Navsari Crime: પ્રેમી પંખીડા લગ્ન બાદ પોલીસ સ્ટેશનમાં હાજર થતાં મારામારી, બન્ને પક્ષોના લોકોએ એકબીજા પર કર્યો પથ્થરમારો

નવસારીમાંથી પ્રેમી પંખીડાના લગ્નનો કિસ્સો મારમારી સુધી પહોંચ્યો છે. તાજેતરમાં જ નવસારી પોલીસ સ્ટેશનમાં જ બે જૂથો વચ્ચે જોરદાર મારામારી થઇ અને બાદમાં પથ્થરમારાની ઘટના ઘટી હતી

(તસવીર- એબીપી અસ્મિતા ન્યૂઝ)

Navsari Crime News: નવસારીમાંથી પ્રેમી પંખીડાના લગ્નનો કિસ્સો મારમારી સુધી પહોંચ્યો છે. તાજેતરમાં જ નવસારી પોલીસ સ્ટેશનમાં જ બે જૂથો વચ્ચે જોરદાર મારામારી થઇ અને બાદમાં પથ્થરમારાની ઘટના ઘટી હતી. ઘટનાની વિગતો એવી છે કે, ગઇકાલે નવસારીમાં એક પ્રેમી પંખીડાનું યુગલ પોલીસ સ્ટેશનમાં હાજર થયુ હતુ, આ વાતની જાણ બન્ને પક્ષોને થતાં બન્ને પક્ષોનું ટોળું નવસારીમાં પોલીસ મથક ધસી આવ્યુ હતુ. આ દરમિયાન બન્ને પક્ષોના ટોળા ઉગ્ર થઇને બબાલ કરી રહ્યાં હતા, પોલીસે મધ્યસ્થી થઇને મામલો શાંત પાડીને સમાધાન કરાવ્યુ હતુ. પરંતુ કેટલાક તોફાની તત્વોએ માહોલ બગાડવાનો પ્રયાસ કર્યો અને બન્ને પક્ષો પોલીસ સ્ટેશનમાં જ આમને સામને આવી ગયા અને મારામારી બાદ પથ્થરમારો કરવા લાગ્યા હતા. આ ઘટનાને લઇને સરપોર ગામમાં યુવતીના ઘરે પણ હોબાળો મચાવ્યો હતો. આ સમગ્ર મારામારીની ઘટનામાં નવસારી તાલુકા ભાજપ પ્રમુખ મુકેશ પટેલને ઇજા પહોંચી હતી. પોલીસે હળવો લાઠીચાર્જ કરીને ટોળાને વિખેરવાનો પ્રયાસ કર્યો હતો.

સુરતમાં મુસ્લિમ યુવાને પરિણીતા પર આચર્યુ દુષ્કર્મ, વીડિયોથી બ્લેકમેઇલ કરી વારંવાર બનાવતો હવસનો શિકાર

સુરતમાં વધુ એક ચોંકાવનારી દુષ્કર્મ ઘટના સામે આવી છે. શહેરના અમરોલી વિસ્તારમાં રહેતી 25 વર્ષીય પરિણીતાને એક યુવાને હવસનો શિકાર બનાવી છે. યુવક દ્વારા પરિણીતાને બ્લેકમેઇલ કરીને વારંવાર હવસનો શિકાર બનાવવામાં આવતી હતી, જેથી કંટાળેલી મહિલાએ બાદમાં રાજસ્થાનમાંથી ઝીરો એફઆઇઆર નોંધાવી છે, હાલમાં પોલીસ આ મામલે તપાસ શરૂ કરીને આરોપીની શોધખોળ કરી રહી છે.

સુરતમાં એક યુવકે પરિણીતાને હવસનો શિકાર બનાવી હોવાની ઘટના સામે આવી છે, શહેરના અમરોલી વિસ્તારમાં રહેતી 25 વર્ષીય પરિણીતાને એક મુસ્લિમ યુવક દ્વારા વારંવાર હવસનો શિકાર બનાવવામાં આવી હોવાની પોલીસ ફરિયાદ નોંધાઇ છે. 

ઘટનાની વિગતો એવી છે કે, પોલીસ ફરિયાદ અનુસાર, શહેરના અમરોલીમાં 25 વર્ષીય પરિણીતા મહિલાને એક મુસ્લિમ યુવક દ્વારા ઘેનની દવા પીવડાવ્યા બાદ દુષ્કર્મ આરવામાં આવ્યુ હતુ, આ પછી મુસ્લિમ યુવકે પરિણીતાનો વીડિયો બનાવી લીધો અને વારંવાર પરિણીતાને બ્લેકમેલ કરવામાં આવતી હતી. મહિલાનો આરોપ છે કે, બ્લેકમેઇલ કરીને મુસ્લિમ યુવકે પરિણીતા પાસેથી 60 હજાર રૂપિયા પણ પડાવ્યા હતા. જોકે, આ કંટાળેલી પરિણીતા મહિલાએ આખરે રાજસ્થાનમાંથી મુસ્લિમ યુવાન વિરૂદ્ધ જીરો એફઆઇઆર નોંધાવી હતી. હાલમાં આ દુષ્કર્મ અને બ્લેકમેઇલ ઘટનામાં અમરોલી પોલીસ હવસખોર ઇરફાન વિરૂદ્ધ આઇટીએક્સ અને દુષ્કર્મની કલમો અંતર્ગત કેસ નોંધીને તપાસ કરી રહી છે. હાલમાં શોધખોળ ચાલુ છે.