ગુજરાતમાં ક્યારથી ઠંડીમાં થશે ઘટાડો, જાણો હવામાન વિભાગે શું કરી આગાહી

હવામાન વિભાગના મતે રાજ્યમાં આગામી ૨૪ કલાક દરમિયાન લઘુતમ તાપમાનમાં ફેરફાર થવાની સંભાવના નથી.

ઉત્તરપૂર્વથી પૂર્વ દિશાના પવનને પગલે ગુજરાતના અનેક સ્થળે ઠંડીમાં વધારો નોંધાયો છે. જેમાં નલિયા ૭ ડિગ્રી સાથે ઠંડુંગાર રહ્યું હતું જ્યારે ગાંધીનગરમાં ૮.૫ ડિગ્રી તાપમાનથી કડકડતી ઠંડી અનુભવાઇ છે. હવામાન વિભાગના મતે રાજ્યમાં આગામી ૨૪ કલાક દરમિયાન લઘુતમ તાપમાનમાં ફેરફાર થવાની સંભાવના નથી. પરંતુ ત્યારબાદના ચાર દિવસ દરમિયાન લઘુતમ તાપમાનમાં વધારો થતાં ઠંડીમાં ઘટાડો અનુભવાશે. અમદાવાદમાં ૧૩.૮ ડિગ્રી સાથે સરેરાશ લઘુતમ તાપમાનમાં સામાન્ય કરતાં ૦.૬ ડિગ્રીનો વધારો જ્યારે ૨૮.૯ ડિગ્રી સાથે સરેરાશ મહત્તમ તાપમાનમાં સામાન્ય.કરતાં ૧ ડિગ્રીનો ઘટાડો નોંધાયો હતો. આગામી ૩ દિવસ અમદાવાદમાં ૧૪ ડિગ્રીની આસપાસ તાપમાન રહેશે જ્યારે ૧૩ ફેબુ્રઆરી સુધીમાં લઘુતમ તાપમાન ૧૭ ડિગ્રીએ જઇ શકે છે.