Gujarat Rain: આગામી ત્રણ કલાક આ જિલ્લાઓ માટે ભારે, જાણો લેટેસ્ટ અપડેટ

હવામાન વિભાગ દ્વારા વરસાદને લઈ નાવ કાસ્ટ જાહેર કરવામાં આવ્યું છે. આગામી ત્રણ કલાક  હળવા વરસાદની આગાહી હવામાન વિભાગે વ્યક્ત કરી છે.

આગામી ત્રણ કલાક વરસાદની આગાહી

Source : તસવીર-ABP અસ્મિતા

અમદાવાદ: હવામાન વિભાગ દ્વારા વરસાદને લઈ નાવ કાસ્ટ જાહેર કરવામાં આવ્યું છે. આગામી ત્રણ કલાક  હળવા વરસાદની આગાહી હવામાન વિભાગે વ્યક્ત કરી છે. હવામાન વિભાગની આગાહી અનુસાર, રાજ્યમાં આગામી ત્રણ કલાક સુધી કેટકાલ જિલ્લાઓમાં ભારેથી લઈ હળવા વરસાદનું અનુમાન છે.

આગામી ત્રણ કલાક આ જિલ્લાઓમાં વરસાદની આગાહી

હવામાન વિભાગે કરેલી આગામી ત્રણ કલાકની આગાહી મુજબ,  દાહોદ,  છોટાઉદેપુર, વડોદરા, ભરૂચ,  નર્મદા, તાપી, સુરત, ડાંગ, નવસારી, વલસાડ, દમણ,  દાદરા નગર હવેલી, પંચમહાલ, ભાવનગર,  અમરેલી, ગીર સોમનાથ,  દીવ,  જુનાગઢ, બોટાદ, રાજકોટ, આણંદ, મહીસાગર, અમદાવાદ અને સુરેન્દ્રનગરમાં હળવા વરસાદની આગાહી કરવામાં આવી છે.

સૌરાષ્ટ્ર અને કચ્છમાં પણ હવામાન વિભાગે કરી વરસાદની આગાહી

સૌરાષ્ટ્ર અને કચ્છના કેટલાક વિસ્તારોમાં પણ વરસાદનું અનુમાન છે.  કચ્છ, મોરબી, સુરેન્દ્રનગર, જામનગર, રાજકોટ, બોટાદ, ભાવનગર, અમરેલી, ગીર સોમનાથ, જૂનાગઢ, પોરબંદર અને દેવભૂમિ દ્વારકામાં પણ છૂટાછવાયા સ્થળોએ ગાજવીજ સાથે હળવાથી મધ્યમ વરસાદની સંભાવના છે.

હવામાન વિભાગ મુજબ 27 જુલાઈએ પંચમહાલ, દાહોદ અને છોટા ઉદેપુરમાં વરસાદનું ઓરેન્જ એલર્ટ આપવામાં આવ્યું છે. જ્યારે રાજકોટ, અમરેલી, ભાવનગર, બોટાદ,સુરેન્દ્રનગરમાં વરસાદનું યલો એલર્ટ જાહેર કરવામાં આવ્યું છે.

રાજ્યમાં સરેરાશ 51.16 ટકા વરસાદ વરસ્યો

ચોમાસાની સિઝનમાં અત્યાર સુધીમાં રાજ્યમાં સરેરાશ 51.16 ટકા વરસાદ વરસ્યો છે. સૌથી વધુ કચ્છ ઝોનમાં 58.46 ટકા અને દક્ષિણ ગુજરાતમાં 55.22 ટકા વરસાદ વરસ્યો છે. પૂર્વ મધ્ય ઝોનમાં 49.39 ટકા અને સૌરાષ્ટ્રમાં 49.36 ટકા વરસાદ વરસ્યો છે. ચોમાસાની સિઝનમાં અત્યાર સુધીમાં રાજ્યના 206 પૈકી 26 ડેમ સંપૂર્ણ ભરાયા છે. અન્ય 60 ડેમ 70 થી 100 ટકા ભરાયા છે. રાજ્યના 41 ડેમ હાઇ એલર્ટ અને 21 ડેમ એલર્ટ પર છે. 23 ડેમને વોર્નિગ આપવામાં આવી છે.

ઓગસ્ટ મહિનામાં ભારે વરસાદની અંબાલાલની આગાહી

હવામાન નિષ્ણાત અંબાલાલ પટેલે ઓગસ્ટ મહિના માટે વિસ્તૃત આગાહી કરી છે. તેમના મતે, આગામી ઓગસ્ટ મહિનો પણ વરસાદથી ભરપૂર રહેશે, જેમાં એક પછી એક વરસાદી સિસ્ટમ સક્રિય થતી રહેશે, જેના કારણે સમગ્ર મહિના દરમિયાન સારો વરસાદ પડવાની શક્યતા છે. તેમણે ખાસ કરીને 6 થી 10 ઓગસ્ટના સમયગાળા દરમિયાન ગુજરાતમાં ભારે વરસાદની સંભાવના વ્યક્ત કરી છે. 

અંબાલાલ પટેલે આગાહી કરતા કહ્યું કે, ઉત્તર ગુજરાતમાં ભારે વરસાદ વરસી શકે છે. જૂલાઈમાં સૂર્યનો પ્રવેશ પુષ્ય નક્ષત્રમાં થશે. પુષ્ય નક્ષત્રમાં વરસાદી પાણી સારૂ ગણાશે. હાલમાં 3 સિસ્ટમને કારણે રાજ્યના વિવિધ ભાગોમાં વરસાદ વરસી રહ્યો છે. ઉત્તર પૂર્વ રાજસ્થાન પર વેલમાર્ક લો પ્રેશર સાથે ઉત્તર પશ્ચિમ મધ્ય પ્રદેશ પર સાયક્લોનિક સર્ક્યુલેશન સક્રિય થયું છે આ કારણે વરસાદી માહોલ જામ્યો છે.