Gujarat Assembly Election 2022: દાતામાં ભાજપના ઉમેદવાર લાતુ પારગી સામે પોલીસ ફરિયાદ, જાણો શું છે મામલો

Gujarat Election 2022: બનાસકાંઠાના દાતામાં ભાજપના ઉમેદવાર લાતુ પારગી સામે વધુ એક પોલીસ ફરિયાદ નોંધાઈ છે. અમીરગઢના સુરીલા ગામે મતદાન કરવા સારું સાડીઓ અને પૈસાનું વિતરણ કરતો વિડીયો વાયરલ થયો હતો.

પ્રતિકાત્મક તસવીર

Gujarat Assembly Election 2022: બનાસકાંઠાના દાતામાં ભાજપના ઉમેદવાર લાતુ પારગી સામે વધુ એક પોલીસ ફરિયાદ નોંધાઈ છે. અમીરગઢના સુરીલા ગામે મતદાન કરવા સારું સાડીઓ અને પૈસાનું વિતરણ કરતો વિડીયો વાયરલ થયો હતો. અમીરગઢ પોલીસ મથકે અમીરગઢ ચૂંટણી અધિકારીએ આચાર સહિતા ભંગની ફરિયાદ નોંધાવી છે. બે દિવસ અગાઉ પણ ભાજપના ઉમેદવાર લાતું પારગી સામે દાંતા પોલીસ મથકે આચાર સહિતા ભંગની ફરિયાદ થઈ હતી. દાતા ભાજપના ઉમેદવાર લાતુ પારગી સામે બે પોલીસ ફરિયાદ અને એક અજાણ્યા ઈસમો સામે ફરિયાદ નોંધાઈ છે. દાતા પોલીસ મથકે દારૂના નિવેદન મુદ્દે ફરિયાદ થઈ હોવા છતાં સાડીઓ અને પૈસાનું વિતરણ કરતા અમીરગઢ પોલીસ મથકે ફરિયાદ નોંધાઈ છે.

19 જિલ્લાની આ 89 બેઠક પર થઈ રહ્યું છે પ્રથમ તબક્કાનું મતદાન

• કચ્છ જિલ્લો : બેઠકોના નામ : અબડાસા, માંડવી, ભુજ, અંજાર, ગાંધીધામ, રાપર
• સુરેન્દ્રરનગર જિલ્લો : બેઠકોના નામ : દસાડા (SC), લીમડી, વઢવાણ, ચોટીલા, ધ્રાંગધ્રા
• મોરબી જિલ્લો : બેઠકોના નામ : મોરબી, ટંકારા, વાંકાનેર
• રાજકોટ જિલ્લો : બેઠકોના નામ : રાજકોટ પૂર્વ, રાજકોટ પશ્વિમ, રાજકોટ દક્ષિણ, રાજકોટ ગ્રામ્ય  જસદણ, ગોંડલ, જેતપુર, ધોરાજી
• જામનગર જિલ્લો : બેઠકોના નામ : કાલાવડ, જામનગર (ગ્રામ્ય), જામનગર (ઉત્તર), જામનગર દક્ષિણ, જામજોધપુર, ખંભાળિયા, દ્વારકા, પોરબંદર
• દેવભૂમિ દ્વારકા જિલ્લો : બેઠકોના નામ : ખંભાળિયા, દ્વારકા, પોરબંદર
• પોરબંદર જિલ્લો : બેઠકોના નામ : કુતિયાણા, માણાવદર
• જૂનાગઢ જિલ્લો : બેઠકોના નામ : જૂનાગઢ, વીસાવદર, કેશોદ, માંગરોળ
• ગીર-સોમનાથ જિલ્લો : બેઠકોના નામ : સોમનાથ, તલાલા, કોડિનાર, ઉના
• અમરેલી જિલ્લો : બેઠકોના નામ : ધારી, અમરેલી, લાઠી, સાવરકુંડલા, રાજુલા
• ભાવનગર જિલ્લો : બેઠકોના નામ : મહુવા, તળાજા, ગારિયાધર, પાલીતાણા, ભાવનગર ગ્રામ્ય, ભાવનગર પૂર્વ, ભાવનગર પશ્વિમ
• બોટાદ જિલ્લો : બેઠકોના નામ : ગઢડા (SC), બોટાદ
• નર્મદા જિલ્લો : બેઠકોના નામ : નાંદોદ (ST), દેડિયાપાડા (ST)
• ભરૂચ જિલ્લો : બેઠકોના નામ : જંબુસર, વાગરા, ઝઘડિયા (ST), ભરૂચ, અંકલેશ્વર
• સુરત જિલ્લો : બેઠકોના નામ : ઓલપાડ, માંગરોળ (ST), માંડવી, કામરેજ, સૂરત પૂર્વ, સુરત ઉત્તર, વરાછા રોડ, કારંજ, લિંબાયત, ઉધના, મજુરા, કતારગામ, સુરત પશ્ચિમ, ચોર્યાસી, બારડોલી (SC), મહુવા ST
• તાપી જિલ્લો : બેઠકોના નામ : વ્યારા (ST), નિઝર (ST)
• ડાંગ જિલ્લો : બેઠકોના નામ : ડાંગ (ST)
• નવસારી જિલ્લો : બેઠકોના નામ: જલાલપોર, નવસારી, ગણદેવી, વાંસદા (ST)
• વલસાડ જિલ્લો : બેઠકોના નામ : ધરમપુર, વલસાડ, પારડી, કપરાડા, ઉમરગામ (ST)
• 13 બેઠક SC, 27 બેઠક ST સહિત કુલ 40 બેઠક અનામત

ગુજરાત વિધાનસભાની કુલ 182 બેઠકોમાંથી 40 બેઠકો અનામત છે. જેમાં 13 બેઠકો અનુસૂચિત જાતિ (SC) માટે અને 27 બેઠક અનુસૂચિત જનજાતિ ( ST) અનામત રહેશે. ગતા 2017ની વિધાનસભાની ચૂંટણીમાં ભાજપે 99 અને કોંગ્રેસને 77 બેઠક મળી હતી, જ્યારે BTPને 2 સીટ અને 4 સીટ પર અપક્ષ જીત્યા હતા.