Gujarat Rain Update Live: રાજ્યભરમાં મેઘમહેર યથાવત, આગામી 24 કલાકમાં આ જિલ્લામાં ભારે વરસાદની આગાહી
રાજ્યમાં હાલ ત્રણ વરસાદી સિસ્ટમ એક્ટિવ થતાં રાજ્યભરમાં સાર્વત્રિક વરસાદ વરસી રહ્યો છે. આગામી 48 કલાક કેટલાક જિલ્લામાં ભારે વરસાદનું અનુમાન છે.
LIVE
Background
Gujarat Rain Update Live: હવામાન વિભાગે રાજ્યમાં આગામી 24 કલાક ભારેથી અતિભારે વરસાદની આગાહી કરી છે.એક સાથે ત્રણ સિસ્ટમ સક્રિય થતા રાજ્યભરમાં મેઘરાજાએ જમાવટ કરી છે. સૌરાષ્ટ્ર, કચ્છ, ઉત્તર ગુજરાતમાં ભારે વરસાદનો અનુમાન છે.હવામાન વિભાગની આગાહી મુજબ હાલ રાજ્યભરમાં વરસાદી માહોલ છવાયો છે.
સારા વરસાદને પગલે રાજ્યના જળાશયોમાં પાણીનો ભારે આવક થઇ રહી છે. 29 ડેમ હાઈએલર્ટ પર છે. 11 જળાશય એલર્ટ તો 15 ડેમો વોર્નિંગ પર છે. રાજ્યના કુલ 207 જળાશયોમાં કુલ 46.30 ટકા પાણીનો જથ્થો છે.ભારે વરસાદની સાથે રાજ્યના જળાશયો ઓવરફ્લો થઇ રહ્યા છે. રાજ્યના 207 પૈકી 21 જળાશયો સંપૂર્ણ ભરાઇ ચૂક્યાં છે. સૌરાષ્ટ્રના 15, કચ્છના 5 અને દક્ષિણ ગુજરાતનો એક ડેમ ઓવરફ્લો થયો છે.
અત્યાર સુધીમાં રાજ્યમાં સિઝનનો 39 ટકા વરસાદ વરસી ચૂક્યો છે. કચ્છમાં 100 ટકા, સૌરાષ્ટ્રમાં 55.53 ટકા, તો ઉત્તર ગુજરાતમાં 37.03 ટકા, તો દક્ષિણ ગુજરાતમાં 29.52 ટકા વરસાદ વરસ્યો છે.રાજ્ય પાંચ જિલ્લામાં અત્યાર સુધીમાં ચોમાસાની સિઝનનો સૌથી વધુ વરસાદ.. કચ્છમાં 100 ટકા.. તો જૂનાગઢ જિલ્લામાં 75.28 ટકા, ગીર સોમનાથમાં 58.61 ટકા, નવસારીમાં 36.34 ટકા, તો વલસાડ જિલ્લામાં સરેરાશ 36 ટકા વરસાદ વરસ્યો છે.
કચ્છ જિલ્લામાં વહેલી સવારથી વરસાદ શરૂ ગયો છે. રાપર તાલુકાના રામવાવ, ખેંગારપર સહિત ભચાઉના ભરૂડિયા સહિતના વિસ્તોરમાં વરસાદ વરસી રહ્યો છે. નખત્રાણા, રવાપર વિસ્તારમાં પણ વરસાદ વરસી રહ્યો છે. અબડાસાના ખીરસરા સહિતના વિસ્તારોમાં વરસાદી માહોલ છે.
અમદાવાદમાં છેલ્લા ત્રણ દિવસથી વરસાદી માહોલ છવાયો છે. સવારથી જ અમદાવાદમાં ડિબાંગ વાદળો છવાયા છે. એસજી હાઈવે, પ્રહલાદનગર, વેજલપુરમાં સહિતના વિસ્તારમાં હળવાથી સામાન્ય વરસાદ વરસી રહ્યો છે. વાદળછાયા વાતાવરણ અને મેઘાંડરને કારણે વિઝિબિલિટીમાં ઘટાડો થયો છે. બગોદરાથી બાવળા વચ્ચે ધોધમાર વરસાદના કારણે વિઝિબિલિટી શૂન્ય બરાબર હતી જેના કારણે વાહનચાલકો પરેશાન થયા હતા.
પાટણ જિલ્લામાં સર્વત્રિક વરસાદ
રાજ્યભરમાં શ્રીકાર વરસાદની સ્થિતિ છે. હાલ વરસાદે રાજ્યભરમાં જમાવટ કરી છે. પાટણ જિલ્લામાં સર્વત્રિક વરસાદ છે. તમામ તાલુકામાં નોંધપાત્ર વરસાદ પડ્યો છે.
લાઠીદડ ગામે છેલ્લા 2 કલાક થી ધોધમાર વરસાદ
બોટાદના લાઠીદડ ગામે છેલ્લા 2 કલાકથી ધોધમાર વરસાદ વરસી રહ્યો છે. વરસાદના કારણે રોડ ઉપર પાણી ફરી વળ્યાં છે. આ પંથકના ચેકડેમો ઓવરફ્લો થયા છે. તમામ રસ્તાઓ પાણી પાણી થયા છે.
માંગરોળ પંથકમાં ધોધમાર વરસાદ
જુનાગઢના માંગરોળ પંથકમાં ધોધમાર વરસાદ પડ્યો. બે કલાકમાં 65 મીલીમીટર વરસાદ ખાબક્યો છે. વરસાદથી ખેતરોમાં પાણી ભરાઈ ગયા છે. જેના કારણે મગફળીના પાકમાં નુકસાની થાય તેવી શક્યતા સેવાઇ રહી છે.
રાજકોટના ધોરાજી-ભાયાવદર વચ્ચે પુલની દિવાલ ધરાશાયી
રાજ્યમાં સાર્વત્રિક વરસાદની સ્થિતિ છે. નાની વાવડી ગામે પુલની દિવાલ ધરાશાયી થતાં વાહન ચાલકો જીવના જોખમે પુલ પસાર કરી રહ્યા છે . કોઇ મોટી દુર્ઘટના સર્જાય તે પહેલા જ સમારકામ કરવાની માંગણી ગ્રામજનો કરી રહ્યાં છે.
ગાંધીનગર શહેર અને સમગ્ર જિલ્લામાં સાર્વત્રિક વરસાદ
રાજ્યમાં એક સાથે ત્રણ વરસાદી સિસ્ટમ એક્ટિવ હોવાથી સમગ્ર ગાંધીનગર જિલ્લામાં હળવાથી સામાન્ય વરસાદ વરસી રહ્યો છે. ગાંધીનગર શહેરના અલગ અલગ વિસ્તારોમાં વરસાદી માહોલ જામ્યો છે. દહેગામ સહિતના આસપાસના ગ્રામ્ય વિસ્તારોમાં વરસાદના રસ્સા પર પાણી ભરાયા છે.
ટ્રેન્ડિંગ સમાચાર
ટોપ સ્ટોરી
