ચોમાસાના છેલ્લા રાઉન્ડમાં પણ વરસાદ ભુક્કા બોલાવશેઃ પરેશ ગોસ્વામીએ 2-5 ઇંચ વરસાદની આગાહી કરી
Gujarat Weather Update: બંગાળની ખાડીમાં એક વરસાદી સિસ્ટમ બની રહી છે. આ સિસ્ટમને કારણે, 24 સપ્ટેમ્બરથી 30 સપ્ટેમ્બર સુધી રાજ્યના વિવિધ વિસ્તારોમાં 2 થી 5 ઇંચ સુધીનો વરસાદ જોવા મળી શકે છે.
Paresh Goswami Rain Forecast: 2024 ના ચોમાસાના વરસાદનો છેલ્લો રાઉન્ડ આવી રહ્યો છે. નેરુત્યનું ચોમાસું હાલ રાજસ્થાનના ઉત્તર પશ્ચિમ ભાગોમાંથી વિદાય લઈ રહ્યું છે, છતાં ગુજરાતમાં ચોમાસું હજુ સક્રિય છે. આ કારણે, રાજ્યમાં વરસાદનો એક નવો રાઉન્ડ આવી રહ્યો છે.
બંગાળની ખાડીમાં એક વરસાદી સિસ્ટમ બની રહી છે. આ સિસ્ટમને કારણે, 24 સપ્ટેમ્બરથી 30 સપ્ટેમ્બર સુધી રાજ્યના વિવિધ વિસ્તારોમાં 2 થી 5 ઇંચ સુધીનો વરસાદ જોવા મળી શકે છે. આ સિસ્ટમ આવનારા દિવસોમાં, 25 અથવા 26 સપ્ટેમ્બર સુધીમાં, વેલમાર્ક લો પ્રેશર અથવા ડિપ્રેશનની કેટેગરી પ્રાપ્ત કરી શકે છે.
આજે, 24 સપ્ટેમ્બરથી, દક્ષિણ ગુજરાત અને સૌરાષ્ટ્રના દરિયાઈ કાંઠાના ભાગોમાં વરસાદની શરૂઆત થશે. સમય પસાર થતાં, આ વરસાદી સિસ્ટમ મજબૂત બનશે અને આવનારા દિવસોમાં રાજ્યના 60 થી 65% વિસ્તારોમાં મધ્યમથી ભારે વરસાદ થઈ શકે છે.
ગુજરાતમાં પડનારા વરસાદમાં, દક્ષિણ ગુજરાતમાં સૌથી વધુ વરસાદ નોંધાઈ શકે છે. ખાસ કરીને ભરૂચ, અંકલેશ્વર, રાજપીપળા, સુરત, વલસાડ અને નવસારી જેવા વિસ્તારોમાં 4 થી 6 ઇંચ વરસાદ અને કેટલાક સ્થળોએ 6 ઇંચ કરતાં પણ વધુ વરસાદ પડે તેવી શક્યતા છે. આમ, દક્ષિણ ગુજરાતમાં ભારેથી અતિભારે વરસાદની શક્યતા છે. દક્ષિણ ગુજરાતના અન્ય જિલ્લાઓમાં પણ મધ્યમથી ભારે વરસાદો જોવા મળી શકે છે.
મધ્ય ગુજરાતના ભાગો, ખાસ કરીને અમદાવાદ, ગાંધીનગર, આણંદ, નડિયાદ, ખેડા, કપડવન જેવા વિસ્તારોમાં આવનારા ચાર પાંચ દિવસ, 24 થી 30 સપ્ટેમ્બર સુધી, હળવાથી મધ્યમ ઝાપટાઓ જોવા મળશે. ત્યાં વરસાદની તીવ્રતા થોડી ઓછી રહેશે.
મધ્ય ગુજરાતના અન્ય વિસ્તારો, જેમાં વડોદરા, છોટા ઉદયપુર, દાહોદ, ગોધરા અને મહિસાગર જિલ્લો છે, તેમાં 2 થી 3 4 ઇંચ સુધીનો વરસાદ જોવા મળશે.
મધ્ય ગુજરાત અને દક્ષિણ ગુજરાતના વિસ્તારોમાં 24 થી 30 સપ્ટેમ્બર સુધીના સમયગાળામાં સૌથી વધુ વરસાદ 27 અને 28 સપ્ટેમ્બરે જોવા મળે તેવી શક્યતા છે. 27 તારીખે, અનેક સ્થળોએ ભારેથી અતિભારે વરસાદ પણ નોંધાઈ શકે છે.
ઉત્તર ગુજરાતમાં, સાબરકાંઠા અને બનાસકાંઠા જેવા વિસ્તારોમાં હળવાથી મધ્યમ વરસાદ અને કેટલાક સ્થળોએ ભારે વરસાદ પણ થઈ શકે છે. છૂટા છવાયા ઝાપટાથી લઈને 3 ઇંચ સુધીનો વરસાદ સાબરકાંઠા અને બનાસકાંઠામાં નોંધાઈ શકે છે. પાટણ અને મહેશાણા જિલ્લામાં પણ હળવાથી મધ્યમ ઝાપટાઓ જોવા મળશે. 1 થી 2 ઇંચ સુધીના વરસાદની ત્યાં સંભાવના છે. અરવલ્લી જિલ્લામાં 2 થી 4 ઇંચ સુધીનો વરસાદ 26, 27 અને 28 તારીખ દરમિયાન નોંધાઈ શકે છે.
કચ્છ જિલ્લાના પશ્ચિમ ભાગોમાં કદાચ હળવા છૂટા છવાયા ઝાપટાઓ જોવા મળશે. પશ્ચિમ કચ્છમાં બહુ શક્યતાઓ નથી, પરંતુ પૂર્વ કચ્છના ભાગો, ખાસ કરીને ભૂજ, ભચાવ અને રાપર તાલુકામાં 1 થી 2 ઇંચ સુધીનો વરસાદ પડે તેવી શક્યતા છે.
સૌરાષ્ટ્રના ભાગોમાં, મોરબી અને સુરેન્દ્રનગરમાં હળવા સામાન્ય ઝાપટાઓ જોવા મળશે. ખાસ કરીને બોટાદ, ભાવનગર, અમરેલી, ગિરસોમનાથ અને જૂનાગઢ જિલ્લાઓમાં 1 થી 4 ઇંચ સુધીનો વરસાદ નોંધાઈ શકે છે. દ્વારકા, જામનગર, પોરબંદર અને રાજકોટ જિલ્લા જેવા વિસ્તારોમાં હળવા, મધ્યમ અને ભારે ઝાપટાઓ જોવા મળશે. 1 થી 2 ઇંચ સુધીનો વરસાદ નોંધાઈ શકે છે.
આમ, ગુજરાતમાં 24 થી 30 સપ્ટેમ્બરનો જે વરસાદી રાઉન્ડ આવી રહ્યો છે, તેમાં અનેક વિસ્તારોમાં વરસાદ જોવા મળશે. ગાજવીજ અને ભારે પવન સાથે વરસાદો પડશે. ખાસ કરીને 27 અને 28 તારીખે વરસાદની તીવ્રતા વધુ જોવા મળશે. અન્ય દિવસોમાં હળવાથી ભારે ઝાપટાઓ જોવા મળશે.
આ પ્રકારનું ગુજરાત હવામાન આવનારા ચાર પાંચ દિવસ દરમિયાન જોવા મળે તેવી શક્યતા છે. 2024 ના ચોમાસાનો આ છેલ્લો વરસાદી રાઉન્ડ ગણવાનો છે. 30 તારીખે આ વરસાદી રાઉન્ડ પૂર્ણ થયા પછી, ગુજરાતમાંથી ચોમાસાની વિદાય શરૂ થશે. ઓક્ટોબર મહિનાના પહેલા આઠવાડિયામાં થંડર સ્ટોર્મ એક્ટિવિટીના ભાગરૂપે લોકલ સિસ્ટમના છૂટા છવાયા ઝાપટાઓ જોવા મળશે.
આ પણ વાંચોઃ
Weather Update: રાજ્યમાંથી ચોમાસાની વિદાયને લઈને હવામાન વિભાગે કરી દીધી મોટી આગાહી
ટ્રેન્ડિંગ સમાચાર
ટોપ સ્ટોરી
