Rain forecast: રાજ્યમાં આગામી કેટલા દિવસ ભારે વરસાદની કરાઇ આગાહી, આ પાંચ જિલ્લામાં બારેય મેઘ ખાંગા થશે
રાજ્યમાં સીઝનનો અત્યાર સુધીમાં 69.97 ટકા વરસાદ વરસી ચૂક્યો છે
ગાંધીનગરઃ રાજ્યમાં હજુ પણ આગામી બે દિવસ ભારે વરસાદની આગાહી હવામાન વિભાગે કરી છે. કચ્છ-સૌરાષ્ટ્ર, દક્ષિણ અને ઉત્તર ગુજરાતમાં તોફાની વરસાદની સંભાવના વ્યક્ત કરાઇ છે. અમદાવાદમાં વરસાદ વરસી શકે છે. રાજ્યના પાંચ જિલ્લામાં આજે વરસાદનું ઓરેન્જ, તો સાત જિલ્લામાં યલો એલર્ટ જાહેર કરાયું છે. સંઘ પ્રદેશ દમણ અને દાદરાનગર હવેલીમાં પણ વરસાદને લઈને યલો એલર્ટ જાહેર કરાયું છે.
હવામાન વિભાગના મતે કચ્છ-સૌરાષ્ટ્રમાં ધોધમાર વરસાદ વરસી શકે છે. દક્ષિણ અને ઉત્તર ગુજરાતમાં ભારે વરસાદની સંભાવના છે. રાજ્યમાં સીઝનનો અત્યાર સુધીમાં 69.97 ટકા વરસાદ વરસી ચૂક્યો છે. સૌથી વધુ કચ્છમાં 129.98 ટકા વરસાદ ખાબક્યો છે. સૌરાષ્ટ્રમાં અત્યાર સુધીમાં સીઝનનો 102.96 ટકા વરસાદ ખાબક્યો છે.
દક્ષિણ ગુજરાતના જિલ્લામાં ભારેથી અતિભારે વરસાદની સંભાવના છે. વલસાડ અને દમણ, દાદરા નગર હવેલીમાં ભારેથી અતિભારે વરસાદની આગાહી કરવામાં આવી છે. રાજકોટ, ભાવનગર, બોટાદ અને દ્વારકામાં ભારેથી અતિભારે વરસાદની આગાહી કરાઇ છે. આણંદ, વડોદરા, ભરૂચ, સુરત અને નવસારીમાં ભારે વરસાદની સંભાવના છે. જામનગર,પોરબંદર, જૂનાગઢ, અમરેલી, ગીર સોમનાથ, કચ્છ અને દીવમાં ભારે વરસાદની શક્યતા છે. બનાસકાંઠા, મહેસાણા, સાબરકાંઠા, અરવલ્લી, ખેડા, અમદાવાદ, મહિસાગર, છોટા ઉદેપુર, નર્મદા, ડાંગ અને તાપીમાં છૂટાછવાયા ભારે વરસાદની આગાહી કરાઇ છે.
રાજ્યમાં છેલ્લા 24 કલાકમાં 194 તાલુકામાં વરસાદ નોંધાયો હતો. રાજ્યમાં સીઝનનો અત્યાર સુધીમાં સરેરાશ 69 ટકા વરસાદ વરસ્યો છે. કચ્છ અને સૌરાષ્ટ્ર ઝોનમાં 100 ટકા વરસાદ વરસી ચૂક્યો છે. મધ્ય ઝોનમાં સૌથી ઓછો 53 ટકા વરસાદ વરસ્યો હતો. રાજકોટ જિલ્લાને પાણી પૂરૂ પાડતો ભાદર ડેમ ઓવરફ્લો થયો હતો. ડેમમાંથી પાણી છોડવામાં આવતા 22 ગામોને એલર્ટ કરાયા હતા.
છેલ્લા 24 કલાકમાં રાજ્યના 194 તાલુકામાં વરસાદ
છેલ્લા 24 કલાકમાં ભાવનગર તાલુકામાં સાડા ચાર ઈંચ વરસાદ
છેલ્લા 24 કલાકમાં રાજકોટના કોટડાસાંગાણીમાં પોણા ચાર ઈંચ વરસાદ
છેલ્લા 24 કલાકમાં જામનગરના લાલપુરમાં સાડા ત્રણ ઈંચ વરસાદ
છેલ્લા 24 કલાકમાં અમરેલીના બાબરામાં સાડા ત્રણ ઈંચ વરસાદ
છેલ્લા 24 કલાકમાં રાજકોટના લોધિકામાં સવા ત્રણ ઈંચ વરસાદ
છેલ્લા 24 કલાકમાં દ્વારકાના ખંભાળીયામાં સવા ત્રણ ઈંચ વરસાદ
છેલ્લા 24 કલાકમાં કચ્છના ગાંધીધામમાં સવા ત્રણ ઈંચ વરસાદ
છેલ્લા 24 કલાકમાં સુરત શહેરમાં ત્રણ ઈંચ વરસાદ
છેલ્લા 24 કલાકમાં દ્વારકાના કલ્યાણપુરમાં ત્રણ ઈંચ વરસાદ
છેલ્લા 24 કલાકમાં ભાવનગરના સિહોરમાં પોણા ત્રણ ઈંચ વરસાદ
ટોપ સ્ટોરી
ટ્રેન્ડિંગ સમાચાર
