![ABP Premium](https://cdn.abplive.com/imagebank/Premium-ad-Icon.png)
Crime: ઘર અને ખેતરમાં આરોપીએ કર્યુ હતુ ગાંજાનું વાવેતર, અચાનક SOG ત્રાટકી તો મળ્યો આટલી મોટી કિંમતનો ગાંજો........
અરવલ્લી જિલ્લામાં એસઓજીની ટીમે અચાનક દરોડા પાડતાં લગભગ બે લાખનાં ગાંજા વાવાતરને પકડી પડ્યુ છે
![Crime: ઘર અને ખેતરમાં આરોપીએ કર્યુ હતુ ગાંજાનું વાવેતર, અચાનક SOG ત્રાટકી તો મળ્યો આટલી મોટી કિંમતનો ગાંજો........ Marijuana Crime: Modasa SOG Team raids on accused home and farm for Marijuana farming in last night in aravalli district Crime: ઘર અને ખેતરમાં આરોપીએ કર્યુ હતુ ગાંજાનું વાવેતર, અચાનક SOG ત્રાટકી તો મળ્યો આટલી મોટી કિંમતનો ગાંજો........](https://feeds.abplive.com/onecms/images/uploaded-images/2023/08/19/1963ffc717d06e735aa56d586860b702169242099837777_original.jpg?impolicy=abp_cdn&imwidth=1200&height=675)
Marijuana Crime: રાજ્યમાં એક પછી એક ગાંજાના વાવાતેરના કિસ્સા સામે આવી રહ્યાં છે, હાલમાં જ ગુજરાત યૂનિવર્સિટી અને અન્ય સ્થળો પરથી ગાંજાના છોડના વાવેતરને લઇને વિવાદ ચાલી રહ્યો છે, ત્યારે હવે અરવલ્લીલ જિલ્લામાંથી એસઓજીની ટીમે મોટી કાર્યવાહી કરીને ગાંજાના વાવેતરને પકડી પાડ્યું છે, પકડાયેલાં આ ગાંજાના છોડની રકમ લગભગ 2 લાખ રૂપિયા હોવાનું સામે આવ્યુ છે.
મળતી માહિતી પ્રમાણે, અરવલ્લી જિલ્લામાં એસઓજીની ટીમે અચાનક દરોડા પાડતાં લગભગ બે લાખનાં ગાંજા વાવાતરને પકડી પડ્યુ છે. અરવલ્લી જિલ્લાના મેઘરજ તાલુકાના મોટી મોરી (વાવમેલાણા) ગામમાંથી ગાંજાનું વાવેતર થવાની બાતમી એસઓજીને મળી હતી. ખરેખરમાં આ વિસ્તારની હદ ઇસરી પોલીસ સ્ટેશનની હદમાં આવે છે, પરંતુ એસઓજીને ટીમે અચાનક કાર્યવાહી હાથ ધરતા મોટી મોરી (વાવમેલાણા) ગામમાં એક ખેડૂત આરોપીએ પોતાના ખેતરમાં તથા રહેણાંક મકાનમાં ગાંજાના છોડનું વાવેતર કર્યુ હતુ. જ્યારે મોડાસા એસઓજીની ટીમે અચાનક રેડ કરી તો આરોપી સહિત તેના ખેતર અને ઘરમાંથી કુલ 41 ગાંજાના છોડ પકડી પાડવામા આવ્યા હતા, જેનુ વજન 10.700 કિલો હતુ અને કિંમત 1 લાખ 700 રૂપિયાની હતી, આ તમામ મુદ્દામલ એસઓસજીની ટીમે જપ્ત કરી લીધો હતો. ખાસ વાત છે કે, આ સમગ્ર ઘટનામાં ઇસરી પોલીસ ઉંઘતી રહી અને મોડાસા એસઓજીની ટીમે રેડ કરીને મોટી ગુનાખોરીને પકડી પાડી હતી.
આ પહેલા સાબરમતી જેલમાંથી પકડાયો હતો ગાંજો
ફરી એકવાર ગાંજો પકડાવવાની ઘટના સામે આવી છે, આ વખતે અમદાવાદની સાબરમતી જેલમાંથી ગાંજો પકડતા ખળભળાટ મચી ગયો છે. મળતી માહિતી પ્રમાણે, અમદાવાદની સાબરમતી સેન્ટ્રલ જેલમાંથી આજે એક કેદી પાસેથી મોટી માત્રામાં ગાંજો પકડાયો છે. આ ઘટના બાદ જેલ તંત્ર પર અનેક સવાલો ઉભા થયા છે. સાબરમતી જૂની જેલના મધ્ય ભાગમાંથી આ ગાંજો ઝડપાયો હતો, જેમાં પાકા કામના કેદી સંજય ગજેરા, જેનો નંબર છે 16824, પાસેથી પેપરમાં વાળેલો 1 ગ્રામ જેટલો ગાંજો મળી આવ્યો હતો. ગાંજો પકડાયા બાદ રાણીપ પોલીસે કેદી વિરુદ્ધ NDPS એક્ટ હેઠળ ગુનો વધુ તપાસ હાથ ધરી છે. ઉલ્લેખનીય છે કે ગુજરાતમાં ગાંજો પકડવવાની એક પછી એક ઘટનાઓ સામે આવી રહી છે.
પોલીસે રાજકોટમાં દરગાહમાંથી 24 કિલો ગાંજો પકડ્યો
રાજકોટમાંથી વધુ એકવાર ગાંજાનો જથ્થો પોલીસના હાથે લાગ્યો છે. પોલીસે બાતમીના આધારે દરગાહ દરોડા પાડતા મોટી માત્રામાં ગાંજાનો જથ્થો મળી આવ્યો છે, આ સાથે જ પોલીસે એક ઇસમની પણ ધરપકડ કરી છે. માહિતી પ્રમાણે, રાજકોટના લોધીકા તાલુકાના ચીભડા ગામ નજીક આવેલી દરગાહમાં 24 કિલો ગાંજાનો જથ્થો મળી આવ્યો છે, આ 24 કિલો ગાંજાના જથ્થા સાથે પોલીસે મૂંઝાવર હબીબ શાહ નામના શખ્સની પણ ધરપકડ કરી છે. દરગાહે આવતા જંગલેશ્વરના કેટલાક ઈસમો આ માદક પદાર્થોનો જથ્થો અહીં મૂકી ગયા હોવાની શંકા પણ સેવાઇ રહી છે. દરગાહમાં ગાંજાનો જથ્થો મળ્યાની જાણ થતાંની સાથે જ આજુબાજુના ગામના લોકોના ટોળે ટોળા દોડી આવ્યા હતા. આ મામલે લોધીકા પોલીસે દરગાહમાં દરોડા પાડીને મૂંઝાવરને ઝડપી પાડ્યો અને તેની સામે હવે કાયદેસરની કાર્યવાહી હાથ ધરવામાં આવી છે. ખાસ વાત છે કે, આ ઉપરાંત દરગાહની ઓરડીમાંથી ચલણી નોટો ભરેલો થેલો પણ મળી આવ્યો હતો, જેમાંથી કટેલીય જૂની અને નવી ચલણી નોટો નીકળી હતી.
સુરતમાં SOGની મોટી રેડ, 24 લાખથી વધુના ગાંજા સાથે એકની ધરપકડ
સુરતમાં SOG પોલીસની ટીમે એક મોટી કાર્યવાહી કરી છે, આ કાર્યવાહીમાં સુરતના નવીપારડી ગામની સીમમાંથી 24 લાખથી વધુની કિંમતનો ગાંજો પકડી પાડ્યો છે, એટલું જ નહીં આ દરમિયાને પોલીસે એકની ધરપકડ પણ કરી છે. માહિતી પ્રમાણે, સુરતના કામરેજના નવીપારડી ગામની સીમમાંથી SOGની ટીમે બાતમીના આધારે દરોડા પાડ્યા હતા, આ દરમિયાન અહીંથી મોટી માત્રામાં ગાંજો જપ્ત કર્યો હતો. સુરત ગામ્ય એસઓજીએ અહીંથી લગભગ 244.750 કિલોગ્રામ ગાંજો પકડ્યો હતો. પોલીસની આ રેડમાં નવી પારડીના થરોલી મહોલ્લમાં ભાવેશ મકવાણાના ઘર વાડામાં લોખડની પેટીમાંથી આ ગાંજો પકડી પાડવામાં આવ્યો હતો. પોલીસ દ્વારા પકડાયેલા આ ગાંજો 24 લાખથી વધુનો હતો, આ સાથે એકને પોલીસે દબોચી લીધો હતો. ખાસ વાત છે કે, અત્યારે ગાંજો આપનાર અને વેચનાર બન્ને વૉન્ટેડ છે. આ આરોપીઓ વિરુદ્ધ એનડીપીએસની કલમ મુજબ નોંધી તપાસ હાથ ધરવામાં આવી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)