Gujarat Election Result 2025: સાણંદમાં પરિણામ પર શંકા જતાં કોંગ્રેસે રી-કાઉન્ટિંગની માંગ કરી, ચોંકાવનારુ પરિણામ આવ્યું
સ્થાનિક સ્વરાજની ચૂંટણીના પરિણામો આજે જાહેર થઈ રહ્યા છે. સવારે 9 વાગ્યાથી મતગણતરી શરૂ કરવામાં આવી હતી.
Local Body Election Result 2025 : સ્થાનિક સ્વરાજની ચૂંટણીના પરિણામો આજે જાહેર થઈ રહ્યા છે. સવારે 9 વાગ્યાથી મતગણતરી શરૂ કરવામાં આવી હતી. જૂનાગઢ મહાનગરપાલિકા, 68 નગરપાલિકા અને 3 તાલુકા પંચાયતની ચૂંટણી માટે સરેરાશ 57 ટકા મતદાન થયું હતું. સ્થાનિક સ્વરાજની ચૂંટણીમાં ભારતીય જનતા પાર્ટીનો દબદબો જોવા મળી રહ્યો છે. અમદાવાદ જિલ્લાની સાણંદ પાલિકાની ચૂંટણીમાં ફેર મત ગણતરી દરમિયાન મોટો ઉલટફેર થયો છે.
સાણંદ પાલિકામાં ચૂંટણી પરિણામ પર શંકા જતાં કોંગ્રેસના ઉમેદવારોએ રી-કાઉન્ટિંગની માંગ કરી હતી. ફેર મત ગણતરીમાં કોંગ્રેસના ત્રણ ઉમેદવારની જીત થઈ હતી. એક બેઠક ભાજપના ફાળે આવી છે.
સાણંદ નગરપાલિકા ચૂંટણી પરિણામ
કુલ વોર્ડ-7
કુલ બેઠક-28
ભાજપ-25
કોંગ્રેસ-03
અસદુદ્દીન ઓવૈસીની પાર્ટી AIMIM નું ખાતું ખુલ્યું
ઉપલેટા નગરપાલિકાની 36 બેઠકોમાંથી 27 બેઠકો પર ભાજપે શાનદાર જીત મેળવી છે. ઉપલેટા પાલિકાના વોર્ડ 9 ના 36 બેઠકોમાંથી ભારતીય જનતા પાર્ટીએ 27 બેઠકો પર જીત મેળવી હતી. જ્યારે અહીં કૉંગ્રેસે 6 બેઠકો જીતી છે. જ્યારે અપક્ષને 2 બેઠકો મળી છે. ઉપલેટામાં અસદુદ્દીન ઓવૈસીની પાર્ટી AIMIM નું ખાતું ખુલ્યું છે. ઉપલેટા પાલિકામાં એક બેઠક પર AIMIMના ઉમેદવારની જીત થઈ છે. ઉપલેટા પાલિકામાં ભાજપને સ્પષ્ટ બહુમતી મળી છે.
માંગરોળમાં બસપા કિંગ મેકર
જૂનાગઢ જિલ્લામાં પણ ભાજપે શાનદાર પ્રદર્શન કર્યું છે. જૂનાગઢ જિલ્લાની માંગરોળ નગરપાલિકામાં ટાઈ થઈ છે. અહીં ભાજપ અને કૉંગ્રેસને 15-15 બેઠકો મળી છે. જ્યારે માયાવતીની પાર્ટી બહુજન સમાજપાર્ટીએ અહીં 4 બેઠકો પર જીત મેળવી છે. બસપાના ઉમેદવારો જેની સાથે જશે તેમની પાલિકામાં સત્તા આવશે.
રાણાવાવ અને કુતિયાણા બેઠક પર એસપીનો કબજો
ગુજરાત સ્થાનિક સ્વરાજ્યની ચૂંટણીમાં એસપીએ જોરદાર પ્રદર્શન કર્યું છે. રાણાવાવ અને કુતિયાણા નગરપાલિકા પર એસપીનો વિજય થયો છે. તમને જણાવી દઈએ કે, આ નગરપાલિકામાં કાંધલ જાડેજાનો દબદબો છે. કુતિયાણા નગરપાલિકાની 24 સીટમાંથી સમાજવાદી પાર્ટીને 14 સીટ મળતા કાંધલ જાડેજાનો દબદબો યથાવત રહ્યો છે. જ્યારે ભાજપને 10 સીટ મળતા ઢેલી બહેનને મોટો ફટકો પડ્યો છે.
ગુજરાતમાં યોજાયેલી સ્થાનિક સ્વરાજ્યની ચૂંટણીનું ચિત્ર હવે લગભગ સ્પષ્ટ થઈ ગયું છે. જુનાગઢ મનપા અને 68 નગરપાલિકાના પરિણામની જાહેરાત પૂર્ણતાને આરે છે. જાહેર પરિણામમાં 58 નગરપાલિકામાં ભાજપને સ્પષ્ટ બહુમતી મળતી દેખાઈ રહી છે. તો સલાયા નગરપાલિકામાં કોંગ્રેસને બહુમતી મળી છે. જ્યારે રાજ્યની એક નગરપાલિકામાં ટાઈ થઈ છે. તો બે નગર પાલિકા પર સમાજવાદી પાર્ટીએ કબજો કરી લીધો છે.
આ પણ વાંચો.....
Local Body Election Result 2025: રાજ્યની આ નગરપાલિકામાં બસપા બન્યું કિંગ મેકર, જાણો કેટલી બેઠકો જીતી
ટ્રેન્ડિંગ સમાચાર
ટોપ સ્ટોરી
