સૌરાષ્ટ્રના કયા ગામમાં આભ ફાટ્યું? હજુ બે દિવસ ભારે ક્યાં ક્યાં ભારે વરસાદની આગાહી?
રાજ્યમાં 12 વાગ્યા સુધીમાં 85 તાલુકામાં વરસાદ ખાબક્યો છે. પોરબંદરના મોઢવાડા ગામે આભ ફાટ્યું છે. ભારે વરસાદને પગલે ગામના વોકળા છલકાયા છે. તેમજ વાડી ખેતરો માં જ્યાં જુવો ત્યાં પાણી જ પાણી થઈ ગયું છે.
પોરબંદરઃ રાજ્યમાં 12 વાગ્યા સુધીમાં 85 તાલુકામાં વરસાદ ખાબક્યો છે. પોરબંદરના મોઢવાડા ગામે આભ ફાટ્યું છે. ભારે વરસાદને પગલે ગામના વોકળા છલકાયા છે. તેમજ વાડી ખેતરો માં જ્યાં જુવો ત્યાં પાણી જ પાણી થઈ ગયું છે.
રાજ્યમાં ચોમાસા મામલે મોટા સમાચાર સામે આવ્યા છે. ચોમાસાએ સમગ્ર ગુજરાતમાં પ્રવેશ કર્યો છે. હવે ચોમાસુ કચ્છ સુધી પહોચ્યું છે. આજે અને આવતી કાલે રાજ્યમાં અનેક જગ્યાએ વરસાદની આગાહી કરવામાં આવી છે. 2 દિવસ બાદ વરસાદનું જોર ઘટશે.
જામનગર, દેવભૂમિ દ્વારકામાં 2 દિવસ ભારે થી અતિ ભારે વરસાદની આગાહી કરવામાં આવી છે. રાજયના અન્ય વિસ્તારોમાં છૂટો છવાયો ભારે વરસાદ આવી શકે છે. માછીમારોને દરિયો ન ખેડવાની ચેતવણી આપી છે. પવનની ગતિ 50 થી 60 કિમિ પ્રતિ કલાકની રહી શકે છે.
ગોંડલ તાલુકાના મોવિયા ગામે ભારે વરસાદ ખાબક્યો હતો. સ્થાનિક તંત્રની બેદરકારી સામે આવી છે. મોવિયામાં ભૂગર્ભ ગટરના વિશાળ ખાડાઓમાં વરસાદી પાણી ભરાયું છે. તંત્ર દ્વારા સાવચેતીના બોર્ડ પણ મારવામાં આવ્યા નથી. વરસાદી પાણી ભરાતા મોવિયાના ગ્રામજનો પરેશાન થઈ ગયા હતા.
મોઢવાડાથી મજીવણા અને શીશલીનો રસ્તો બંધ થઈ ગયો છે. સુરેન્દ્રનગરનાં થાનગઢમાં 2 કલાકમાં 2 ઇંચ જેટલો વરસાદ ખાબક્યો હતો. ધંધુકા, પાટણ, રાજકોટ, ચીખલી ઉમરપાડા તાલુકામાં બે કલાક મા એક ઇંચ જેટલો વરસાદ પડ્યો હતો.
૧૧થી ૧૭ જૂન સુધી સુરત અને દિવ આવીને અટકી ગયેલું ચોમાસુ સાત દિવસ બાદ ગતિમાં આવ્યું છે. ચોમાસુ રાજ્યના અન્ય વિસ્તારોમાં આગળ વધી રહ્યું છે. રાજ્યના ૫૦થી વધુ તાલુકામાં અડધા ઈંચથી વધુ વરસાદ નોંધાયો છે. આણંદમાં ૭ ઈંચ કરતાં પણ વધુ વરસાદ નોંધાયો છે. જેમાં સવારે ૬થી ૮માં ૫ ઈંચ જ્યારે સવારે ૮થી ૧૦માં ૨ ઈંચ એટલે કે ચાર કલાકમાં જ સાત ઈંચ વરસાદ સાથે મેઘરાજાએ તોફાની બેટિંગ કરી હતી.
હવામાન વિભાગે આગામી બે દિવસ રાજ્યના કેટલાક વિસ્તારોમાં ભારે વરસાદની આગાહી કરી છે. આજે અમદાવાદ, મહેસાણા, પાટણ, છોટા ઉદેપુર, નર્મદા, ડાંગ, તાપી, રાજકોટ, જામનગર, અમરેલી, ભાવનગર, સુરેન્દ્રનગર, મોરબી, બોટાદ, કચ્છ, આણંદ, ભરૂચ, વડોદરા, સુરત, નવસારી, વલસાડ, દમણ, બનાસકાંઠા, સાબરકાંઠામાં ભારેથી અતિભારે વરસાદ પડી શકે છે. પાંચ દિવસ દરમિયાન અમદાવાદમાં વરસાદી માહોલ રહી શકે છે. હાલની સ્થિતિ પ્રમાણે ૨૩-૨૪ જૂનના ભારે વરસાદ પડે તેની સંભાવના છે.
સાબરકાંઠા જિલ્લામાં પણ વરસાદી માહોલ જામ્યો છે. શુક્રવારે જિલ્લાના તમામ તાલુકામાં વરસાદ નોંધાયો છે. જેમાં સૌથી વધુ વરસાદ વડાલીમાં 6 ઈંચ વરસાદ ખાબક્યો હતો. તો વિજયનગરમાં એક ઈંચ જેટલો વરસાદ નોંધાયો છે. આ સાથે જ ઈડર અને ખેડબ્રહ્મામાં પણ અડધા ઈંચ જેટલો વરસાદ પડ્યો છે.
ઉત્તર ગુજરાતમાં પણ સતત બીજા દિવસે મેઘમહેર થઈ છે. મહેસાણા શહેરમાં તો મેઘરાજાની થઈ ધમાકેદાર એંટ્રી થઈ છે. એક કલાકમાં જ 3 ઈંચ વરસાદ ખાબકતા મહેસાણા શહેર જળબંબાકાર થયું છે. મહેસાણાની અનેક સોસાયટીઓમાં ઘરો અને દુકાનોમાં વરસાદી પાણી ઘૂસી ગયા છે. શહેરનું ગોપીનાળું અને ભમરિયું નાળામાં પાણી ભરાતા બંને નાળા બંધ કરી દેવાયા છે. તો મહેસાણાના પરા વિસ્તારમાં 4 ફૂટ સુધી પાણી ભરાતા વાહન વ્યવહાર બંધ થયો છે. જ્યારે સોમનાથ ચોકમાં પણ રસ્તા પર પાણી ભરાતા વાહનચાલકો થયા પરેશાન થયા છે. હજુ તો ચોમાસાની થઈ છે શરૂઆત છે ત્યાં જ મહેસાણા શહેરમાં પાણી ભરાતા નગરપાલિકાના પ્રી-મોનસૂન પ્લાનની પોલ ખુલી ગઈ છે.
ટ્રેન્ડિંગ સમાચાર
ટોપ સ્ટોરી
