Anant Radhika Pre Wedding: આ તો ગજબ પાર્ટી છે બોસ...ઈટાલીમાં શરુ થશે અને સ્વિટ્ઝર્લૅન્ડમાં ખતમ, અંબાણી ફેમિલીનો દુનિયામાં વાગશે ડંકો
Ambani Familys Party Schedule: અંબાણી પરિવાર બીજી વખત અનંત-રાધિકાના પ્રી-વેડિંગ ફંક્શનની ઉજવણી કરવા જઈ રહ્યો છે, જે ઈટાલીથી શરૂ થઈને સ્વિટ્ઝરલેન્ડમાં સમાપ્ત થશે. આ પાર્ટીનું શેડ્યૂલ જાણીને તમે પણ ચોંકી જશો.
Anant Ambani Radhika Merchant Pre-Wedding: મુકેશ અંબાણી અને નીતા અંબાણીના નાના પુત્ર અનંત અંબાણી જુલાઈમાં રાધિકા મર્ચન્ટ સાથે લગ્ન કરવા જઈ રહ્યા છે. જો કે બંનેના લગ્નની ઉજવણી માર્ચથી જ શરૂ થઈ ગઈ છે. આ કપલનું પહેલું પ્રી-વેડિંગ ફંક્શન માર્ચમાં જામનગરમાં ઉજવવામાં આવ્યું હતું. જે ત્રણ દિવસ ચાલ્યું હતું. આ કાર્યક્રમમાં દેશ-વિદેશની મોટી હસ્તીઓએ ભાગ લીધો હતો.
હવે ફરીથી અંબાણી પરિવાર અનંત-રાધિકાના પ્રી-વેડિંગ ફંક્શનની ઉજવણી કરવા જઈ રહ્યો છે. આ ફંક્શન આજથી એટલે કે 29મી મેથી શરૂ થયું છે, જે 1લી જુલાઈ સુધી ઉજવવામાં આવશે. આ ફંક્શન ચોક્કસપણે થોડું ખાનગી હશે પરંતુ બોલિવૂડ સ્ટાર્સથી લઈને ઘણી મોટી હસ્તીઓ બંનેની આ ખાસ પાર્ટીમાં હાજરી આપશે. આ વખતે અંબાણી પરિવાર જે પ્રી-વેડિંગ ફંક્શન સેલિબ્રેટ કરવા જઈ રહ્યો છે તે તમને ખૂબ જ આશ્ચર્યચકિત કરી શકે છે. તો ચાલો જાણીએ આજે તેમની ત્રણ દિવસની પાર્ટી શેડ્યૂલ.
અંબાણી પરિવારનું બીજું પ્રી-વેડિંગ ફંક્શન કેવું રહેશે?
અંબાણી પરિવારે અનંત-રાધિકાના બીજા પ્રી-વેડિંગ ફંક્શનને "લા વિટે ઈ અન વિયાજિયો" નામ આપ્યું છે. જેનો અર્થ છે 'જીવન એક સફર' અને અંબાણી પરિવારની આ પ્રી-વેડિંગ સફર 29 મેથી ક્રૂઝ શિપ પર વેલકમ લંચ સાથે શરૂ થશે. આ પછી, તે જ સાંજે ક્રુઝ શિપ પર જ "સ્ટારરી નાઇટ" નું આયોજન કરવામાં આવશે.
બીજા દિવસે ઉજવણીને "એ રોમન હોલીડે" થીમ સાથે આગળ ધપાવવામાં આવશે, જેમાં ટૂરિસ્ટ ચિકનો ડ્રેસ કોડ રાખવામાં આવ્યો છે. જયારે 30મી મેની રાત્રિની થીમ "લા ડોલ્સે ફાર નિએન્ટે" રાખવામાં આવી છે અને આ પછી સવારે 1 વાગ્યે "ટોગા પાર્ટી"નું આયોજન કરવામાં આવશે. બીજા દિવસની થીમ છે "વી ટર્ન વન અન્ડર ધ સન," "લે માસ્કરેડ," અને "પાર્ડન માય ફ્રેન્ચ." છેલ્લા દિવસે એટલે કે શનિવારે, થીમ "લા ડોલ્સે વિટા" રાખવામાં આવી છે, જેમાં મહેમાનો ઈટાલિયન સમર ડ્રેસ કોડ પહેરીને પાર્ટીમાં જોડાશે.
આટલા મહેમાનો હાજરી આપશે
અનંત-રાધિકાના બીજા પ્રી-વેડિંગ ફંક્શન માટે, 800 મહેમાનોને લક્ઝરી ક્રૂઝ પર લઈ જવામાં આવશે જે ત્રણ દિવસમાં 4,380 કિમીનું અંતર કાપશે. આ વિશેષ સ્પેસ-થીમ આધારિત ક્રૂઝ ઇટાલીથી દક્ષિણ ફ્રાન્સ માટે રવાના થશે. મીડિયા રિપોર્ટ્સનું માનીએ તો ગેસ્ટ લિસ્ટમાં સલમાન ખાન, શાહરૂખ ખાન, આમિર ખાન, રણબીર કપૂર અને આલિયા ભટ્ટનો સમાવેશ થાય છે. 800 મહેમાનો ઉપરાંત 600 હોસ્પિટાલિટી સ્ટાફ પણ હાજર રહેશે. આ સ્પેશિયલ ફંક્શનમાં ભોજનની વ્યવસ્થા પણ ખાસ હશે, જેમાં લક્ઝરી આવાસ ઉપરાંત મહેમાનોને સ્વાદિષ્ટ વાનગીઓ પીરસવામાં આવશે.
ટોપ સ્ટોરી
ટ્રેન્ડિંગ સમાચાર
