રાજ્યમાં પ્રિ-મોનસૂનની એક્ટિવિટી શરૂ, હવામાન વિભાગે આ વિસ્તારમાં કરી વરસાદની આગાહી

રાજ્યમાં પ્રિ-મોનસૂનની એક્ટિવિટી થઈ શરૂ થઈ છે. હવામાન વિભાગની આગાહી મુજબ, આગામી 25 મેથી દક્ષિણ ગુજરાતમાં વરસાદની સંભાવના છે. જ્યારે રાજ્યભરમાં ગરમીમાંથી આંશિક રાહત મળશે.

પ્રતિકાત્મક તસવીર

રાજ્યમાં પ્રિ-મોનસૂનની એક્ટિવિટી થઈ શરૂ થઈ છે. હવામાન વિભાગની આગાહી મુજબ, આગામી 25 મેથી દક્ષિણ ગુજરાતમાં વરસાદની સંભાવના છે. જ્યારે રાજ્યભરમાં ગરમીમાંથી આંશિક રાહત મળશે. તાપમાનનો પારો 2થી 3 ડિગ્રી ઘટશે. દક્ષિણ ગુજરાતના નવસારી અને વલસાડ જિલ્લામાં હળવો વરસાદ પડવાની આગાહી છે. જ્યારે કેન્દ્ર શાસિત પ્રદેશ દમણ, દાદરા અને નગરહવેલીમાં પણ સામાન્ય વરસાદ થઈ શકે છે. 

અમદાવાદમાં આ દરમિયાન તાપમાનનો પારો 41 ડિગ્રી આસપાસ રહેવાનો અંદાજ છે. આ વખતે રાજ્યમાં સામાન્ય ચોમાસું રહે એમ માનવામાં આવી રહ્યું છે. કેરળમાં 26 મેથી ચોમાસાનું આગમન થઇ શકે છે. આ સ્થિતિમાં દક્ષિણ ગુજરાતમાં 10થી 15 જૂન વચ્ચે અને 15થી 20 જૂન વચ્ચે રાજ્યના મોટા ભાગના વિસ્તારોમાં ચોમાસાનું આગમન થઇ શકે છે. હવામાન વિભાગ પ્રમાણે, 'નૈઋત્યના ચોમાસાએ ભારતમાં આગમન કરી લીધું છે. પ્રી-મોન્સૂન એક્ટિવિટીના ભાગરૂપે કેરળ, કર્ણાટકના દરિયાઈ વિસ્તાર તેમજ મેઘાલય-આસામ-અરૂણાચલ પ્રદેશમાં વરસાદ પડી રહ્યો છે. 

ઉત્તર-પશ્ચિમ તેમજ મધ્ય ભારતમાં ગરમીની તીવ્રતા ઘટવાનું પણ શરૂ થઇ જશે. કેરળમાં 27 મેથી પહેલી જૂનની વચ્ચે સત્તાવાર રીતે નૈઋત્યના ચોમાસાનું આગમન થાય એવી શક્યતાઓ છે. રાજ્યમાં ગયા વર્ષે ચોમાસામાં 32.56 ઈંચ સાથે મોસમનો સરેરાશ 98.48% વરસાદ નોંધાયો હતો. 

લૂંટેરી દુલ્હનનો તરખાટ! લગ્નની પહેલી રાત્રિએ જ પતિને બતાવી દીધો પરચો

સુરેન્દ્રનગર: રાજ્યમાં લગ્નના નામે છેતરપિંડીના કેસો દિવસેને દિવસે વધી રહ્યા છે. જેને લઈને લોકોમાં આક્રોશ વધી રહ્યા છે. યુવકો સાથે લાખોની ઠગાઈ કરી યુવતીઓ ફરાર થઈ જાય છે. હવે આવી જ ઠગાઈની ઘટના સામે આવી છે સુરેન્દ્રનગર જિલ્લામાં અને પાટણ જિલ્લામાં. સૌ પ્રથમ સુરેન્દ્રનગર જિલ્લાની વાત કરીએ અહીં લીમડીનો યુવક લૂંટેરી દુલ્હનનો બન્યો ભોગ બન્યો છે. યુવક પાસેથી 2.50 લાખ પડાવી લીધાની ઘટના સામે આવી છે. આ સમગ્ર કિસ્સાનો વીડિયો પણ સામે આવ્યો છે. પૈસા લીધા બાદ 21 દિવસમાં જ દુલ્હન ફરાર થઈ ગઈ હતી. માનતા પુરી કરવાના બહાને પરત ગયા બાદ મહિલાઓ ફોન ઉપાડવાનું બંધ કરી દીધુ હતું. ત્યાર બાદ યુવકને જાણ થઈ કે તેની સાથે છેતરપિંડી થઈ છે.