એટ્રોસિટી કેસમાં સુપર મોડલ એશ્રા પટેલનું શું થયું ? જાણો સેશન્સ કોર્ટે શું આપ્યો આદેશ ?
છોટા ઉદેપુર જિલ્લાના કાવીઠા ગામમાં સરપંચપદની ચૂંટણી લડનારી જાણીતી મોડેલ એશ્રા પટેલ સામે તેમનાં હરીફે જ્ઞાતિવાચક અપમાનજનક શબ્દો ઉચ્ચારવા બદલ એટ્રોસીટી એક્ટ હેઠળ કેસ કર્યો છે.
છોટાઉદેપુર: છોટા ઉદેપુર જિલ્લાના કાવીઠા ગામમાં સરપંચપદની ચૂંટણી લડનારી જાણીતી મોડેલ એશ્રા પટેલ સામે તેમનાં હરીફે જ્ઞાતિવાચક અપમાનજનક શબ્દો ઉચ્ચારવા બદલ એટ્રોસીટી એક્ટ હેઠળ કેસ કર્યો છે. આ કેસમાં એશ્રા પટેલ સહિત તમામ 12 આરોપીઓના આગોતરા જામીન મંજુર કરાયા છે.
સેશન્સ કોર્ટે એશ્રા પટેલ અને તેના પિતાના જામીન ગુરુવારે મંજૂર કર્યા હતા. આ પહેલાં 27 ડિસેમ્બરે 10 આરોપીના પણ જામીન મંજૂર થયા હતા.
મોડેલ એશ્રા પટેલ કાવીઠા ગામના સરપંચપદની ચૂંટણી લડી રહી હતી ત્યારે ચૂંટણીના દિવસે જ ઝગડો થયો હતો. એ વખતે હરીફ ઉમેદવારના પતિ એશ્રા પટેલ અને તેના પિતા સહિતના આરોપીઓ દ્વારા જ્ઞાતિવાચક અપમાનજનક શબ્દો ઉચ્ચારીને જાનથી મારી નાખવાની ધમકી આપી હોવાનો આક્ષેપ કરીને સંખેડા પોલીસ મથકમાં ફરિયાદ નોંધાવી હતી. આ ચૂંટણીમાં એશ્રા પટેલની હાર થઈ હતી.
Rajkot : મુખ્યમંત્રી ભૂપેન્દ્ર પટેલનો રોડ શો શરૂ, વિજય રૂપાણીની ગેરહાજરી
રાજકોટઃ ગુજરાતમાં કોરોનાના કહેર વચ્ચે આજે રાજકોટમાં મુખ્યમંત્રી ભૂપેન્દ્ર પટેલનો રોડ શો યોજાયો હતો. પૂર્વ મુખ્યમંત્રી વિજય રૂપાણીના શહેર રાજકોટમાં મુખ્યમંત્રી ભૂપેન્દ્ર પટેલ દ્વારા રોડ શો યોજાયો હતો જોકે, આ રોડ શોમાં વિજય રૂપાણી ગેરહાજર જોવા મળ્યા હતા. પરંતુ રોડ શો પૂરો થતાં ધર્મેન્દ્ર કોલેજના કાર્યક્રમાં રૂપાણી હાજર રહ્યા હતા. અહીં તેમણે મુખ્યમંત્રી ભૂપેન્દ્ર પટેલનું સ્વાગત કર્યું હતું. તેમની સાથે વજુભાઈ વાળા પણ હાજર રહ્યા હતા.
સવારે ભૂપેન્દ્ર પટેલનું એરપોર્ટ પર આગમન થયું હતું. જ્યાં તેમનું સ્વાગત કરાયું હતું. આ પછી સીઆર પાટીલે રોડ શોને ફ્લેગઓફ કરતાં એરપોર્ટથી રોડ શોની શરૂઆત થઈ હતી. હવે એરપોર્ટથી નીકળીને રેસકોર્ષ રોડ, રેસકોર્ષથી કિસાનપરા ચોક, કિસાનપરાથી જિલ્લા પંચાયત ચોક, જિલ્લા પંચાયત ચોકથી યાગ્નિક રોડ, યાગ્નિક રોડથી ધર્મેન્દ્રસિંહ કોલેજ સુધી આવી પહોંચ્યો હતો.
રોડ શો દરમિયાન મુખ્યમંત્રી ભૂપેન્દ્ર પટેલની જીપમાં પ્રદેશ ભાજપ પ્રમુખ સીઆર પાટીલ હતા. જ્યારે તેની પછીની જીપોમાં શિક્ષણ મંત્રી જીતુ વાઘાણી, પૂર્વ મંત્રી જયેશ રાદડિયા, પૂર્વ મંત્રી કુંવરજી બાવળીયા સહિત સૌરાષ્ટ્રના નેતાઓ હતો
રોડ શોમાં રોડેસવાર,વિન્ટેજ કાર,બેન્ડ અને યુવા મોરચાના કાર્યકર્તાઓ બાઇક પર આકર્ષણનું કેન્દ્ર બન્યા હતા. અઢી કિલોમીટરના રૂટમાં ૮૦ જેટલા સ્ટેજ તૈયાર કરવામાં આવ્યા હતા .જેમાં વિવિધ સંગઠન,સંસ્થાઓ અને ભાજપના વિવિધ સેલ દ્રારા સ્વાગત કરવામાં આવ્યું હતું. રોડ શોમાં મુખ્યમંત્રી ભૂપેન્દ્ર પટેલ, ગૃહ રાજ્યમંત્રી હર્ષ સંઘવી, શિક્ષણમંત્રી જીતુ વાઘાણી, ગ્રામ વિકાસ અને ગૃહ નિર્માણ મંત્રી અર્જુનસિંહ ચૌહાણ, શ્રમ અને રોજગાર મંત્રી બ્રિજેશ મેરજા, વાહનવ્યવહાર મંત્રી અરવિંદ રૈયાણી ઉપસ્થિત હતા.
રોડ શો બાદ ધર્મેન્દ્રસિંહ કોલેજ ખાતે સ્ટેજ કાર્યક્રમ યોજાશે, જેમાં સુશાસન દિવસની પૂર્ણાહુતિ કાર્યક્રમ જેમાં વિવિધ વિભાગના લોકાર્પણના કાર્યક્રમો યોજાશે.
ટોપ સ્ટોરી
ટ્રેન્ડિંગ સમાચાર
