Vadodra Rain: વડોદરા જિલ્લાના ડભોઈ પંથકમાં ધોધમાર વરસાદ વરસ્યો

હવામાન વિભાગની આગાહી વચ્ચે મેઘરાજા ડભોઈ પંથકમાં મન મૂકી વરસી રહ્યા છે.  ચનવાડા, સીતપુર,વડજ સહિતના ગામોમાં વરસાદ વરસ્યો છે.

ડભોઈ પંથકમાં વરસાદ

વડોદરા: વડોદરા જિલ્લાના ડભોઇ પંથકમાં ધોધમાર વરસાદ વરસ્યો છે.  બપોર બાદ વરસાદી માહોલ જામ્યો છે.   ડભોઇ સ્ટેચ્યુ ઓફ યુનિટી રોડ, શિનોર રોડ, ઝારોલા વગા, ટાવર બજાર સહિત વિસ્તારમાં ભારે વરસાદ વરસ્યો છે.  ડભોઈ પંથકના ગામોમાં પણ ધોધમાર વરસાદ વરસ્યો છે. 

હવામાન વિભાગની આગાહી વચ્ચે મેઘરાજા ડભોઈ પંથકમાં મન મૂકી વરસી રહ્યા છે.  ચનવાડા, સીતપુર,વડજ સહિતના ગામોમાં વરસાદ વરસ્યો છે.  મુખ્ય માર્ગો પર વરસાદ વરસતા વાહન ચાલકોને હાલાકીનો સામનો કરવો પડ્યો છે.  લાંબા વિરામ બાદ વરસાદ વરસતા ખેડૂતોમાં ખુશીનો માહોલ છે.  ખેડૂતોના પાકને જીવનદાન મળે તે રીતે વરસાદી માહોલ જામ્યો છે. 

વડોદરા શહેરના અનેક વિસ્તારમાં વરસાદ વરસ્યો છે.  કેટલાક વિસ્તારોમાં ધોધમાર તો કેટલાક વિસ્તારોમાં ધીમી ધારે વરસાદ વરસ્યો છે.  રાવપુરા, સયાજીગંજ, ફતેગંજ, અકોટા, અલકાપુરી, છાણી, સમા, આજવા રોડ, વાઘોડિયા રોડ પર વરસાદ વરસ્યો છે.  હવામાન વિભાગની આગાહી મુજબ વડોદરા શહેરમાં વરસાદ વરસ્યો છે. 

ગુજરાતમાં ભારે વરસાદની આગાહી

આગામી દિવસોમાં રાજ્યના કેટલાક વિસ્તારોમાં ભારે વરસાદની હવામાન વિભાગે આગાહી વ્યક્ત કરી છે.  17થી 19 સપ્ટેમ્બર સુધી રાજ્યના કેટલાક વિસ્તારોમાં ભારે વરસાદ વરસી શકે છે. છોટા ઉદેપુર, દાહોદ, સુરતની સાથે સંઘ પ્રદેશ દમણ અને દાદરાનગર હવેલીમાં ભારે વરસાદની હવામાન વિભાગે આગાહી કરી છે. કાલે નર્મદા, છોટાઉદેપુર, પંચમહાલ, વડોદરામાં પણ ભારે વરસાદ વરસી શકે છે.  આ તરફ ઉત્તર ગુજરાતના પાટણ, મહેસાણા, ગાંધીનગર અને અમદાવાદમાં વરસાદ વરસી શકે છે. 

સૌરાષ્ટ્રાના કેટલાક વિસ્તારોમાં પણ ભારે વરસાદની હવામાન વિભાગે આગાહી વ્યક્ત કરી છે.  ભારે વરસાદની આગાહીને પગલે 16થી 18 સપ્ટેમ્બર સુધી માછીમારોને દરિયો ન ખેડવા સૂચના આપવામાં આવી છે. 

 

ડાંગ જિલ્લામાં વરસાદી માહોલ

ડાંગ જિલ્લામાં  વરસાદી માહોલ જામ્યો છે.  જિલ્લામાં સાપુતારા અને વઘઇમાં વરસાદ વરસ્યો છે.  ગત અઠવાડિયામા સારા વરસાદ બાદ ફરી વરસાદથી વાતવરણમાં ઠંડક પ્રસરી છે.  ખેતીવાડી કરતા ખેડૂતોમાં ઉત્સાહ જોવા મળી રહ્યો છે.  સહલાણીઓ માટે પણ વરસાદ આનંદ લઈને આવ્યો છે.  ચોમાસા દરમિયાન ડાંગ જિલ્લામાં કુદરતી સૌંદર્ય ખીલી ઉઠતા સેહલાણીઓ માટે સ્વર્ગ સમાન બન્યું છે. 

નર્મદા જિલ્લામાં વરસ્યો વરસાદ

ર્મદા જિલ્લામાં ભારે વરસાદ પડ્યો છે.  વરસાદ પડતા ખેડૂતોને મોટી રાહત થઈ છે.  કેવડિયા ,ગરુડેશ્વર વિસ્તારમાં ભારે વરસાદથી ધરતીપુત્રોમાં ખુશીનો માહોલ છે. સપ્ટેમ્બર સુધી  વરસાદ ખૂબ ઓછો પડ્યો હતો.  નર્મદા જિલ્લામાં વરસાદી માહોલ જામતા ખેડૂતોને ઘણી રાહત મળી છે.  જમીનમાં પાણી ઉતરતા જળ સ્તર પણ વધશે.