કાલે ૨૦ થી વધુ જિલ્લાઓમાં વરસાદ ભુક્કા બોલાવશે, જાણો હવામાન વિભાગની શું છે મોટી આગાહી
દક્ષિણ ગુજરાત, મધ્ય ગુજરાત અને સૌરાષ્ટ્રના વિસ્તારોમાં છૂટાછવાયા ઝાપટાંની સંભાવના, ગરમીથી આંશિક રાહત મળવાની આશા.
Rain in Gujarat tomorrow: ગુજરાતમાં ઉનાળાની આકરી ગરમીનો પ્રકોપ યથાવત છે ત્યારે, હવામાન વિભાગે આવતીકાલે, ૭ જૂનના રોજ રાજ્યના અનેક જિલ્લાઓમાં હળવા વરસાદની આગાહી કરી છે. આ આગાહી દક્ષિણ ગુજરાત, મધ્ય ગુજરાત અને સૌરાષ્ટ્રના વિસ્તારો માટે મહત્વની છે, જ્યાં છૂટાછવાયા સ્થળોએ મેઘરાજા મહેર કરી શકે છે.
વરસાદની આગાહી ધરાવતા જિલ્લાઓ: હવામાન વિભાગ દ્વારા જાહેર કરાયેલી આગાહી મુજબ, આવતીકાલે (૭ જૂન, ૨૦૨૫) રાજ્યના નીચેના જિલ્લાઓમાં હળવા વરસાદની શક્યતા છે:
- મધ્ય ગુજરાત: દાહોદ, પંચમહાલ, વડોદરા, છોટાઉદેપુર.
- દક્ષિણ ગુજરાત: ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલી.
- સૌરાષ્ટ્ર અને દીવ: પોરબંદર, જૂનાગઢ, ગીર સોમનાથ, દીવ, રાજકોટ, અમરેલી, બોટાદ અને ભાવનગર.
આ તમામ જિલ્લાઓમાં છૂટાછવાયા સ્થળોએ હળવો વરસાદ થવાની સંભાવના વ્યક્ત કરવામાં આવી છે.
ખેડૂતો અને જનજીવન પર અસર: આ પ્રિ મોન્સૂન એક્ટિવિટીના ભાગરૂપે પડનારો આ વરસાદ ખેડૂતો માટે રાહતરૂપ બની શકે છે, કારણ કે તે જમીનને ભેજવાળી બનાવવામાં મદદ કરશે અને આગામી ચોમાસાની વાવણી માટે અનુકૂળ વાતાવરણ પૂરું પાડશે. શહેરી વિસ્તારોમાં પણ ગરમી અને બફારાથી ત્રસ્ત લોકોને આંશિક રાહત મળી શકે છે. જોકે, મોટાભાગના વિસ્તારોમાં હળવા વરસાદની આગાહી હોવાથી મોટા પાયે પાણીની સમસ્યા હલ થવાની શક્યતા ઓછી છે, પરંતુ વાતાવરણમાં ઠંડક પ્રસરી શકે છે.
આગામી ૭ દિવસ માટે હવામાન વિભાગની આગાહી, ૯ જૂનથી વરસાદનું જોર ઘટશે
ગુજરાતમાં ઉનાળાની આકરી ગરમી બાદ હવે મેઘરાજાએ મહેર વરસાવવાની શરૂઆત કરી દીધી છે. હવામાન વિભાગે આગામી ૭ દિવસને લઈને આગાહી કરી છે, જેમાં આજે દક્ષિણ ગુજરાતના તમામ જિલ્લાઓમાં મધ્યમ વરસાદની સંભાવના વ્યક્ત કરવામાં આવી છે. અરબી સમુદ્રમાંથી આવતા ભેજના કારણે આ વરસાદી માહોલ સર્જાયો છે.
આજે (૦૬ જૂન, ૨૦૨૫) ખાસ કરીને સૌરાષ્ટ્રના કેટલાક વિસ્તારોમાં ધોધમાર વરસાદ વરસ્યો છે. જૂનાગઢ જિલ્લાના વિસાવદર અને અમરેલી જિલ્લાના ધારી પંથકમાં ધોધમાર વરસાદ નોંધાયો છે. આ વરસાદના કારણે ગ્રામ્ય વિસ્તારોમાં ખેતરો પાણીથી તરબોળ થઈ ગયા છે, જેને પગલે ખેડૂતોમાં ખુશીની લહેર જોવા મળી રહી છે. આ ઉપરાંત, રાજકોટ જિલ્લાના ગોંડલ અને કોટડા સાંગાણી પંથકમાં પણ ગાજવીજ અને પવન સાથે વરસાદ વરસ્યો છે, જેનાથી વાતાવરણમાં ઠંડક પ્રસરી છે.
આગામી ૭ દિવસની આગાહી
હવામાન વિભાગના જણાવ્યા અનુસાર, આજે દક્ષિણ ગુજરાતના તમામ જિલ્લાઓમાં મધ્યમ વરસાદની શક્યતા છે. જોકે, આગામી ૯ જૂનથી વરસાદનું જોર ઘટશે તેવી પણ આગાહી કરવામાં આવી છે. આ સમયગાળા દરમિયાન પવનની દિશા દક્ષિણ-પશ્ચિમથી પશ્ચિમ તરફથી ફૂંકાશે.
Before You Go
Bhavnagar Lattha kand: ભાવનગર લઠ્ઠાકાંડની ઘટનાને લઇને અમદાવાદમાં કોંગ્રેસનો વિરોધ
ટોપ સ્ટોરી
ટ્રેન્ડિંગ સમાચાર
