Cold Wave: જાન્યુઆરીમાં ઉત્તર-પૂર્વના પવનો ફૂંકાશે, ઉત્તરાયણ પહેલા ઠંડી વધશે અને આ તારીખે અહીં થશે માવઠું
Winter, Cold Wave Alert: ગુજરાતમાં વાદળછાયું વાતાવરણ સર્જાશે જેના કારણે જાન્યુઆરીની શરુઆતમા અરબ સાગરમા લો પ્રેશર બનવા જઈ રહ્યુ છે
Winter, Cold Wave Alert: દુનિયાભરમાં નવું વર્ષ શરૂ થઇ ગયુ છે, ભારતમાં પણ ઠંડીની સિઝન સાથે નવા વર્ષના વધામણા થયા છે. હવે એક રિપોર્ટ સામે આવ્યો છે, તે પ્રમાણે, જાન્યુઆરીમાં ઠંડી વધશે અને ઠેકઠેકાણે ઝાંપટા પણ પડી શકે છે. આ અંગે હવામાન વિભાગ ઉપરાંત ગુજરાતના જાણીતા હવામાનકારો પણ આગાહી કરી ચૂક્યા છે. આગામી દિવસોમાં રાજ્યમાં ફરી એકવાર ઠંડી સાથે કૉલ્ડવેવની આગાહી કરવામાં આવી છે. રાજ્યમાં હાલ ઉત્તર પૂર્વથી પૂર્વ તરફના પવનો ફૂંકાઇ રહ્યા છે. જાન્યુઆરીના પહેલા સપ્તાહમાં ઠંડી કેવી પડશે અને ગુજરાતનું હવામાન કેવું રહેશે તે અંગે જાણો હવામાન વિભાગ અને હવામાન નિષ્ણાતો અંબાલાલ પટેલ તથા પરેશ ગોસ્વામીનું શું છે અનુમાન...
માહિતી પ્રમાણે, આજથી પાંચમી જાન્યુઆરી સુધીમાં સૌરાષ્ટ્ર, કચ્છ સહિત ગુજરાત રાજ્યમાં તથા દીવ, દમણ, દાદરા નગર હવેલીમાં હવામાન શુષ્ક રહેવાની સંભાવના દર્શાવાવમાં આવી છે. હવામાન વિભાગના ડાયરેક્ટર ડૉ.મનોરમા મોહન્તીએ ગુરૂવારે જણાવ્યુ હતુ કે, આગામી મંગળવાર સુધીમાં રાજ્યમાં વરસાદની કોઇ સંભાવના નથી. જ્યારે આજ સુધી વાદળછાયું વાતાવરણ રહેશે. અપર લેવલ એટલે હાઇ ક્લાઉડ રહેવાની સંભાવના છે.
હવામાન નિષ્ણાત અંબાલાલ પટેલે ગુજરાતના હવામાન અંગે આગાહી કરતા જણાવ્યુ છે કે, ગુજરાતમાં વાદળછાયું વાતાવરણ સર્જાશે જેના કારણે જાન્યુઆરીની શરુઆતમા અરબ સાગરમા લો પ્રેશર બનવા જઈ રહ્યુ છે. આ સિસ્ટમ મજબુત બનશે. અને બંગાળના ઉપસાગરમા પણ લો પ્રેશર બનવાની શક્યતા છે. અંબાલાલ પટેલે જાન્યુઆરીના હવામાન અંગે જણાવ્યુ છે કે, 1થી 5 જાન્યુઆરીના રોજ એક વેસ્ટન ડિસ્ટર્બન્સ આવશે. 11 જાન્યુઆરી આસપાસ વેસ્ટન ડિસ્ટર્બન્સના કારણે ઉતર એટલાન્ટિક મહાસાગરમાં લો પ્રેશર સાનુકૂળ હશે. તો આ વેસ્ટન ડિસ્ટર્બન્સથી ઉતર ભારતથી ગુજરાત સુધી કમોસમી વરસાદ થવાની શક્યતા રહેશે. ભારતના મોટાભાગના વિસ્તારમાં હવામાનમાં પલટો આવશે. 7થી 9 જાન્યુઆરીના મુંબઈથી કર્ણાટક સુધી વરસાદ થવાની શક્યતા રહેશે. અરબ સાગર અને બંગાળના ઉપસાગરમા પવનો આવશે.
હવામાન નિષ્ણાત પરેશ ગોસ્વામીએ પોતાની આગાહીમાં જણાવ્યુ છે કે, ઉત્તર ભારતના પહાડી પ્રદેશોમાં હિમવર્ષા થવાથી ગુજરાતના હવામાનમાં લગભગ 1થી 3 જાન્યુઆરી દરમિયાન ફેરફારો થઈ શકે છે અને ઠંડીનું પ્રમાણ વધી શકે છે. આમ થવાથી દિવસનું જે મહત્તમ તાપમાન હાલ ચાલી રહ્યું છે તેમાં બેથી ત્રણ ડિગ્રીનો ઘટાડો થવાની સંભાવનાઓ પણ પરેશ ગોસ્વામીએ વ્યક્ત કરી છે. આમ નવા વર્ષની શરુઆત સાથે પહેલા અઠવાડિયામાં ઠંડીનો રાઉન્ડ આવવાની શક્યતાઓ છે.
આ પણ વાંચો
ટોપ સ્ટોરી
ટ્રેન્ડિંગ સમાચાર
