ટીમ ઈન્ડિયા નહીં! રોહિત, સૂર્યા અને દુબે હવે એકસાથે રમશે, જાણો કઈ ટીમ?
BCCI ના આદેશ બાદ T20 કેપ્ટન અને શિવમ દુબે જાન્યુઆરીમાં મેદાનમાં ઉતરશે, યશસ્વી જયસ્વાલ પણ મચાવશે ધમાલ.
Rohit Sharma Mumbai team: ભારતીય ઘરેલુ ક્રિકેટ ટુર્નામેન્ટ વિજય હઝારે ટ્રોફી (Vijay Hazare Trophy 2025-26) હવે આંતરરાષ્ટ્રીય મેચ જેવી રોમાંચક બનવા જઈ રહી છે. 24 December થી શરૂ થતી આ ટુર્નામેન્ટમાં માત્ર રોહિત શર્મા કે વિરાટ કોહલી જ નહીં, પરંતુ ભારતીય T20 ટીમના કેપ્ટન સૂર્યકુમાર યાદવ (Suryakumar Yadav) અને ઓલરાઉન્ડર શિવમ દુબે (Shivam Dube) પણ મુંબઈની ટીમ વતી રમતા જોવા મળશે. પસંદગી સમિતિના આદેશ બાદ આ તમામ સ્ટાર ખેલાડીઓ ઘરેલુ મેદાન ગજવવા માટે તૈયાર છે.
સામાન્ય રીતે ભારતીય ટીમના સિનિયર ખેલાડીઓ સતત આંતરરાષ્ટ્રીય ક્રિકેટને કારણે ઘરેલુ ટુર્નામેન્ટમાં ઓછા જોવા મળે છે. પરંતુ આ વખતે દ્રશ્ય બદલાયેલું છે. વિજય હજારે ટ્રોફીની શરૂઆત 24 December થી થઈ રહી છે અને પહેલા જ દિવસથી ક્રિકેટ ચાહકોને મુંબઈ તરફથી રોહિત શર્મા અને દિલ્હી તરફથી વિરાટ કોહલી રમતા જોવા મળશે. હવે તાજા અહેવાલ મુજબ, T20 ટીમના કેપ્ટન સૂર્યકુમાર યાદવ અને શિવમ દુબે પણ જાન્યુઆરી મહિનામાં મુંબઈની ટીમ સાથે જોડાશે.
અજીત અગરકરનો સ્પષ્ટ આદેશ
ટાઈમ્સ ઓફ ઈન્ડિયાના અહેવાલ મુજબ, બીસીસીઆઈના ચીફ સિલેક્ટર અજીત અગરકરે ખેલાડીઓને સ્પષ્ટ સૂચના આપી છે. તેમણે સાઉથ આફ્રિકા સામેની T20 સીરીઝમાં ભાગ લેનારા ખેલાડીઓને જણાવ્યું હતું કે, આંતરરાષ્ટ્રીય બ્રેક દરમિયાન તેમણે ફિટનેસ અને ફોર્મ જાળવી રાખવા માટે વિજય હજારે ટ્રોફીની ઓછામાં ઓછી 2 મેચ રમવી પડશે. આ આદેશનું પાલન કરતા સૂર્યા અને દુબે મુંબઈની જર્સીમાં જોવા મળશે.
ક્યારે અને કોની સામે રમશે સૂર્યા-દુબે?
મળતી માહિતી મુજબ, સૂર્યકુમાર યાદવ અને શિવમ દુબે ગ્રુપ સ્ટેજની છેલ્લી બે મેચોમાં ટીમનો હિસ્સો બનશે.
6 January: મુંબઈ વિરુદ્ધ હિમાચલ પ્રદેશ (જયપુર)
8 January: મુંબઈ વિરુદ્ધ પંજાબ (જયપુર)
જ્યારે રોહિત શર્મા ટુર્નામેન્ટની શરૂઆતની બે મેચ (24 અને 26 December) શાર્દુલ ઠાકુરની કેપ્ટનશીપ હેઠળ રમશે. રોહિત પ્રેક્ટિસ માટે જયપુર પહોંચી ચૂક્યો છે.
યશસ્વી જયસ્વાલની વાપસી
મુંબઈની ટીમ માટે બીજા સારા સમાચાર એ છે કે યુવા ઓપનર Yashasvi Jaiswal પણ ટૂંક સમયમાં ટીમ સાથે જોડાશે. સૈયદ મુશ્તાક અલી ટ્રોફી બાદ યશસ્વીને ગંભીર ગેસ્ટ્રોએન્ટેરિટિસ (પેટનો ચેપ) થયો હતો અને તેને હોસ્પિટલમાં દાખલ કરવો પડ્યો હતો. હવે તેની તબિયતમાં સુધારો છે. જોકે તે શરૂઆતની મેચો ગુમાવશે, પરંતુ તે ટુર્નામેન્ટના પછીના તબક્કામાં મુંબઈ માટે ધમાલ મચાવવા તૈયાર છે.
આંતરરાષ્ટ્રીય શેડ્યૂલમાં બ્રેકનો લાભ
ભારતીય ટીમનો આગામી આંતરરાષ્ટ્રીય કાર્યક્રમ 11 January થી શરૂ થઈ રહ્યો છે, જ્યારે ODI સીરીઝ રમાશે અને ત્યારબાદ 21 January થી ન્યુઝીલેન્ડ સામે T20 સીરીઝ શરૂ થશે. આ દરમિયાન કોઈ મેચ ન હોવાથી તમામ મોટા ખેલાડીઓ ઘરેલુ ક્રિકેટમાં પોતાનું યોગદાન આપી રહ્યા છે, જે યુવા ખેલાડીઓ માટે પણ શીખવાની મોટી તક બની રહેશે.
ટોપ સ્ટોરી
ટ્રેન્ડિંગ સમાચાર
