Rain Forecast: રાજ્યમાં ભારે વરસાદની ચેતવણી, ,આ 6 જિલ્લામાં રેડ તો 12 જિલ્લામાં અપાયું ઓરેંજ એલર્ટ
ગુજરાત રાજ્ય પર હાલ ત્રણ એક્ટિવ સિસ્ટમની અસર થતાં દક્ષિણ ગુજરાતમાં મેઘરાજાએ ધમાકેદાર એન્ટ્રી કરી છે. હવામાન વિભાગે વરસાદને લઇને 6 જિલ્લામાં રેડ઼ એલર્ટ આપ્યું છે.
Rain Forecast:હવામાન વિભાગની આગાહી વચ્ચે સુરત, નર્મદા, ભરૂચ સહિતના અને વિસ્તારમાં મેઘરાજાએ ધમાકેદાર એન્ટ્રી કરી છે. હવામાન વિભાગની આગાહી મુજબ ગુજરાતમાં 16થી 20 જુલાઇ સુધી ભારે વરસાદનું અનુમાન છે. વરસાદની તીવ્રતાને જોતા હવામાન વિભાગે રાજ્યના છ જિલ્લામાં વરસાદનું રેડ એલર્ટ આપ્યું છે.
આ 6 જિલ્લામાં વરસાદનું રેડ એલર્ટ
- વલસાડ, નવસારી, સુરતમાં વરસાદનું રેડ એલર્ટ
- નર્મદા, ભરૂચ, છોટાઉદેપુરમાં વરસાદનું રેડ એલર્ટ
- દમણ, દાદરા અને નગર હવેલીમાં વરસાદનું રેડ એલર્ટ
- રાજ્યના 12 જિલ્લામાં વરસાદનું ઓરેંજ એલર્ટ
- અમદાવાદ જિલ્લામાં પણ વરસાદનું ઓરેંજ એલર્ટ
નર્મદાના લાછરસમાં પાંચ ઇંચ વરસાદ વરસતા કેકલાક વિસ્તારમાં ગળાડૂબ પાણી ભરાઇ ગયા છે. અહીં અનરાધાર વરસાદે મુશ્કેલી વધારી છે. લાછરસ ગામ બેટમાં ફેરવાતા દુકાનોમાં પણ પાણી ઘુસી ગયા છે. સસ્તા અનાજની દુકાનમાં પાણી ફરી વળતાં અનાજનો જથ્થો પલળતા વ્યાપક નુકસાનીનો અંદાજ છે.
નર્મદા જિલ્લાના લાછરસ ગામમાં મૂશળધાર વરસાદના પગલે કમર સુધીના પાણી ભરાયા છે.કમર સુધીના પાણી ભરાતા ગામમાં પ્રવેશવાનો રસ્તો બંધ થઇ ગયો છે. પ્રશાસનની બેદરકારીથી પાણી ભરાતા હોવાનો સ્થાનિકોનો આરોપ લગાવ્યો છે. ગામમાંથી પાણીના ડ્રેનેજની વ્યવસ્થા યોગ્ય ન હોવાથી ચોમાસામાં આ સ્થિતિ ઉપસ્થિત થતી હોવાનો આક્ષેપ સ્થાનિકો લગાવી રહ્યાં છે.
નર્મદામાં વહેલી સવારથી ધોધમાર વરસાદ જોવા મળી રહ્યો છે નર્મદામાં ભારે વરસાદને પગલે લાછરસ ગામ બેટમાં ફેરવાયું છે.. લાછરસ ગામમાં ઠેર-ઠેર વરસાદી પાણી ભરાયા છે. લાછરસ ગામમાં વાહનો પણ તણાયા હોય અને ઘરોમાં પાણી ઘૂસ્યા હોય તેવા દ્રશ્યો જોવા મળી રહ્યા છે.
છેલ્લા 24 કલાકમાં સૌથી વધુ અરવલ્લીના મોડાસામાં પોણા ચાર ઈંચ વરસાદ ખાબક્યો હતો. છેલ્લા 24 કલાકમાં દાહોદ તાલુકામાં અઢી ઈંચ, પંચમહાલના ગોધરામાં દોઢ ઈંચ, મહીસાગરના વીરપુરમાં દોઢ ઈંચ, તાપીના સોનગઢમાં એક ઈંચ, નર્મદાના ગરૂડેશ્વરમાં સવા પાંચ ઈંચ, સુરતના ઉમરપાડામાં ચાર ઈંચ વરસાદ નર્મદાના તિલકવાડામાં સવા બે ઈંચ વરસાદ વરસ્યો હતો.
ટોપ સ્ટોરી
ટ્રેન્ડિંગ સમાચાર
