![ABP Premium](https://cdn.abplive.com/imagebank/Premium-ad-Icon.png)
Himatnagar New Born Baby : ખેતરમાં જીવીત નવજાત બાળકી મળવાના મામલામાં બે શકમંદો પકડાયા
હિંમતનગરના ગાંભોઇ GEB પાસેના ખેતરમાં દાટેલ જીવીત નવજાત બાળકી મળી આવી છે. 2 શકમંદોની પૂછપરછ ચાલી રહી છે. પોલીસે 3 ટીમો બનાવી તપાસ કરી રહી છે. ભિલોડાના નંદાસણથી શકમંદોની પકડાયા છે.
![Himatnagar New Born Baby : ખેતરમાં જીવીત નવજાત બાળકી મળવાના મામલામાં બે શકમંદો પકડાયા Himatnagar New Born Baby : two suspect detain by police in new born baby found Himatnagar New Born Baby : ખેતરમાં જીવીત નવજાત બાળકી મળવાના મામલામાં બે શકમંદો પકડાયા](https://feeds.abplive.com/onecms/images/uploaded-images/2022/08/05/6c645a44d5a40d25a173fb21dc0765d01659672680_original.jpg?impolicy=abp_cdn&imwidth=1200&height=675)
સાબરકાંઠાઃ હિંમતનગરના ગાંભોઇ GEB પાસેના ખેતરમાં દાટેલ જીવીત નવજાત બાળકી મળી આવી છે. 2 શકમંદોની પૂછપરછ ચાલી રહી છે. પોલીસે 3 ટીમો બનાવી તપાસ કરી રહી છે. ભિલોડાના નંદાસણથી શકમંદોની પકડાયા છે. મોડી રાત્રે 2 શકમંદો પકડાયા છે.
ગઈ કાલે હિંમતનગરના ગાંભોઇ GEB પાસેના ખેતરમાં દાટેલ જીવીત નવજાત શિશુ મળી આવતાં ભારે ચકચાર મચી ગઈ હતી. ખેતરમાં દાટેલા નવજાત શિશુના પગ હલતા જોઈ પોલીસને જાણ કરી હતી. GEB કર્મચારીઓએ ખેતરમાં પહોંચી દાટેલ નવજાત શિશુ બહાર કાઢ્યું હતું. નવજાત શિશુ જીવિત નીકળતા સારવાર અર્થે ખસેડાયુ હતું.
નવજાત શિશુ ને ૧૦૮ માં ગાંભોઇ સરકારી દવાખાને લઇ ગયા. ગાંભોઈ પ્રાથમિક સારવાર આપ્યા બાદ વધુ સારવાર અર્થે હિંમતનગર સિવિલમાં ખસેડવામાં આવ્યું. ગાંભોઈ પોલિસે ઘટના સ્થળે પોહોંચી કાર્યવાહી હાથ ધરી છે.
ગાંભોઈમાં GEB પાસેના હિતેન્દ્રસિંહના ખેતરમાં ખેત મજૂર મહિલાને માટીમાં કાંઈક હલતું દેખાતાં તેણે બુમાબુમ કરી મૂકી હતી. જેથી આજુબાજુના લોકો દોડી આવ્યા હતા. જ્યાં ખોદતાં જમીનમાંથી નવજાત બાળકી મળી આવી હતી. દાટેલું નવજાત શિશુ જીવિત હોવાથી તાત્કાલિક 108 સેવાને જાણ કરવામાં આવી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)