Rahul Gandhi: 'પેગાસસ મોબાઇલમાં નહી પણ મગજમાં છે...', અનુરાગ ઠાકુરે રાહુલ ગાંધી પર કર્યા પ્રહાર

કેન્દ્રીય મંત્રી અનુરાગ ઠાકુરે કોંગ્રેસના નેતા રાહુલ ગાંધી પર વળતો પ્રહાર કર્યો હતો

ફાઇલ તસવીર

Anurag Thakur Slams Rahul Gandhi:  કેન્દ્રીય મંત્રી અનુરાગ ઠાકુરે કોંગ્રેસના નેતા રાહુલ ગાંધી પર વળતો પ્રહાર કર્યો હતો અને કહ્યું કે ગઈકાલના પરિણામો દર્શાવે છે કે કોંગ્રેસનો સફાયો થઈ ગયો છે. તેમણે કહ્યું કે તેઓ જાણે છે કે પરિણામ શું આવશે. રાહુલ ગાંધી પર કટાક્ષ કરતા ભાજપના નેતા ઠાકુરે કહ્યું કે પેગાસસ તેમના મોબાઈલમાં નથી પરંતુ તેમના દિલ અને દિમાગમાં છે.

Rahul Gandhi is again doing this work of hue & cry on foreign soil. Pegasus is in his mind. Under PM Modi's leadership, respect for India increased across the world & big leaders are saying it. Rahul Gandhi should listen to what Italian PM said about PM Modi: Union Min A Thakur https://t.co/n88KWMRcc9 pic.twitter.com/76QVqzKNvo

— ANI (@ANI) March 3, 2023

અનુરાગ ઠાકુરે કહ્યું કે વડાપ્રધાન નરેન્દ્ર મોદીના નેતૃત્વમાં વિશ્વમાં ભારતનું સન્માન વધ્યું છે. રાહુલ ગાંધી પર નિશાન સાધતા તેમણે કહ્યું કે ઈટાલીના વડાપ્રધાને જે કહ્યું તે કદાચ તેમણે (રાહુલ ગાંધીએ) સાંભળ્યું નહીં હોય... તેમણે (જ્યોર્જિયા મેલોની) કહ્યું હતું કે દુનિયાભરના લોકો પીએમ મોદીને પ્રેમ કરે છે. કેન્દ્રીય મંત્રીએ પેગાસસ કેસ પર કહ્યું હતું કે એવી કઈ મજબૂરી હતી કે તેમણે પોતાનો ફોન જમા ન કરાવ્યો. તેમણે કહ્યું કે તેમના વિદેશી મિત્રો દ્વારા તે વારંવાર દેશને બદનામ કરવાનો પ્રયાસ કરે છે.

#WATCH | Rahul Gandhi has a habit of lying and defaming India. This raises questions on the agenda of the Congress party: Union minister & BJP leader Anurag Thakur pic.twitter.com/3yTFgtlvTW

— ANI (@ANI) March 3, 2023

રાહુલ બંધારણીય સંસ્થાઓને બદનામ કરી રહ્યા છે - કેન્દ્રીય મંત્રી

ઉત્તર પૂર્વમાં તાજેતરમાં યોજાયેલી વિધાનસભાની ચૂંટણીનો ઉલ્લેખ કરતાં કેન્દ્રીય મંત્રી અનુરાગ ઠાકુરે કહ્યું કે દેશની જનતાએ મોદીજીને જે પ્રેમ આપ્યો છે. મોદીજીને સંપૂર્ણ બહુમતી આપવામાં આવી છે. ભારત સૌથી ઝડપથી વિકસતી અર્થવ્યવસ્થા છે. ભારતમાં રેકોર્ડ FDI આવી રહ્યું છે.

"Pegasus is in his mind, nowhere else": Anurag Thakur on Rahul Gandhi's fresh snooping charge at Centre

Read @ANI Story | https://t.co/RnAz0NVmq6#anuragthakur #RahulGandhi #Pegasus pic.twitter.com/HSnkgL1rrL

— ANI Digital (@ani_digital) March 3, 2023

તેમણે કહ્યું કે રાહુલ ગાંધી મીડિયાને બદનામ કરવાનો પ્રયાસ કરી રહ્યા છે. એટલું જ નહીં, તેઓ દેશની બંધારણીય સંસ્થાઓને બદનામ કરવાની કોઈ તક છોડતા નથી. અનુરાગ ઠાકુરે કહ્યું કે રાહુલ ગાંધીને વારંવાર ખોટું બોલવાની અને દેશનું અપમાન કરવાની આદત છે. તેમણે કહ્યું કે ભારતને બદનામ કરવા માટે વિદેશી ધરતી, વિદેશી મિત્રો અને વિદેશી એજન્સીઓનો ઉપયોગ કરવો તેમની આદત બની ગઈ છે. આ બાબતો કોંગ્રેસના એજન્ડા પર સવાલ ઉઠાવી રહી છે.