Gujarat Assembly Election 2022: રાજસ્થાનના CM અશોક ગહેલોતે ગુજરાત કોગ્રેસના નેતાઓને તતડાવ્યા, શું આપી ચીમકી?

મિશન 2022ને લઈ કૉંગ્રેસના મુખ્ય નિરીક્ષક અશોક ગેહલોતે ગુજરાત કોગ્રેસના નેતાઓને ચીમકી આપી હતી

ફાઇલ તસવીર

Source : ANI

મિશન 2022ને લઈ કૉંગ્રેસના મુખ્ય નિરીક્ષક અશોક ગેહલોતે ગુજરાત કોગ્રેસના નેતાઓને ચીમકી આપી હતી. ગુજરાત કોંગ્રેસના નેતાઓ સામે બેઠકમાં ગેહલોતે લાલઆંખ કરી હતી. અશોક ગેહલોતે પ્રદેશ કોંગ્રેસના નેતાઓને ઠપકો આપ્યો હતો. ઉમેદવાર માટે મારા - તારાની વૃત્તિમાંથી બહાર આવવાની ચીમકી આપી હતી.

गांधीनगर, गुजरात में राजस्थान के मुख्यमंत्री श्री @ashokgehlot51 जी, CLP लीडर श्री सुखराम राठवा के निवास पर गुजरात AICC इंचार्ज श्री रघु शर्मा, पूर्व इंचार्ज श्री बीके हरिप्रसाद, स्क्रीनिंग कमेटी चैयरमैन श्री रमेश चैनिनथला, श्री मधुसूदन मिस्त्री, के साथ वरिष्ठ नेताओं से बैठक की। pic.twitter.com/cFajDz5lnQ

— Jagdish Thakor (@jagdishthakormp) October 29, 2022

સાથે જ ઉમેદવારો માટે ખેંચતાણની પ્રવૃતિ બંધ કરવા પણ ટકોર કરી હતી અને પરિવર્તન સંકલ્પ યાત્રા સફળ કરવા ગેહલોતે મોટા નેતાઓને સૂચના આપી હતી. શનિવારે વિરોધ પક્ષના નેતાના નિવાસ્થાને ગુજરાત કોંગ્રેસના નેતાઓની બેઠક મળી હતી. જ્યાં રાત્રે 12 વાગ્યા સુધી અશોક ગેહલોતે નેતાઓની ક્લાસ લીધી હતી. અશોક ગેહલોતની સાથે પ્રભારી રઘુ શર્મા પણ હાજર રહ્યા હતા. સાથે જ પૂર્વ પ્રભારી બી કે હરીપ્રસાદ અને પ્રમુખ જગદીશ ઠાકોર પણ બેઠકમાં હાજર હતા. અને વિરોધ પક્ષના નેતા સુખરામ રાઠવા, સ્ક્રીનીંગ કમિટીના ચેરમેન રમેશ ચેન્નીથલા, પૂર્વ પ્રમુખ ભરતસિંહ સોલંકી, અમિત ચાવડા, અર્જુન મોઢવાડિયા, સિદ્ધાર્થ પટેલ પણ હાજર હતા.

Gujarat Election 2022: પાટીદાર નેતા અલ્પેશ કથીરિયા આજે આમ આદમી પાર્ટીમાં જોડાશે

ભાવનગરઃ પાટીદાર અનામત આંદોલન સમિતિનો વધુ એક મોટો ચહેરો આજે રાજકારણમાં પ્રવેશ કરશે. પાટીદાર અનામત આંદોલન સમિતિના મુખ્ય કન્વીનર અને હાર્દિક પટેલના નજીકના સાથીદાર મનાતા અલ્પેશ કથીરિયા આજે આમ આદમી પાર્ટીમાં જોડાશે. ભાવનગરના ગારિયાધાર ખાતે અરવિંદ કેજરીવાલની જાહેરસભામાં કથીરિયા આમ આદમી પાર્ટીમાં જોડાશે.

સૌથી મહત્વની વાત તો એ છે કે અલ્પેશ કથીરિયા એવા સમયે આમ આદમી પાર્ટીમાં જોડાઈ રહ્યા છે જ્યારે આમ આદમી પાર્ટીએ મુખ્યમંત્રીનો ચહેરો કોને બનાવવો તેને લઈને લોકોના અભિપ્રાય લેવાનું શરૂ કર્યું છે. અલ્પેશ અને હાર્દિકના સાથીદાર અને PAASના નેતા ધાર્મિક માલવિયા પણ આમ આદમી પાર્ટીમાં જોડાશે.