![ABP Premium](https://cdn.abplive.com/imagebank/Premium-ad-Icon.png)
ગુજરાતમાં શીતલહેર, 11 શહેરોમાં 20 ડિગ્રીથી નીચું તાપમાન, નલિયા 9.8 ડિગ્રી સાથે ઠંડુગાર
અમદાવાદમાં શહેરોમાં લઘુત્તમ તાપમાન 17.5 ડિગ્રી નોંધાયું છે. જે સામાન્ય કરતા ત્રણ ડિગ્રી વધુ હતું. તો ડીસામાં 14.6 ડિગ્રી અને ભુજમાં 15 ડિગ્રી તાપમાન નોંધાયું છે.
![ગુજરાતમાં શીતલહેર, 11 શહેરોમાં 20 ડિગ્રીથી નીચું તાપમાન, નલિયા 9.8 ડિગ્રી સાથે ઠંડુગાર Extreme cold in Gujarat, temperatures below 20 degrees in 11 cities, Nalia chilly with 9.8 degrees ગુજરાતમાં શીતલહેર, 11 શહેરોમાં 20 ડિગ્રીથી નીચું તાપમાન, નલિયા 9.8 ડિગ્રી સાથે ઠંડુગાર](https://feeds.abplive.com/onecms/images/uploaded-images/2023/11/24/a7f211b19144dc3aa534f8964c3c8444170082766221978_original.jpg?impolicy=abp_cdn&imwidth=1200&height=675)
Cold In Gujarat: રાજ્યમાં કડકડતી ઠંડીનો દોર શરૂ થયો છે. બુધવારે રાજ્યના 11 શહેરોમાં 20 ડિગ્રીથી નીચું તાપમાન નોંધાયું હતું. જેમાં નલિયામાં શિયાળાની સીઝનનો સૌથી ઠંડો દિવસ રહ્યો હતો. નલિયામાં લઘુતમ તાપમાન 9.8 ડિગ્રી નોંધાયું અને માત્ર બે દિવસમાં 4.6 ડિગ્રી જેટલો પારકો ગગડયો છે.
તો અમદાવાદમાં શહેરોમાં લઘુત્તમ તાપમાન 17.5 ડિગ્રી નોંધાયું છે. જે સામાન્ય કરતા ત્રણ ડિગ્રી વધુ હતું. તો ડીસામાં 14.6 ડિગ્રી અને ભુજમાં 15 ડિગ્રી તાપમાન નોંધાયું છે. તો ગાંધીનગરમાં 16 ડિગ્રી, રાજકોટમાં 16.6 ડિગ્રી, અમરેલીમાં 17.8 ડિગ્રી તાપમાન રહ્યું, તો દ્વારકામાં 18.4 ડિગ્રી, પોરબંદરમાં 18.6, વડોદરામાં 18, અને ભાવનગરમાં 19.4 ડિગ્રી તાપમાન નોંધાયું હતું.
પહાડી રાજ્યોમાં થયેલી હિમવર્ષાની અસર હવે ઉત્તર ભારતના હવામાન પર જોવા મળી રહી છે. ઉત્તર પ્રદેશ, દિલ્હી, પંજાબ, હરિયાણામાં ઠંડા પવનો સાથે તાપમાનમાં ઘટાડો નોંધાઈ રહ્યો છે. તે જ સમયે, હવામાન વિભાગે મહારાષ્ટ્ર, બિહાર, ઝારખંડ અને પૂર્વીય ઉત્તર પ્રદેશમાં આજે 7 ડિસેમ્બરે વરસાદની આગાહી કરી છે. વરસાદ બાદ આ રાજ્યોના લઘુત્તમ તાપમાનમાં વધુ ઘટાડો નોંધાઈ શકે છે.
પશ્ચિમ મધ્ય બંગાળની ખાડીમાં દક્ષિણ આંધ્ર પ્રદેશના દરિયાકાંઠે સર્જાયેલું ગંભીર ચક્રવાતી તોફાન મિચોંગ હવે ઉત્તરપૂર્વ તેલંગાણા, દક્ષિણ છત્તીસગઢ અને દક્ષિણ આંતરિક ઓડિશામાં ઓછા દબાણના ક્ષેત્રમાં નબળું પડી ગયું છે. છેલ્લા 24 કલાક દરમિયાન આ વાવાઝોડાની અસરને કારણે સંબંધિત રાજ્યોમાં સારો વરસાદ નોંધાયો હતો. યસ્વરાવપેટા (તેલંગાણા)માં સૌથી વધુ 34 સેમી વરસાદ નોંધાયો હતો. આ પછી, પાલવંચા (તેલંગાણા)માં 25 સેમી વરસાદ, ભીમાડોલ (કોસ્ટલ આંધ્રપ્રદેશ)માં 24 સેમી વરસાદ, પોટંગી (ઓડિશા)માં 11 સેમી વરસાદ થયો છે. આગામી એક-બે દિવસમાં આ રાજ્યોમાં હળવા મધ્યમ વરસાદની શક્યતા છે.
દિલ્હીની વાત કરીએ તો આજે 07 ડિસેમ્બરે દિવસભર હવામાન સ્વચ્છ રહેવાની શક્યતા છે. જો કે સવારે હળવું ધુમ્મસ જોવા મળ્યું હતું. તાપમાનની વાત કરીએ તો, લઘુત્તમ તાપમાન 09 ડિગ્રી સેલ્સિયસ અને મહત્તમ તાપમાન 26 ડિગ્રી સેલ્સિયસ નોંધાઈ શકે છે. આ સિવાય નોઈડા અને ગુરુગ્રામ સહિત દિલ્હી-એનસીઆરના મોટાભાગના વિસ્તારોમાં હવામાન સમાન રહેશે.
હવામાનની આગાહી કરતી એજન્સી સ્કાયમેટના જણાવ્યા અનુસાર, આગામી 24 કલાક દરમિયાન છત્તીસગઢ, ઓડિશા, ઝારખંડ, દક્ષિણ બિહાર અને ગંગાના પશ્ચિમ બંગાળમાં હળવાથી મધ્યમ વરસાદ સાથે છૂટાછવાયા ભારે ઝાપટા પડી શકે છે. પૂર્વ મધ્યપ્રદેશ, વિદર્ભ, પૂર્વ તેલંગાણા, આંધ્રપ્રદેશના ઉત્તર કિનારા અને આંદામાન અને નિકોબાર ટાપુઓ પર હળવાથી મધ્યમ વરસાદની શક્યતા છે.
આ સિવાય મણિપુર, મિઝોરમ અને ત્રિપુરામાં એક-બે જગ્યાએ હળવો વરસાદ અને મધ્યમ વરસાદની શક્યતા છે. તે જ સમયે, તમિલનાડુ, કેરળ, કર્ણાટક, મરાઠવાડા, પૂર્વી ઉત્તર પ્રદેશમાં હળવા વરસાદનું એલર્ટ છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)