નોકરી નોકરી નોકરી! ગુજરાતમાં 2 લાખથી વધુ જગ્યાઓ ભરવાની સરકારની ધમાકેદાર જાહેરાત! મોજ પડી જશે!
સામાન્ય વહીવટ વિભાગની વર્ષ ૨૦૨૫-૨૬ માટેની અંદાજપત્રીય માંગણીઓ વિધાનસભામાં મંજૂર: ભાવનગરમાં નવું તાલીમ કેન્દ્ર ખુલશે, મુખ્યમંત્રી હેલ્પલાઇન શરૂ થશે.
Government Job Vacancies: ગુજરાત વિધાનસભા ગૃહમાં સામાન્ય વહીવટ વિભાગ માટે વર્ષ ૨૦૨૫-૨૬ માટેની અંદાજપત્રીય માંગણીઓ મંજૂર કરવામાં આવી છે. મંત્રી ઋષિકેશ પટેલે વિધાનસભામાં માહિતી આપતા જણાવ્યું હતું કે રાજ્ય સરકાર મુખ્યમંત્રી ભૂપેન્દ્રભાઇ પટેલના નેતૃત્વમાં પારદર્શક અને સુચારૂ વહીવટ માટે પ્રતિબદ્ધ છે. મંજૂર થયેલ અંદાજપત્રીય જોગવાઈઓ હેઠળ રાજ્યમાં વહીવટી સુધારણા અને નાગરિક સુવિધાઓ વધારવા પર ભાર મૂકવામાં આવશે.
મંત્રીએ ગૃહને જણાવ્યું હતું કે રાજ્ય સરકારના વહીવટી વિભાગોમાં વિવિધ સંવર્ગોની ભરતી પ્રક્રિયાને સુવ્યવસ્થિત કરવા માટે આગામી ૧૦ વર્ષનું ભરતી કેલેન્ડર બનાવવાની દિશામાં કાર્યવાહી ચાલી રહી છે. આ કેલેન્ડર મુજબ, આગામી દાયકામાં અંદાજે કુલ ૨,૦૬,૯૯૧ જગ્યાઓ ભરવાનું આયોજન છે, જેનાથી રાજ્યના યુવાનો માટે રોજગારીની નવી તકો ઊભી થશે.
વહીવટી કાર્યક્ષમતા અને નાગરિકો સાથેના સંવાદને વધુ મજબૂત બનાવવા માટે રાજ્ય સરકાર મુખ્યમંત્રી હેલ્પલાઇન શરૂ કરશે. આ હેલ્પલાઇન નાગરિકો અને સરકાર વચ્ચે સીધો અને અસરકારક સંવાદ સ્થાપિત કરવામાં મદદરૂપ થશે, અને લોકો પોતાની સમસ્યાઓ અને સૂચનો સરકાર સુધી સરળતાથી પહોંચાડી શકશે.
મંત્રી પટેલે સેવા સેતુ કાર્યક્રમની સફળતાનો ઉલ્લેખ કરતા જણાવ્યું હતું કે કાર્યક્રમના દસમા તબક્કામાં આવેલી કુલ ૧૭,૬૫,૬૦૪ અરજીઓમાંથી ૧૭,૬૫,૫૯૫ એટલે કે ૯૯.૯૯% અરજીઓનો નિકાલ કરવામાં આવ્યો છે, જે સરકારની કાર્યક્ષમતા અને નાગરિકો પ્રત્યેની સંવેદનશીલતા દર્શાવે છે.
રાજ્યના વહીવટી તંત્રને વધુ સુદ્રઢ બનાવવાના ભાગરૂપે રાજકોટ પ્રાદેશિક તાલીમ કેન્દ્ર પર વધી રહેલા કાર્યભારને ધ્યાનમાં રાખીને ભાવનગર ખાતે એક નવું પ્રાદેશિક તાલીમ કેન્દ્ર સ્થાપવામાં આવશે. આ નવા કેન્દ્ર માટે વર્ષ ૨૦૨૫-૨૬ના બજેટમાં રૂ. ૨.૫૦ કરોડની જોગવાઈ કરવામાં આવી છે.
વધુમાં, મંત્રીએ જણાવ્યું હતું કે લોકાભિમુખ વહીવટને વધુ અસરકારક બનાવવા માટે સરકાર સતત સુધારાઓ કરી રહી છે. વિકસિત ભારત@૨૦૪૭ના લક્ષ્યને પ્રાપ્ત કરવા ગુજરાત ઝડપથી વિકાસ સાધી રહ્યું છે. આ વિકાસયાત્રામાં વહીવટી માળખાને વધુ સુદ્રઢ અને કાર્યક્ષમ બનાવવા માટે ડૉ. હસમુખ અઢિયાના અધ્યક્ષસ્થાને ગુજરાત વહીવટી સુધારણા પંચની રચના કરવામાં આવશે. આ પંચ વહીવટી સુધારાઓ માટે ભલામણો કરશે, માનવશક્તિનું તર્કસંગત વિતરણ કરશે, જાહેર સેવાઓને વધુ સુદ્રઢ બનાવશે અને ટેક્નોલોજીનો ઉપયોગ વધારીને સરકારી તંત્રની કાર્યક્ષમતામાં વધારો કરશે.
વિધાનસભા ગૃહમાં વર્ષ ૨૦૨૫-૨૬ માટે સામાન્ય વહીવટ વિભાગની કુલ રૂ. ૩૯૯.૮૮ કરોડની માંગણીઓ સર્વાનુમતે પસાર કરવામાં આવી હતી. આ નાણાકીય જોગવાઈઓ રાજ્યના વહીવટી તંત્રને વધુ કાર્યક્ષમ, પારદર્શક અને નાગરિકો માટે સુલભ બનાવવામાં મહત્વપૂર્ણ ભૂમિકા ભજવશે.
આ પણ વાંચો...
ત્રીજા બાળક માટે 50 હજાર રૂપિયાનું ઇનામ, જો તે છોકરો હશે તો ગાય પણ મળશે; આ રાજ્યે લોકોને આપી ઓફર
ટોપ સ્ટોરી
ટ્રેન્ડિંગ સમાચાર
