Cyclone Shakti: પરેશ ગોસ્વામીની આગાહી, 'શક્તિ' વાવાઝોડું 50% નબળું પડ્યું, 2 દિવસ આ વિસ્તારમાં વરસાદ ખાબકશે
Paresh Goswami: અરબ સાગરમાં સક્રિય થયેલા 'શક્તિ' વાવાઝોડાએ આજે રાતથી તેની ગતિની દિશા બદલી છે. જે વાવાઝોડું અગાઉ પશ્ચિમ દિશામાં ઓમાન તરફ આગળ વધી રહ્યું હતું, તેણે હવે ભારત તરફનો હળવો વળાંક લીધો છે.
Paresh Goswami prediction: અરબ સાગરમાં સક્રિય થયેલું 'શક્તિ' વાવાઝોડું નબળું પડતાં ગુજરાત રાજ્ય પરનો ગંભીર ખતરો સંપૂર્ણપણે ટળી ગયો છે. હવામાન નિષ્ણાત પરેશ ગોસ્વામીના જણાવ્યા મુજબ, વાવાઝોડું જે સતત ઓમાન તરફ જઈ રહ્યું હતું, તેણે આજે રાતથી ભારત તરફ વળ્યો (U-turn) લીધો છે, પરંતુ દિશા બદલતાં જ તે 50% થી વધુ નબળું પડી ગયું છે. આ વાવાઝોડું ગુજરાતના દરિયાકિનારે ટકરાય કે લેન્ડ થાય તેવી હાલમાં કોઈ શક્યતાઓ નથી, તેથી નાગરિકોને અફવાઓથી દૂર રહેવા અપીલ કરવામાં આવી છે. જોકે, આ વાવાઝોડાના ટર્ન અને ઉત્તર ભારત પરના વેસ્ટર્ન ડિસ્ટર્બન્સ (WD) ને કારણે આવતીકાલે 7 અને પરમ દિવસે 8 તારીખ સુધી રાજ્યના દરિયાકાંઠાના વિસ્તારો સહિત અન્ય ભાગોમાં છૂટાછવાયા વરસાદી ઝાપટા વરસી શકે છે. 9 તારીખથી વાતાવરણ હળવું થવાની સંભાવના છે.
વાવાઝોડાની બદલાયેલી ગતિ અને નબળાઈ
અરબ સાગરમાં સક્રિય થયેલા 'શક્તિ' વાવાઝોડાએ આજે રાતથી તેની ગતિની દિશા બદલી છે. જે વાવાઝોડું અગાઉ પશ્ચિમ દિશામાં ઓમાન તરફ આગળ વધી રહ્યું હતું, તેણે હવે ભારત તરફનો હળવો વળાંક લીધો છે. જોકે, પરેશ ગોસ્વામીના મતે, આ દિશા બદલવાના કારણે જ વાવાઝોડું તેની 50% થી વધુ શક્તિ ગુમાવી ચૂક્યું છે અને તે હવે નબળા વાવાઝોડા તરીકે અરબ સાગરમાં આગળ વધી રહ્યું છે. તેમણે સ્પષ્ટતા કરી છે કે આ નબળું વાવાઝોડું ગુજરાત ઉપર આવે કે લેન્ડ થાય તેવી કોઈ શક્યતા નથી, જેથી રાજ્યના લોકોએ ડરવાની કે ગભરાવવાની જરૂર નથી.
વેસ્ટર્ન ડિસ્ટર્બન્સ અને વરસાદની આગાહી
વાવાઝોડાએ દિશા બદલવા પાછળનું મુખ્ય કારણ ઉત્તર ભારત પરથી પસાર થઈ રહેલું વેસ્ટર્ન ડિસ્ટર્બન્સ (WD) છે. આ WD અને 'શક્તિ' વાવાઝોડાની અસરને કારણે રાજ્યમાં વરસાદી માહોલ સર્જાયો છે. આગાહી મુજબ, આજે 6 તારીખે ગઈ રાતથી જ રાજ્યના ઘણા વિસ્તારોમાં છૂટાછવાયા વરસાદી ઝાપટા જોવા મળ્યા છે.
આવતીકાલે 7 અને પરમ દિવસે 8 તારીખ એમ બે દિવસ સુધી રાજ્યના અનેક વિસ્તારોમાં વરસાદી ઝાપટા પડવાની શક્યતા છે. ખાસ કરીને આની અસર કચ્છના દરિયાકાંઠાના તાલુકાઓ (કંડલા, માંડવી, મુંદ્રા, ગાંધીધામ, નલિયા) અને સૌરાષ્ટ્રના દરિયાકાંઠાના વિસ્તારો (દ્વારકા, જામનગર, પોરબંદર, ગીર સોમનાથ, જૂનાગઢ) માં વધુ જોવા મળી શકે છે. આ વિસ્તારોમાં મધ્યમથી ભારે ઝાપટાં પડવાની સંભાવના છે. આ ઉપરાંત, મધ્યપ્રદેશની બોર્ડર ને લાગુ અમુક વિસ્તારો અને ઉત્તર ગુજરાતમાં પણ છૂટાછવાયા ઝાપટા પડી શકે છે.
નિષ્ણાતે ભારપૂર્વક જણાવ્યું છે કે આ વરસાદ સાર્વત્રિક (Massive) નહીં હોય, પરંતુ એકદમ છૂટાછવાયા સ્વરૂપનો રહેશે. ઘણી વખત એવું બની શકે છે કે એક તાલુકાના અમુક ગામોમાં ઝાપટા પડે અને બાજુના ગામોમાં ન પણ પડે. આ અનિશ્ચિતતાવાળી પરિસ્થિતિ હોવાથી, ખેડૂતોને સલાહ આપવામાં આવી છે કે તેઓ પોતાનું ખેતીનું કામ રાબેતા મુજબ ચાલુ રાખે અને કોઈ મોટી અડચણ માનીને કામ અટકાવે નહીં. 9 તારીખથી આ વરસાદી માહોલ ઘણો હળવો પડી જશે અને ત્યાર બાદ વરસાદની કોઈ શક્યતાઓ હાલ નથી. તેથી, મુખ્ય બાબત એ છે કે શક્તિ વાવાઝોડાથી ગુજરાતને કોઈ ખતરો નથી, પરંતુ આવનારા બે દિવસ સુધી હળવા, છૂટાછવાયા ઝાપટાં માટે તૈયાર રહેવું.
ટોપ સ્ટોરી
ટ્રેન્ડિંગ સમાચાર
