રાજ્યમાં ભારેથી અતિભારે વરસાદની આગાહી, હવામાન વિભાગે આ જિલ્લાઓમાં આપ્યું એલર્ટ

હવામાન વિભાગની આગામી 3 દિવસને વરસાદની આગાહી છે.  આગામી 3 દિવસ હવામાન વિભાગે દક્ષિણ ગુજરાત,  સૌરાષ્ટ્ર અને ઉત્તર ગુજરાતના જિલ્લાઓમાં ભારેથી અતિભારે વરસાદ પડવાની આગાહી કરી છે.  

પ્રતિકાત્મક તસવીર

અમદાવાદ:  હવામાન વિભાગની આગામી 3 દિવસને વરસાદની આગાહી છે.  આગામી 3 દિવસ હવામાન વિભાગે દક્ષિણ ગુજરાત,  સૌરાષ્ટ્ર અને ઉત્તર ગુજરાતના જિલ્લાઓમાં ભારેથી અતિભારે વરસાદ પડવાની આગાહી કરી છે.   આવતીકાલે સવારે 8 વાગ્યા સુધીમાં વલસાડ, રાજકોટ, જૂનાગઢ અને દમણમાં રેડ એલર્ટ, જ્યારે આણંદ, જામનગર,  ગીરસોમનાથ, અમરેલી, ભાવનગર, સુરત, નર્મદા,  નવસારી, તાપી અને ડાગમાં ઓરેન્જ એલર્ટ જાહેર કરવામાં આવ્યું છે. 

દેવભુમિ દ્વારકા અને પોરબંદરમાં 30 સપ્ટેમ્બરના રોજ   ઓરેન્જ એલર્ટ આપવામાં આવ્યું છે. ભારેથી અતિભારે વરસાદ પડાવની આગાહી હોવાથી હવામાન વિભાગે  29 અને 30 સપ્ટેમ્બરના રોજ  એલર્ટ જાહેર કર્યું છે.    વલસાડ,દમણ, દાદરાનગર હવેલી, રાજકોટ અને જૂનાગઢમાં લોકોને તકેદારી રાખવા સૂચના આપી છે. 

સોમવારે આંધ્ર પ્રદેશમાં ચક્રવાત ગુલાબને કારણે ભારે વરસાદ ખાબક્યો હતો અને કૃષ્ણા અને શ્રીકાકુલમ જિલ્લામાં અનેક ઠેકાણે પાણી ભરાતા સામાન્ય જનજીવન ઠપ પણ થયું હતું. હૈદરાબાદના ઘણા વિસ્તારમાં પણ શનિવારે રાત્રે ભારે વરસાદ વરસ્યો હતો.

રાજ્યમાં ભારે વરસાદની આગાહી વચ્ચે રાહત-બચાવ અંગે આગોતરા પગલા ભરવા તમામ જીલ્લા કલેકટરને સુચના અપાઈ છે. આવતીકાલથી 30 સપ્ટેબર સુધી હવામાન વિભાગે અતિભારે વરસાદની આગાહી કરી છે. જેને લઈ જ્યાં નીચાણવાળા વિસ્તારમાં પાણી ભરાવવાની શક્યતા હોય ત્યાંથી લોકોનું સલામત સ્થળે સ્થળાંતર કરાવવા સુચના અપાઈ છે. તો નાગરીકોનું સ્થળાંતર કરાય તેમનું માહિતી પત્રક મોકલવા પણ સુચના અપાઈ છે.

જિલ્લાના અને તાલુકાના વર્ગ-2ના અધિકારીની રાઉન્ડ ધ ક્લોક નિમણુક કરવા આદેશ કરાયો છે. તો નદી, નાળા, તળાવમાં નાગરીકોને ન્હાવા ન જવા તકેદારી રખાવવા પણ અપીલ કરાઈ છે. સ્થળાંતર અને રેસ્ક્યુ કામગીરી માટે એનડીઆરએફ અને એસડીઆરએફ ટીમ ડિપ્લોય કરવામાં આવે તેના લોકેશન નક્કી કરવા પણ સૂચના અપાઈ છે. ભારે વરસાદના કારણે કોઈ ઘટના ઘટે તો તુરંત સ્ટેટ ઈમરજન્સી ઓપરેશન સેન્ટર જાણ કરવાની રહેશે.