Gujarat Rain: આગામી 3 કલાક આ જિલ્લાઓ માટે ભારે, હવામાન વિભાગે ભારે વરસાદને લઈ આપ્યું રેડ એલર્ટ
હવામાન વિભાગ દ્વારા ભારે વરસાદને પગલે નાવ કાસ્ટ જાહેર કરવામાં આવ્યું છે. આગામી ત્રણ કલાક ભારે મધ્યમ અને હળવા વરસાદની આગાહી હવામાન વિભાગ દ્વારા કરાઈ છે.
હવામાન વિભાગ દ્વારા ભારે વરસાદને પગલે નાવ કાસ્ટ જાહેર કરવામાં આવ્યું છે. આગામી ત્રણ કલાક ભારે મધ્યમ અને હળવા વરસાદની આગાહી હવામાન વિભાગ દ્વારા કરાઈ છે. આગાહી મુજબ પવનની ગતિ 41 થી 61 કિલોમીટર પ્રતિ કલાકની રહેશે. હવામાન વિભાગે જણાવ્યું કે, સુરત, ભાવનગર, અમરેલી, ગીર સોમનાથ, જુનાગઢ અને દીવમાં ગાજવીજ સાથે ભારે વરસાદની આગાહી કરવામાં આવી છે. આ જિલ્લામાં રેડ એલર્ટ આપવામાં આવ્યું છે.
આ જિલ્લાઓમાં વરસશે વરસાદ
આ સિવાય, મહેસાણા, સાબરકાંઠા, ગાંધીનગર, અમદાવાદ, બનાસકાંઠા, અરવલ્લી, મહીસાગર, દાહોદ, પંચમહાલ, ખેડા, આણંદ, વડોદરા, છોટાઉદેપુર, ભરૂચ, પાટણ, નર્મદા, સુરેન્દ્રનગર, બોટાદ, નવસારી, વલસાડ, દમણ અને દાદરા નગર હવેલીમાં મધ્યમ વરસાદની આગાહી કરવામાં આવી છે.
જ્યારે પાટણ, કચ્છ, મોરબી, રાજકોટ, જામનગર, દેવભૂમિ દ્વારકા, પોરબંદર, તાપી અને ડાંગમાં હળવા વરસાદની આગાહી હવામાન વિભાગે કરી છે.
સુરત શહેરમાં આભ ફાટ્યું
હવામાન વિભાગની આગાહી વચ્ચે સુરત શહેરમાં ધોધમાર વરસાદ વરસ્યો છે. વહેલી સવારથી જ સુરત શહેરમાં ધોધમાર વરસાદ વરસી રહ્યો છે. સુરત શહેરમાં ભારે વરસાદને લઈ જળબંબાકાર જેવી સ્થિતિ જોવા મળી રહી છે. વહેલી સવારથી 5 ઈંચ જેટલો વરસાદ વરસતા અનેક વિસ્તારો પાણીમાં ગરકાવ થયા છે. સુરત શહેરમાં ભારે વરસાદને પગલે શાળાઓમાં રજા જાહેર કરવામાં આવી છે.
અનેક વિસ્તારો પાણીમાં ગરકાવ
સુરત શહેરના અનેક વિસ્તારોમાં વરસાદ વરસી રહ્યો છે. અઠવાલાઇન્સ, પાર્લેપોઇન્ટ, રાંદેર,અડાજણ,પાલ સહિતના વિસ્તારમાં ધોધમાર વરસાદ વરસ્યો છે.વરાછા અને ડોભોલી વિસ્તારમાં પણ ભારે વરસાદ વરસ્યો છે. ભારે વરસાદના પગલે અનેક વિસ્તારોમાં પાણી ભરાયા છે. પાણી ભરાવાના કારણે લોકો મુશ્કેલીમાં મૂકાયા છે.
25 જૂન સુધી ભારે વરસાદી આગાહી
ગુજરાતમાં છેલ્લા કેટલાક દિવસથી સારો વરસાદ વરસી રહ્યો છે. હવામાન વિભાગે 25 જૂન સુધી ગુજરાતના કેટલાક જિલ્લામાં ભારે વરસાદી આગાહી કરી છે. આ સિવાય ગુજરાતમાં 30 જૂન સુધી સાર્વત્રિક મધ્યમ વરસાદનું પણ અનુમાન છે. જાણીએ ક્યાં જિલ્લામાં ભારે વરસાદની શક્યતા છે.
ગુજરાતમાં હાલ મોનસૂન સતત સક્રિય છે. ગુજરાતમાં વરસાદ લાવતી એક સાથે 4 સિસ્ટમ સક્રિય હોવાથી સતત વરસાદ વરસી રહ્યો છે. આ સિસ્ટના કારણે આગામી દિવસોમાં હવે ઉત્તર ગુજરાતમાં ભારે વરસાદનું અનુમાન છે. લો પ્રેશર એરિયા, સાયક્લોનિક સર્ક્યુલેશન, ટફ રેખા ઓફ શૉરેખા સક્રિય છે.
સૌરાષ્ટ્ર અને કચ્છમાં ભારે વરસાદનું એલર્ટ
હવામાન વિભાગની આગાહી મુજબ 27 તારીખ સુધી ઉત્તર ગુજરાત, મધ્ય ગુજરાત, પૂર્વ ગુજરાતના વિસ્તારોમાં ભારે વરસાદનુ અનુમાન છે. તો 24 તારીખ સુધી સૌરાષ્ટ્ર અને કચ્છમાં ભારે વરસાદનું એલર્ટ છે. 24 બાદ સૌરાષ્ટ્રમાં વરસાદનું જોર ઘટશે, 27 બાદ ફરી સૌરાષ્ટ્રમાં ભારે વરસાદનો રાઉન્ડ આવે તેવી શક્યતા છે.
ટોપ સ્ટોરી
ટ્રેન્ડિંગ સમાચાર
