Sajjan Jindal: ભારતના દિગ્ગજ ઉદ્યોગપતિ પર લાગ્યો બળાત્કારનો આરોપ, જો પોલીસનો સંમ્પર્ક કર્યો તો પરિણામ ભોગવવું પડશે

Sajjan Jindal Reacts  On Rape Allegations: મુંબઈમાં એક મૉડલે અબજોપતિ સજ્જન જિંદાલ બળાત્કારનો આરોપ લગાવ્યો છે. જે બાદ સજ્જને  તેમની સામેના આરોપોને નકારતું નિવેદન જારી કર્યું છે.

( Image Source : PTI )

Source : PTI

Sajjan Jindal Reacts  On Rape Allegations: મુંબઈમાં એક મૉડલે અબજોપતિ સજ્જન જિંદાલ બળાત્કારનો આરોપ લગાવ્યો છે. જે બાદ સજ્જને  તેમની સામેના આરોપોને નકારતું નિવેદન જારી કર્યું છે. તેમણે આ આરોપોને ખોટા અને પાયાવિહોણા ગણાવ્યા અને કહ્યું કે તેઓ કાયદા અમલીકરણ એજન્સીઓને તપાસમાં સંપૂર્ણ સહયોગ કરશે. પીટીઆઈ અનુસાર, જિંદાલે પોતાના નિવેદનમાં કહ્યું, તે તપાસમાં સંપૂર્ણ સહકાર આપવા માટે પ્રતિબદ્ધ છે. તપાસ ચાલુ હોવાથી અમે તેના પર વધુ ટિપ્પણી કરીશું નહીં. આ સિવાય નિવેદનમાં મીડિયાને પરિવારની ગોપનીયતાનું સન્માન કરવાની પણ વિનંતી કરવામાં આવી છે.

દુબઈમાં થઈ હતી મુલાકાત
જિંદાલ પર આરોપ લગાવનાર મહિલાનું કહેવું છે કે તે 64 વર્ષીય જિંદાલને થોડા વર્ષો પહેલા દુબઈમાં એક ક્રિકેટ મેચમાં મળી હતી. આ પછી બંને મિત્રો બની ગયા. તેણીની સોશિયલ મીડિયા પ્રોફાઇલ મુજબ, મહિલા એક એક્ટર છે.

બળાત્કાર અને લગ્નનું વચન આપવાનો આરોપ
30 વર્ષની મૉડેલે જાન્યુઆરી 2022માં તેની કંપની JSW ગ્રુપના હેડક્વાર્ટરમાં બિઝનેસમેન પર બળાત્કાર કરવાનો આરોપ મૂક્યો હતો અને તેની સાથે લગ્ન કરવાનું વચન આપ્યું હતું. મહિલાએ જણાવ્યું કે આ ગુનો મુંબઈના બાંદ્રા-કુર્લા કોમ્પ્લેક્સમાં કંપનીના હેડક્વાર્ટરના પેન્ટહાઉસમાં થયો હતો. મોડલે જણાવ્યું કે કથિત બળાત્કાર પહેલા તેઓ દક્ષિણ મુંબઈના જિંદાલ મેન્શનમાં મળ્યા હતા અને ડ્રાઈવ કરવા ગયા હતા. પીડિત મહિલાનું કહેવું છે કે કથિત બળાત્કાર બાદ સજ્જન જિંદાલ તે તેનાથી બચી રહ્યો હતો.

13 ડિસેમ્બરે FIR નોંધવામાં આવી હતી
13 ડિસેમ્બરે, મહિલાની ફરિયાદ પર, જિંદાલ વિરુદ્ધ ભારતીય દંડ સંહિતાની કલમ 376 (બળાત્કાર), 354 (મહિલાની ગરીમાનો ભંગ) અને 506 (ગુનાહિત ધમકી) હેઠળ એફઆઈઆર નોંધવામાં આવી હતી.

'ભાઈ પાસેથી મિલકત ખરીદવામાં રસ દાખવ્યો હતો'
ફરિયાદીએ કહ્યું, મિત્ર બન્યા પછી, અમે નંબરો એક્સચેન્જ કર્યા અને મુંબઈમાં મળ્યા કારણ કે જિંદાલે મારા ભાઈ પાસેથી મિલકત ખરીદવામાં રસ દાખવ્યો હતો. તેણીએ કહ્યું કે જિંદાલ તેને 'બેબી' અને 'બેબ' કહેવા લાગ્યો અને જ્યારે અમે પહેલીવાર એકલા મળ્યા ત્યારે તેણે મને તેના લગ્ન સંબંધિત સમસ્યાઓ વિશે જણાવ્યું, જે મને ખૂબ જ વિચિત્ર લાગ્યું.

પોલીસનો સંપર્ક કરીશ તો પરિણામ ભોગવવાની ધમકી આપી
ફરિયાદીએ કહ્યું કે જિંદાલે તેને ગળે લગાડવાનું શરૂ કર્યું અને ફ્લર્ટિંગ જેવી હરકતો પણ કરવા લાગ્યો, જેના કારણે તે અસ્વસ્થતા અનુભવવા લાગી. મહિલાએ દાવો કર્યો કે જાન્યુઆરી 2022માં જિંદાલ કથિત રીતે તેને પેન્ટહાઉસમાં લઈ ગયો અને તેની સાથે બળાત્કાર કર્યો. આટલું જ નહીં જૂન 2022માં મારો નંબર બ્લોક કરતા પહેલા બિઝનેસમેને તેને ધમકી આપી હતી કે જો તે પોલીસનો સંપર્ક કરશે તો તેના ગંભીર પરિણામો ભોગવવા પડશે.