કોરોનાની બીજી લહેરમાં સુરેન્દ્રનગરના કયા ગામમાં 18 દર્દીઓના થયા મોત? કેટલા લોકોને લાગ્યો ચેપ?
લખતર તાલુકાના વણા ગામમા કોરોનાની બીજી લહેરમાં એક માસમાં 150થી વધું પોઝીટીવ કેસો છે અને 18થી વધુના મોત નીપજ્યા છે. હાલ 25 એક્ટિવ કેસ કોરોના પોઝીટીવ છે ત્યારે મારું ગામ કોરોના મુક્ત ગામની વાસ્તવિકતા કંઈક અલગ જ છે.
સુરેન્દ્રનગરઃ જીલ્લાનાં ગામડામાં પણ કોરોનાએ પગ પેસારો કર્યો છે. ત્યારે લખતર તાલુકાના વણા ગામમા કોરોનાની બીજી લહેરમાં એક માસમાં 150થી વધું પોઝીટીવ કેસો છે અને 18થી વધુના મોત નીપજ્યા છે. હાલ 25 એક્ટિવ કેસ કોરોના પોઝીટીવ છે ત્યારે મારું ગામ કોરોના મુક્ત ગામની વાસ્તવિકતા કંઈક અલગ જ છે.
સુરેન્દ્રનગર જિલ્લામાં સતત કોરોનાં કેસમાં વધી રહ્યા છે ત્યારે બીજી લહેરમાં ગામડામાં પણ કોરોનાના કેસ વધી રહ્યા છે. જ્યારે મારું ગામ કોરોના મુક્તની વાતો કરતી રાજ્ય સરકારનાં દાવા પોકળ સાબિત થાય છે. લખતરના વણા ગામની વાસ્તવિકતા કંઈક અલગ જોવા મળી રહી છે.
મારું ગામ કોરોના મુક્ત અંતર્ગત બે દિવસ પહેલા કોવીડ સેન્ટર શરૂ કરવામાં આવ્યું હતું, પરંતુ હાલ આ કોવીડ સેન્ટરમાં તાળા લાગેલા જોવા મળી રહ્યા છે. જ્યારે છેલ્લાં એક માસમાં વણા ગમા સત્તાવાર 65 કોરોના પોઝિટિવ કેસ નોંધાયા છે.
જ્યારે ગ્રામજનો દ્વારા જણાવવામાં આવ્યું છે કે 150 થી પણ વધું કેસ નોંધાયા છે અને 18 થી વધુના મોત નીપજ્યા છે. વણા પ્રાથમિક આરોગ્ય કેન્દ્રમાં ઓક્સિજનની પણ સુવિદ્યા ન હોવાનો ગ્રામજનો આક્ષેપ કરી રહ્યા છે. જ્યારે હાલ વણા ગામમાં 25 એક્ટિવ કોરોના પોઝિટિવ કેસ હોવાનું પ્રાથમિક આરોગ્ય અધિકારી દ્વારા જણાવવામાં આવ્યું છે. જ્યારે ખાનગી કલીનિક ચાલતા ડોકટરે એક માસમાં તેમના કલીનીકમાં 50થી વધુ કોરોના પોઝિટિવ કેસ નોંધાયા છે.
રાજ્યમાં કોરોના વાયરસ (Coronavirus)ના કેસમાં હવે સતત ઘટાડો નોંધાઈ રહ્યો છે. સાજા થતા દર્દીઓની સંખ્યા પણ સતત વધી રહી છે. રાજ્યમાં આજે કોરોના વાયરસના નવા 11017 કેસ નોંધાયા છે. જેની સામે 15264 લોકોએ કોરોનાને મ્હાત આપી છે. આજે કોરોના સંક્રમણના કારણે 102 લોકોના મોત થયા છે. તેની સાથે રાજ્યમાં કોરોનાથી કુલ મૃત્યુઆંક 8731 પર પહોચ્યો છે.
રાજ્યમાં આજે 15264 લોકોએ કોરોનાને મ્હાત આપી છે. તેની સાથે અત્યાર સુધી 5,78,397 લોકો ડિસ્ચાર્જ થઈ ચૂક્યા છે. રાજ્યમાં એક્ટિવ કેસ (Active cases)ની સંખ્યામાં પણ ઘટાડો આવ્યો છે. રાજ્યમાં હાલ એક્ટિવ કેસનો આંકડો 1,27,483 પર પહોંચ્યો છે. જેમાંથી 804 દર્દી વેન્ટિલેટર પર અને 1,26,679 લોકો સ્ટેબલ છે. રાજ્યમાં કોરોનાથી રિકવરી રેટ 80.94 ટકા છે.
ક્યાં કેટલા કેસ નોંધાયા ?
આજે અમદાવાદ કોર્પોરેશનમાં 2795 , સુરત કોર્પોરેશન-781, વડોદરા કોર્પોરેશન 664, મહેસાણામાં 411, વડોદરા-484, જામનગર કોર્પોરેશમાં 305 , રાજકોટ કોર્પોરેશન 286, ભાવનગર કોર્પોરેશન-292, સુરત-264, જૂનાગઢ 257, અમરેલી-256, બનાસકાંઠા-255, પંચમહાલ-254, જુનાગઢ કોર્પોરેશન- 227, જામનગર-206, આણંદ-199, ભરુચ-197, ગીર સોમનાથ-193, ખેડા-175, કચ્છ-175, મહીસાગર-163, ગાંધીનગર-148, ભાવનગર-144, પાટણ-138, સાબરકાંઠા-134, દેવભૂમિ દ્વારકા-129, અરવલ્લી-225, વલસાડ-122, ગાંધીનગર કોર્પોરેશન-117, દાહોદ-114, નવસારી-110, નર્મદા-96, છોટા ઉદેપુર-90, અમદાવાદ-88, સુરેન્દ્રનગર-77, તાપી-74, પોરબંદર-51, મોરબી-49, બોટાદ-28 અને ડાંગમાં 9 કેસ સાથે કુલ 11017 નવા કેસ નોંધાયા છે.
ક્યાં કેટલા મોત થયા ?
આજે અમદાવાદ કોર્પોરેશનમાં 17, સુરત કોર્પોરેશન-9, વડોદરા કોર્પોરેશન 5, મહેસાણામાં 4 , વડોદરા-4, જામનગર કોર્પોરેશમાં 6 , રાજકોટ કોર્પોરેશનમાં 5, ભાવનગર કોર્પોરેશન-3, સુરત-5, જૂનાગઢ 5, અમરેલી-2, બનાસકાંઠા-3, પંચમહાલ-3, જુનાગઢ કોર્પોરેશન- 3, જામનગર-3, આણંદ-1, ભરુચ-2, ગીર સોમનાથ-1, ખેડા-2, કચ્છ-4, મહીસાગર-2, ગાંધીનગર-2, પાટણ-1, સાબરકાંઠા-1, દેવભૂમિ દ્વારકા-1, અરવલ્લી-1, વલસાડ-1, ગાંધીનગર કોર્પોરેશન-1, દાહોદ-1 અને મોરબીમાં 1ના મોત સાથે કુલ 102 મૃત્યુ થયા છે.
દેશમાં શું છે કોરોનાની સ્થિતિ
સ્વાસ્થ્ય મંત્રાલયે બુધવારે સવારે જાહેર કરેલા આંકડા અનુસાર, છેલ્લા 24 કલાકમાં 3,48,421 નવા કોરોનાના કેસ (Corona Cases) આવ્યા અને 4205 લોકોના મોત થયા છે. જોકે 24 કલાકમાં 3,55,338 લોકો ઠીક પણ થયા છે.
- કુલ કેસ- બે કરોડ 33 લાખ 40 હજાર 938
- કુલ ડિસ્ચાર્જ- એક કરોડ 93 લાખ 82 હજાર 642
- કુલ એક્ટિવ કેસ - 37 લાખ 04 હજાર 099
- કુલ મોત - 2 લાખ 54 હજાર 197
ટ્રેન્ડિંગ સમાચાર
ટોપ સ્ટોરી
