળવ્યો છે.

જૂનાગઢ મહાનગરપાલિકામા ભાજપનો ભગવો લહેરાવ્યો હતો. જૂનાગઢમાં અત્યાર સુધીમાં ભાજપે 33 બેઠક મેળવી હતી. જૂનાગઢના વોર્ડ નંબર 10માં ભાજપને પેનલનો વિજય થયો હતો. તે સિવાય ચાણસ્મા નગરપાલિકામાં પણ ભાજપે કબજો જમાવ્યો હતો. ચાણસ્મામાં જાહેર પરિણામમાં 13 પર ભાજપનો વિજય થયો છે. ગાંધીનગરની છાલા બેઠક પર ભાજપની જીત થઇ હતી. સંતરામપુર વોર્ડ નંબર-2માં ભાજપની પેનલનો વિજય થયો હતો. બોટાદની ગઢડા નગરપાલિકા પર ભાજપનો કબજો થયો હતો.

ગિરીશ કોટેચાના પુત્ર સામે ચૂંટણી લડેલા ઉમેદવાર ભાજપમાં જોડાયા હતા. જૂનાગઢ મનપામાં વોર્ડ નંબર 9માં પૂર્વ ડેપ્યુટી મેયર ગિરીશ કોટેચાના પુત્ર પાર્થ કોટેચા સામે ચૂંટણી લડેલા ઉમેદવાર મહિપતસિંહ બસીયાએ પરાજય થતા જ કેસરિયો ધારણ કર્યો અને કહ્યું મેં જે ધાર્યું હતું અને મારે જે કરવું હતું તે કરી લીધું હતું.