Crime News: રાજ્યની આ હોસ્પિટલના સુપ્રિન્ટેન્ડેન્ટે દીકરીની ઉંમરની મહિલા ડોક્ટર પર ગુજાર્યો બળાત્કાર, લગ્ન બાદ પણ....

ડાકોર સબ ડિસ્ટ્રિક્ટ હોસ્પિટલના સુપ્રિન્ટેન્ડેન્ટ પર બળાત્કારની ફરિયાદ થતા ચકચાર મચી ગઈ છે. 52 વર્ષીય ડોક્ટર તેનાથી અડધી ઉમરની એપ્રેન્ટીસ ડોક્ટર યુવતી સાથે અવારનવાર બળાત્કાર ગુજારતા હોવાની ફરિયાદ થઈ છે.

પ્રતિકાત્મક તસવીર

Crime News: ખેડાના ડાકોર સબ ડિસ્ટ્રિક્ટ હોસ્પિટલના સુપ્રિન્ટેન્ડેન્ટ પર બળાત્કારની ફરિયાદ થતા ચકચાર મચી ગઈ છે. 52 વર્ષીય ડોક્ટર તેનાથી અડધી ઉમરની એપ્રેન્ટીસ ડોક્ટર યુવતી સાથે અવારનવાર બળાત્કાર ગુજારતા હોવાની ફરિયાદ થઈ છે. ડો. અજય કે વાલા વિરુધ્ધ ડાકોર પોલીસ મથકે બળાત્કારનો ગુનો દાખલ કરવામાં આવ્યો છે. ડો.વાલા સરકારી નોકરી તેમજ લગ્નની લાલચ આપી બળાત્કાર ગુજરાતા હોવાની વાત સામે આવી છે. CHC ક્વાર્ટર્સમાં તેમજ પોતાની ઓફિસમાં શારીરિક અડપલા તેમજ બળાત્કાર ગુજાર્યો હતો. આ ઉપરાંત ડો. અજય કે વાલાના આણંદ ખાતેના બંગલામાં પણ યુવતીને લઈ જઈ અનેકવાર બળાત્કાર ગુજાર્યો હતો.

યુવતીના લગ્ન થઈ ગયા બાદ પણ જોર જબરદસ્તી યુવતી સાથે બળાત્કાર ગુજાર્યાનો ફરિયાદમાં ઉલ્લેખ કરવામાં આવ્યો છે. આ ઉપરાંત ડોક્ટર યુવતીને છૂટાછેડા લેવા માટે ધાક ધમકી આપતા હોવાનો પણ ફરિયાદમાં ઉલ્લેખ છે. ડોક્ટરની વારંવારની હેરાનગતિથી યુવતીના લગ્નજીવનમાં ભંગાણ પડ્યું હતું. જે બાદ યુવતીએ પોલીસ ફરિયદા નોંધાવી હતી. હાલમાં ડાકોર પોલીસે યુવતીની ફરિયાદ બાદ કલમ 376(2)e, 376(2)n, અને 506 મુજબ આગળની વધુ તપાસ હાથ ધરી છે.

ઇડર પોલીસ સ્ટેશનમાં PI અને કોન્સ્ટેબલ પર હુમલો
Sabarkantha : સાબરકાંઠાના ઇડરમાં (Idar) જાણે કે આરોપીઓને પોલીસતો શું કાયદાનો પણ ભય રહ્યો નથી એવી ઘટના સામે આવી છે. ઇડર પોલીસ સ્ટેશન (Idar  Police Station)ના PI અને પોલીસ કોન્સ્ટેબલ પર પોલીસ સ્ટેશનમાં જ હુમલો (Attack on PI and constable) થયૉ છે. પ્રોહિબિશનના એક આરોપીએ આ કેસની અદાવત રાખી પોલીસ સ્ટેશનમાં પોતાના મળતીયાઓ સાથે ઘુસી PI અને પોલીસ કોન્સ્ટેબલ પર હુમલો કર્યો હતો. 

આરોપીએ PIને કહ્યું, “તમારાથી થાય એ કરી લો”
આ અંગે ઇડર વિભાગના ડીવાયએસપી  ડી.એમ ચૌહાણના જણાવ્યા અનુસાર પ્રોહિબિશનના આરોપી ભગીરથસિંહ રાજેન્દ્રસિંહ સીસોદીયાએ પહેલા ઇડર પોલીસ સ્ટેશનના પોલીસ કોન્સ્ટેબલને રોડ પર જ માર મારવાની ધમકી આપી હતી. ઘટના બાદ ઇડર પોલીસ સ્ટેશનના PIએ આરોપી સાથે વાત કરતા આરોપી ભગીરથસિંહે કહ્યું કે તે રૂબરૂ પોલીસ સ્ટેશન આવે છે અને તેમનાથી થયા એ કરી લે. 

પોલીસ સ્ટેશનમાં જ PIનું ગાળું દબાવ્યું
ડીવાયએસપી  ડી.એમ ચૌહાણના જણાવ્યા અનુસાર  આરોપી ભગીરથસિંહ રાજેન્દ્રસિંહ સીસોદીયા પોતાના મળતીયાઓ સાથે ઇડર શહેર પોલીસ સ્ટેશનમાં ઘૂસ્યો હતો અને PI જયદીપસિંહ પર જાનલેવા હુમલો (Attack on PI and constable) કર્યો હતો. સૂત્રોના જણાવ્યાં પ્રમાણે આરોપીએ PIનું ગળું દબાવી છાતીના ભાગે માર માર્યો હતો અને ધમકી આપી હતી. આરોપીઓએ પોલીસ સ્ટેશનમાં તોડફોડ પણ કરી હતી. PIની ચેમ્બરની બહાર દિવાલે લગાવેલ ટર્ન આઉટના કાચને તોડ્યા હતા.