Gujarat Rain Live Updates: અમદાવાદમાં ફરી ધોધમાર વરસાદ, અનેક વિસ્તારોમાં પાણી ભરાયા
Gujarat Rain Live Updates: હવામાન વિભાગની આગાહી મુજબ આગામી ત્રણ દિવસ હજુ પણ ગુજરાતમાં વરસાદી માહોલ રહેશે
LIVE
Background
Gujarat Rain Live Updates: હવામાન વિભાગની આગાહી મુજબ આગામી ત્રણ દિવસ હજુ પણ ગુજરાતમાં વરસાદી માહોલ રહેશે. બંગાળની ખાડીમાં સર્જાયેલ સિસ્ટમ ગુજરાત પર આવતા રાજ્યમાં વરસાદનું જોર વધ્યું છે. હાલની સ્થિતિ પ્રમાણે આ સિસ્ટમ રાજસ્થાન અને ગુજરાત તરફ આગળ વધી રહી છે પરિણામ સ્વરૂપ ઉત્તર, મધ્ય અને દક્ષિણ ગુજરાતમાં ધોધમાર વરસાદ વરસી રહ્યો છે. છેલ્લા 24 કલાકમાં 244 તાલુકામાં વરસાદ વરસ્યો છે. સોથી વધુ ખેરગામમાં 16 ઇંચ વરસાદ ખાબક્યો છે.
છેલ્લા 24 કલાકમાં રાજ્યના 244 તાલુકામાં વરસાદ
- છેલ્લા 24 કલાકમાં ખેરગામમાં 16 ઈંચ વરસાદ
- છેલ્લા 24 કલાકમાં ડાંગ-આહવામાં 11 ઈંચ વરસાદ
- છેલ્લા 24 કલાકમાં કપરાડામાં 11 ઈંચ વરસાદ
- છેલ્લા 24 કલાકમાં વઘઈમાં 10 ઈંચ વરસાદ
- છેલ્લા 24 કલાકમાં ધરમપુરમાં સાડા નવ ઈંચ વરસાદ
- છેલ્લા 24 કલાકમાં ડેડીયાપાડામાં સાડા નવ ઈંચ વરસાદ
આગામી 24 કલાકમાં ગુજરાતમાં ભારે વરસાદની આગાહી
આગામી 24 કલાકમાં ગુજરાતમાં ભારે વરસાદની આગાહી કરી હતી. રાજ્યના તમામ જિલ્લાઓમાં વરસાદનું રેડ એલર્ટ જાહેર કરાયું છે. તમામ જિલ્લાઓમાં અતિભારે વરસાદ વરસી શકે છે. મુખ્યમંત્રીએ ડિઝાસ્ટર મેનેજમેન્ટ સાથે બેઠક કરી છે. તમામ જિલ્લાના કલેક્ટર્સ સાથે મુખ્યમંત્રીએ વાત કરી હતી.
મૂશળધાર વરસાદથી આણંદ જળબંબાકાર
મૂશળધાર વરસાદથી આણંદ જળબંબાકાર થયું છે. ધોધમાર વરસાદથી આણંદમાં અનેક વિસ્તારો પાણીમાં ગરકાવ થયા હતા. આણંદની અનેક સોસાયટીઓમાં પાણી ભરાયા હતા. લોટીયા ભાગોર નજીક આવેલું લોટેશ્વર તળાવ ઓવરફ્લો થયું હતું. તળાવ ઓવરફ્લો થતાં તળાવના પાણી રોડ ઉપર ફરી વળ્યા હતા. પાણી ફરી વળતા વાહન ચાલકોને હાલાકીનો સામનો કરવો પડ્યો હતો. આણંદના નાપા ગામ પાસે દાંડી માર્ગ ધોવાયો હતો. સોસાયટીમાં લોકોના ઘરોમાં પાણી ઘૂસ્યા હતા. આણંદમાં આજે આઠ ઈંચ વરસાદ ખાબક્યો હતો. આણંદના બોરસદમાં આજે 10 ઈંચ, ખંભાતમાં આઠ ઈંચ, તારાપુરમાં સાડા સાત ઈંચ વરસાદ વરસ્યો હતો.
આણંદ જિલ્લામાં છ કલાકમાં સાડા પાંચ ઇંચ વરસાદ વરસ્યો
આણંદ જિલ્લામાં છ કલાકમાં સાડા પાંચ ઇંચ વરસાદ વરસ્યો હતો. આણંદના કલેક્ટરે ડિઝાસ્ટર કચેરીની મુલાકાત લીધી હતી. કંટ્રોલ રૂમની કામગીરીની સમીક્ષા કરી હતી. SDRFની એક ટીમને સ્ટેન્ડબાય રાખવામાં આવી હતી.
અમદાવાદમાં ફરી ધોધમાર વરસાદ શરૂ
અમદાવાદમાં ફરી ધોધમાર વરસાદ શરૂ થયો હતો. શહેરના નારોલ, નરોડા, સીટીએમ, નિકોલમાં ધોધમાર વરસાદ વરસ્યો હતો. અમદાવાદમાં અનેક ઠેકાણે ઘૂંટણસમા પાણી ભરાયા હતા. અમદાવાદના અનેક અંડરપાસમાં પાણી ભરાયા હતા.
અમદાવાદના મકરબા વિસ્તારમાં ધોધમાર વરસાદ શરૂ થયો છે. એસજી હાઈવે, એસપી રિંગ રોડ, સીજી રોડ વિસ્તારમાં વરસાદ વરસ્યો હતો. તે સિવાય રાણીપ, વાડજ, ઠક્કરબાપાનગર વિસ્તારમાં વરસાદ વરસ્યો હતો. જમાલપુર વિસ્તારમાં જળબંબાકારની સ્થિતિ સર્જાઇ હતી. શહેરની અનેક સોસાયટીમાં પાણી ભરાયા હતા.
વડોદરાના વાઘોડીયામાં જળબંબાકારની સ્થિતિ
વડોદરાના વાઘોડીયામાં જળબંબાકારની સ્થિતિ સર્જાઇ છે. ગ્રીન પાર્ક, શિવ કૃપા સોસાયટીમાં પાણી ભરાયા હતા. પરિશ્રમ, આનંદ નગરી વિસ્તારમાં પાણી ભરાયા હતા. કેટલાક વિસ્તારોમાં ઘૂંટણસમા ભરાયા હતા.
ટ્રેન્ડિંગ સમાચાર
ટોપ સ્ટોરી
