પ્રાથમિક શાળામાં અંગ્રેજી શિક્ષણને લઈને ગુજરાત સરકારે લીધો મોટો નિર્ણય
રાજ્યમાં પ્રાથમિક શિક્ષણને લઈને સરકારે મોટો નિર્ણય લીધો છે. હવેથી રાજ્યમાં પહેલા અને બીજા ધોરણમાં અંગ્રેજી વિષય દાખલ કરવામાં આવશે. નોંધનિય છે કે આ પહેલા પાંચમાં ધોરણથી અંગ્રેજી વિષયની શરૂઆત થતી હતી.
ગાંધીનગર: રાજ્યમાં પ્રાથમિક શિક્ષણને લઈને સરકારે મોટો નિર્ણય લીધો છે. હવેથી રાજ્યમાં પહેલા અને બીજા ધોરણમાં અંગ્રેજી વિષય દાખલ કરવામાં આવશે. નોંધનિય છે કે આ પહેલા પાંચમાં ધોરણથી અંગ્રેજી વિષયની શરૂઆત થતી હતી. જો કે સરકારે હવે તેમા ફેરફાર કરીને પહેલા-બીજા ધોરણથી જ બાળકોને અંગ્રેજીનું જ્ઞાન આપવાનો નિર્ણય લીધો છે. આજે વિધાનસભા ગૃહમાં શિક્ષણ વિભાગની માગણીઓનો જવાબ આપતા શિક્ષણ મંત્રીએ આ અંગે જાહેરાત કરી છે.
તો બીજી તરફ શિક્ષણ મંત્રી જીતુ વાઘાણીએ એવી પણ સ્પષ્ટતા કરી કે, ગુજરાતી વિષય ફરજિયાત છે અને રહેશે પણ સાથે સાથે અંગ્રેજી વિષય પણ દાખલ કરવામાં આવશે. આપણે સૌ જાણીએ છીએ કે, વર્તમાન સમયમાં અંગ્રેજી ભાષાનું જ્ઞાનનું કેટલું મહત્ત્વ છે. તમે કોઈપણ જગ્યાએ જશો ત્યાં અંગ્રેજીની જરૂર પડ છે જ. પછી તમે કોઈ મલ્ટીનેશનલ કંપનીમાં જોબ માટે જતા હોય કે પછી વિદેશમાં, બધી જગ્યાએ અંગ્રેજીની જરૂર પડે જ છે.
ઘણીવાર એવું પણ બને છે કે, ગામડામાં પ્રાઈમરીના અભ્યાસ દરમિયાન બાળકોને વધારે અંગ્રેજીનું જ્ઞાન નથી હોતું તેની સરખામણીએ શહેરમાં રહેતા બાળકો વધારે અંગ્રેજી જાણતા હોય છે. જે બાળકો નાનપણથી જ અંગ્રેજીમાં યોગ્ય પકડ મેળવી લેશે તેને આગળ જતા વધારે મુશ્કેલી થતી નથી. રાજ્ય સરકારે આજે આ મહત્ત્વનો નિર્ણય લઈને એક નવી પહેલ કરી છે. રાજ્ય સરકારના આ નિર્ણયથી હવે બાળકોને શરૂઆતથી જ અંગ્રેજી ભાષા અંગેનું જ્ઞાન મળવા લાગશે.
તો બીજી તરફ વિદ્યાસહાયકનું મેરિટ લિસ્ટ આજે રાજ્ય સરકાર જાહેર કરશે. મેરિટ ક્રમ અને મેરિટની માહિતી જોવા માટે ઉમેદવારે પોતાના ટેટ પરીક્ષાનો નંબર, મોબાઈલ નંબર અને પાસવર્ડ એન્ટર કરી લોગીનમાં મુકેલી મેરીટની લીંક પર ક્લીક કરવાનું રહેશે. આજે બપોરે 3.30 કલાકે http://vsb.dpegujarat.in વેબસાઇટ ઉપર કામચલાઉ મેરીટ યાદી પ્રસિદ્ધ કરાશે. મેરીટ ક્રમ અને મેરીટ માહિતી વેબસાઈટ ઉપર જોવા માટે ઉમેદવારે પોતાનો ટેટ પરીક્ષાનો નંબર, મોબાઈલ નંબર અને પાસવર્ડ એન્ટર કરી લોગીતમાં મૂકેલ મેરીટતી લીંક ઉપર ક્લીક કરવું.
ઉમેદવારોતા તામ, લાયકાત, કેટેગરી અને મેરીટ ગુણમાં જો કોઈ ક્ષતિ હોય તો વેબસાઈટ ઉપર તા.૧૭/૦૩/૨૦૨૨ થી તા.૨૩/૦૩/૨૦૨૨ દરમ્યાન ઓનલાઈન સુધારા કરી સુધારા સ્વીકાર કેન્દ્ર પર રૂબરૂ જમા કરાવવી. ઉમેદવારોની ફાઈનલ મેરીટ યાદી અને મેરીટમાં આવતાં ઉમેદવારો માટે કોલ લેટર માટેતી સૂચતાઓ હવે પછીથી વેબસાઈટ ઉપર પ્રસિદ્ધ કરાશે. નોંધનીય છે કે, ભરતીની જાહેરાત 1-2માં અનામત કક્ષાની ધો. 1-5માં ગુજરાતી માધ્યમની કુલ 533 જગ્યાઓ ભરવામાં આવશે. જ્યારે ધો. 6-8માં ગુજરાતી માધ્યમની ગણિત વિજ્ઞાનની 3278, ભાષાઓની 201, અને સામાજિક વિજ્ઞાનની 343 જગ્યાઓ બહાર પડી છે. જ્યારે જાહેરાત 03-4માં ધો.રપણ 6-8માં ગણિત વિજ્ઞાનની 473, ભાષાઓની 237, સામાજિક વિજ્ઞાનની 418 જગ્યા માટે ભરતી બહાર પડી થછે. જ્યારે ધો.1-5માં ગુજરાતી માધ્યમની કુલ 767 જગ્યા માટે ભરતી બહાર પડી છે.
ટોપ સ્ટોરી
ટ્રેન્ડિંગ સમાચાર
