Rain Forecast: ગુજરાતમાં ત્રણ કલાકની ભારે આગાહી, હવામાન વિભાગે આ વિસ્તારો માટે આપી વરસાદની ચેતવણી
Gujarat Rain Forecast: આ સિવાય રાજ્યભરમાં ઓછા-વધતા પ્રમાણમાં વરસાદ રહેવાની સંભાવનાઓ પણ વ્યક્ત કરવામાં આવી છે
Gujarat Rain Forecast: ગુજરાતમાં સતત વરસાદ વરસી રહ્યો છે, જુનાગઢ અને સૌરાષ્ટ્રના મોટાભાગના વિસ્તારોમાં વરસાદ વરસી રહ્યો છે, આ ઉપરાંત દક્ષિણ ગુજરાતમાં સુરત, નર્મદા, બારડોલી, દાહોદ, ભરૂચના ગામડાઓમાં જોરદાર વરસાદ ખાબકી રહ્યો છે. હવે આ બધાની વચ્ચે વધુ ત્રણ કલાક માટે મોટી આગાહી સામે આવી છે. આજે ચાર વાગ્યા સુધીની આગાહી કરવામાં આવી છે તેમાં પાંચ જિલ્લાઓમાં વરસાદની ચેતવણી આપવામાં આવી છે, જ્યાં ભારેથી અતિભારે વરસાદ થઈ શકે છે.
આજની લેટેસ્ટ આગાહી મુજબ, જુનાગઢમાં વરસાદની ભારે અસર જોવા મળી છે. વિસાવદરમાં 4 ઈંચ અને કેશોદમાં ઈંચ વરસાદ થયો છે, ઉત્તર ગુજરાત અને સૌરાષ્ટ્રના જિલ્લાઓમાં ચેતવણી આપવામાં આવી છે. જેમાં સૌરાષ્ટ્રના ત્રણ જ્યારે ઉત્તર ગુજરાતના બે જિલ્લાઓનો સમાવેશ થાય છે. મહેસાણા, પાટણ, રાજકોટ, પોરબંદર અને જૂનાગઢ માટે વરસાદની 4 વાગ્યા સુધીની ચેતવણી આપવામાં આવી છે, જ્યાં હળવી થંડરસ્ટોર્મ એક્ટિવિટી અને 40 કિલોમીટર પ્રતિકલાકની ઝડપે પવન ફૂંકાવાની સંભાવનાઓ વ્યક્ત કરવામાં આવી છે. આ પાંચ જિલ્લાઓમાં વીજળીના કડાકા-ભડાકાની સંભાવનાઓ પણ જોવાઈ રહી છે.
આ સિવાય રાજ્યભરમાં ઓછા-વધતા પ્રમાણમાં વરસાદ રહેવાની સંભાવનાઓ પણ વ્યક્ત કરવામાં આવી છે, જેમાં અમદાવાદ સહિત દક્ષિણ ગુજરાત, સૌરાષ્ટ્ર-કચ્છ અને ઉત્તર ગુજરાતના કેટલાક જિલ્લાઓમાં ઓરેન્જ એલર્ટ આપવામાં આવ્યું છે. હવામાન વિભાગ દ્વારા અગાઉ એક વાગ્યા સુધીની આગાહી કરવામાં આવી હતી તેમાં ઉત્તર ગુજરાત અને દક્ષિણ ગુજરાતના જિલ્લાઓ માટે રેડ એલર્ટ આપવામાં આવ્યું હતું પરંતુ હવે સૌરાષ્ટ્ર અને ઉત્તર ગુજરાતના જિલ્લાઓ માટે રેડ એલર્ટ આપવામાં આવ્યું છે. જેમાં રાજકોટ, પોરબંદર અને જૂનાગઢ તથા ઉત્તર ગુજરાતના પાટણ અને મહેસાણાનો સમાવેશ થાય છે. હવામાન વિભાગે સૌરાષ્ટ્ર-કચ્છના રાજકોટ, પોરબંદર અને જૂનાગઢમાં વરસાદની ચેતવણી આપવામાં આવી છે આ સિવાય તમામ જિલ્લાઓમાં ઓરેન્જ એલર્ટ આપવામાં આવ્યું છે. આ સિવાય દક્ષિણ ગુજરાતના તમામ જિલ્લાઓ માટે ઓરેન્જ એલર્ટ આપવામાં આવ્યું છે.
આજના દિવસ માટે જે આગાહી કરવામાં આવી છે તેમાં અરવલ્લી, દાહોદ, મહીસાગર અને છોટાઉદેપુરમાં ભારેથી અતિભારે વરસાદની સંભાવનાઓ સાથે ઓરેન્જ એલર્ટ આપવામાં આવ્યું છે, જ્યારે સાબરકાંઠા, પંચમહાલ, નર્મદા, નવસારી, વલસાડ તથા અમરેલી અને ભાવનગરમાં ભારે વરસાદની આગાહી છે. આ સિવાય અમદાવાદ અને ગાંધીનગર સહિત ખેડા, આણંદ, સુરેન્દ્રનગર, રાજકોટ, જામનગર, પોરબંદર, જૂનાગઢ, ભાવનગર, મોરબી, દ્વારકા, ગીર સોમનાથ, બોટાદ અને કચ્છ તથા દીવમાં હળવા વરસાદની સંભાવનાઓ હવામાન વિભાગે વ્યક્ત કરી છે.
ટોપ સ્ટોરી
ટ્રેન્ડિંગ સમાચાર
