રાજ્યમાં આ દિવસથી શરૂ થશે અતિ ભારે વરસાદ, જાણો અંબાલાલ પટેલે શું કરી મોટી આગાહી

ગુજરાતમાં આગામી દિવસોમાં ભારેથી અતિ ભારે વરસાદ વરસશે તેવી હવામાન નિષ્ણાંત અંબાબાલ પટેલે આગાહી કરી હતી

અંબાલાલ પટેલ

ગુજરાતમાં આગામી દિવસોમાં ભારેથી અતિ ભારે વરસાદ વરસશે તેવી હવામાન નિષ્ણાંત અંબાબાલ પટેલે આગાહી કરી હતી. અંબાલાલ પટેલે આગાહી કરી હતી કે રાજ્યમાં આગામી દિવસોમાં વરસાદનું જોર વધશે.

તેમના મતે 17 થી 24 જૂલાઈ દરમિયાન ગુજરાતના ઘણા ભાગોમાં ભારેથી અતિભારે વરસાદ વરસશે. તેમાં પણ સૌરાષ્ટ્ર અને દક્ષિણ ગુજરાતમાં પણ ભારે વરસાદ વરસશે. અંબાલાલ પટેલે કહ્યું હતું કે 17થી 24 જૂલાઈ વચ્ચે ભારેથી અતિભારે વરસાદ વરસશે. તે સિવાય સૌરાષ્ટ્ર અને દક્ષિણ ગુજરાતમાં મેઘરાજા મનમુકીને વરસશે.

સાત જિલ્લામાં વરસાદની હવામાન વિભાગે કરી છે આગાહી

હવામાન વિભાગની આગાહી મુજબ ગુજરાતના  સાત જિલ્લા અને બે સંઘ પ્રદેશમાં આજે ગાજવીજ સાથે  વરસાદ વરસી શકે છે. તો રાજ્યના અન્ય જિલ્લામાં હળવાથી મધ્યમ વરસાદનું  હવામાન વિભાગનું અનુમાન છે. અરવલ્લી, મહીસાગર, દાહોદ અને પંચમહાલમાં આજે વરસાદનું હવામાન વિભાગે યલો એલર્ટ જાહેર કર્યુ છે. તો સુરત, નવસારી અને વલસાડમાં પણ  વીજળીના કડાકા ભડાકા સાથે વરસાદ વરસી શકે છે. સંઘ પ્રદેશ દમણ અને દાદરાનગર હવેલીમાં પણ ભારે વરસાદની હવામાન વિભાગની આગાહી છે. તો પ્રવાસન સ્થળ દીવમાં  પણ  હળવોથી મધ્યમ વરસાદ વરસી શકે છે.

રાજ્યમાં છેલ્લા 24 કલાકમાં 77 તાલુકામાં વરસાદ

રાજ્યમાં છેલ્લા 24 કલાકમાં 77 તાલુકામાં વરસાદ નોંધાયો હતો. હવામાન વિભાગ તરફથી જાહેર કરાયેલા આંકડા અનુસાર, રાજ્યમાં છેલ્લા 24 કલાકમાં સૌથી વધુ પ્રાંતિજમાં વરસાદ વરસ્યો હતો. પ્રાંતિજમાં સાડા  ત્રણ ઇંચ વરસાદ વરસ્યો હતો.

હવામાન વિભાગના મતે છેલ્લા 24 કલાકમાં તલોદમાં બે ઈંચ, રાજકોટના લોધિકામાં સવા ઈંચ, ભૂજ, નખત્રાણામાં એક એક ઈંચ, વલસાડના વાપીમાં પોણો ઈંચ, વલસાડના કપરાડામાં પોણો ઈંચ, સુરત શહેરમાં પોણો ઈંચ વરસાદ, ડાંગના આહવામાં પોણો ઈંચ, મોરબીના ટંકારામાં અડધો ઈંચ, ડાંગના વઘઈમાં અડધો ઈંચ, જૂનાગઢ શહેર,તાલુકામાં અડધો ઈંચ, ધ્રોલ, કાલાવડમાં અડધો ઈંચ, માલપુર, પડધરી, વાંકાનેરમાં સામાન્ય વરસ્યો હતો.