Drugs Seized At Attari: અટારી બોર્ડર પર લગભગ 700 કરોડ રૂપિયાનું 102 કિલો હેરોઇન જપ્ત

હેરોઈન દિલ્હી સ્થિત એક વ્યક્તિ દ્વારા અફઘાનિસ્તાનથી આયાત કરાયેલ કન્સાઈનમેન્ટમાં છુપાવવામાં આવ્યું હતું.

અટારી બોર્ડર પર હેરોઇન જપ્ત

કસ્ટમ વિભાગે રવિવારે પંજાબની અટારી બોર્ડર પરથી 102 કિલો હેરોઈન જપ્ત કર્યું હતું, જેની કિંમત આંતરરાષ્ટ્રીય બજારમાં આશરે રૂ. 700 કરોડ હોવાનું કહેવાય છે.  આ કન્સાઈનમેન્ટ અફઘાનિસ્તાનથી આવ્યું હતું. કસ્ટમ્સ વિભાગ દ્વારા જાહેર કરવામાં આવેલા એક સત્તાવાર નિવેદનમાં કહેવામાં આવ્યું છે કે અમૃતસર કસ્ટમ્સ (પી) કમિશનરેટ હેઠળના ઈન્ટિગ્રેટેડ ચેક પોસ્ટ (આઈસીપી) અટારી દ્વારા કુલ 102 કિલો હેરોઈન જપ્ત કરવામાં આવ્યું હતું.

102 kg drugs concealed in Mulethi consignment seized at Attari border

Read @ANI Story | https://t.co/KAqdS5lhcF#drugscase pic.twitter.com/RjzpDKPDaU

— ANI Digital (@ani_digital) April 24, 2022

દિલ્હીના વ્યક્તિએ દારૂનો જથ્થો મંગાવ્યો હતો

સત્તાવાર નિવેદન અનુસાર, હેરોઈન દિલ્હી સ્થિત એક વ્યક્તિ દ્વારા અફઘાનિસ્તાનથી આયાત કરાયેલ કન્સાઈનમેન્ટમાં છુપાવવામાં આવ્યું હતું. આ મામલાની તપાસ કરવામાં આવી રહી છે. અમૃતસર કસ્ટમ કમિશનર રાહુલ નાંગરેએ કહ્યું, "અફઘાનિસ્તાનથી એક કન્સાઈનમેન્ટ ICP અટારીમાં આવ્યું હતું, અમને કંઈક અસામાન્ય લાગ્યું હતું. તપાસ દરમિયાન તે હેરોઈન હોવાનો ખુલાસો થયો હતો.  અમે NDPS એક્ટ હેઠળ કાર્યવાહી કરી રહ્યા છીએ."

ઉલ્લેખનીય છે કે  અફઘાનિસ્તાનમાં બદલાયેલી રાજકીય પરિસ્થિતિને ધ્યાનમાં રાખીને તમામ આયાત કાર્ગોની કડક તપાસ કરવામાં આવી રહી છે. અફઘાનિસ્તાનમાંથી સૂકા ફળો, તાજા ફળો અને જડીબુટ્ટીઓની નિયમિત આયાત ઈન્ટીગ્રેટેડ ચેક પોસ્ટ (ICP) અટારી દ્વારા કરવામાં આવે છે.

સોના અને ડ્રગ્સની દાણચોરીના ઘણા કેસ નોંધાયા છે

અમૃતસર કસ્ટમ્સે એરપોર્ટ તેમજ લેન્ડ કસ્ટમ સ્ટેશન, ICP અટારી પર સોના અને ડ્રગ્સની દાણચોરીના ઘણા કેસ નોંધ્યા છે. આ પ્રક્રિયામાં જૂન 2019માં અટારી ખાતે ICP ખાતે લગભગ 532.630 કિલો ડ્રગ્સ જપ્ત કરવામાં આવ્યું હતું. તે ભારતમાં ડ્રગના સૌથી મોટા કેસોમાંનો એક હતો.