રાજ્યમાં આવતીકાલથી ભારેથી અતિભારે વરસાદની આગાહી, આ જિલ્લાઓમાં ધોધમાર વરસાદ વરસશે

રાજ્યમાં આગામી દિવસમાં ભારે વરસાદની હવામાન વિભાગે આગાહી કરી હતી

પ્રતિકાત્મક તસવીર

ગાંધીનગરઃ રાજ્યમાં આગામી દિવસમાં ભારે વરસાદની હવામાન વિભાગે આગાહી કરી હતી. હવામાન વિભાગના જણાવ્યા અનુસાર, રાજ્યમાં કાલથી મેઘરાજાનો બીજો રાઉન્ડ શરૂ થશે. આવતીકાલથી ત્રણ દિવસ રાજ્યમાં ભારેથી અતિભારે વરસાદની આગાહી કરવામાં આવી છે.

હવામાન વિભાગના જણાવ્યા અનુસાર, આવતીકાલે વલસાડ, નવસારી અને દમણમાં ભારે વરસાદ પડવાની આગાહી કરવામાં આવી છે. તો શનિવારે કચ્છ, મોરબી, સુરેન્દ્રનગર, પાટણ, મહેસાણા, અરવલ્લી, સાબરકાંઠા અને બનાસકાંઠામાં અતિભારે વરસાદની આગાહી કરવામાં આવી છે. . તો શનિવારે જ જામનગર, રાજકોટ, બોટાદ, અમદાવાદ અને ખેડામાં ભારે વરસાદની આગાહી છે... તો રવિવારે જામનગર, મોરબી, દ્વારકા, સુરેંદ્રનગર, પાટણ, મહેસાણા, બનાસકાંઠા, પોરબંદર, રાજકોટ, બોટાદ, અમદાવાદ, ગાંધીનગર અને સાબરકાંઠામાં ભારે વરસાદની આગાહી કરાઇ છે. કચ્છમાં ભારેથી અતિભારે વરસાદની આગાહી કરવામાં આવી છે.

 

India Corona Cases Today: દેશમાં છેલ્લા 24 કલાકમાં કોરોનાના કેસમાં મોટો ઉછાળો, નવા 21,566 કેસ નોંધાયા, 45ના મોત

India Corona Cases Today: ચોથી કોવિડ વેવની આશંકા વચ્ચે દેશમાં ફરી એકવાર કોરોનાના કેસમાં વધારો થયો છે. દેશમાં ફરી એકવાર 21 હજારથી વધુ નવા કેસ નોંધાયા છે. સ્વાસ્થ્ય મંત્રાલય દ્વારા બહાર પાડવામાં આવેલા તાજેતરના આંકડા અનુસાર, ગુરુવારે છેલ્લા 24 કલાકમાં દેશમાં કોરોનાના 21,566 નવા કેસ નોંધાયા છે અને આ દરમિયાન 45 લોકોએ જીવ ગુમાવ્યો છે. આ સાથે દેશમાં સક્રિય દર્દીઓની સંખ્યા વધીને 1,48,881 થઈ ગઈ છે.

છેલ્લા 24 કલાકમાં 18,294 દર્દીઓ આ જીવલેણ વાયરસને હરાવવામાં સફળ રહ્યા છે અને આ સંખ્યા વધીને 4,31,50,434 થઈ ગઈ છે. હવે દેશમાં સંક્રમિતોની કુલ સંખ્યા વધીને 4,38,25,185 થઈ ગઈ છે અને અત્યાર સુધીમાં 5,25,870 દર્દીઓએ પોતાનો જીવ ગુમાવ્યો છે. સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, છેલ્લા 24 કલાકમાં સક્રિય કેસોમાં 3,227 નો વધારો થયો છે. દેશમાં હાલમાં સકારાત્મકતા દર 4.25% છે.