Breaking News Live: ગુજરાતના કાયમી DGP તરીકે વિકાસ સહાયની નિમણૂક, દિલ્હીમાં G20 વિદેશ મંત્રીઓની બેઠક
સામાન્ય જનતાને મોંઘવારીનો મોટો ઝટકો લાગ્યો છે. આજથી ઘરેલુ એલપીજી સિલિન્ડર 50 રૂપિયા મોંઘુ થઈ ગયું છે.
LIVE
Background
Breaking News Live Updates 1st March'23: દિલ્હીના નાયબ મુખ્ય પ્રધાન મનીષ સિસોદિયા અને સત્યેન્દ્ર જૈનના રાજીનામા પછી, સીએમ કેજરીવાલે કૈલાશ ગેહલોતને નાણા પ્રધાન અને રાજકુમાર આનંદને શિક્ષણ પ્રધાન તરીકે નિયુક્ત કર્યા છે. આ સાથે જ ભારતીય જનતા પાર્ટી આજે દારૂના કૌભાંડને લઈને વિરોધ પ્રદર્શન કરશે.
મનીષ સિસોદિયાએ સીએમ અરવિંદ કેજરીવાલને ત્રણ પાનાનો રાજીનામા પત્ર લખ્યો છે. સૂત્રોના જણાવ્યા અનુસાર રાજીનામા પત્રમાં સિસોદિયાએ લખ્યું છે કે, દિલ્હીના લોકો જાણે છે કે મેં ઈમાનદારીથી કામ કર્યું છે. તે જ સમયે, સિસોદિયાએ સીબીઆઈની ધરપકડને લઈને સુપ્રીમ કોર્ટનો સંપર્ક કર્યો હતો, જેના પર કોર્ટે વિચાર કરવાનો ઇનકાર કરી દીધો છે. સુપ્રીમ કોર્ટે સિસોદિયાને હાઈકોર્ટમાં જવાનું સૂચન કર્યું છે.
કેન્દ્રીય કેબિનેટની મહત્વની બેઠક
વડાપ્રધાન નરેન્દ્ર મોદીની અધ્યક્ષતામાં કેન્દ્રીય કેબિનેટની મહત્વપૂર્ણ બેઠક યોજાવાની છે. આજે કેન્દ્રીય કર્મચારીઓને મોટી ભેટ મળી શકે છે. ડીએમાં 4 ટકાનો વધારો મંજૂર થઈ શકે છે. આ સિવાય આજે દિલ્હીમાં જી 20 વિદેશ મંત્રીઓની 2 દિવસીય બેઠક યોજાવાની છે. રશિયાના વિદેશ મંત્રી દિલ્હી પહોંચી ગયા છે. અમેરિકન વિદેશ મંત્રી પણ ટૂંક સમયમાં આવવાના છે. માનવામાં આવે છે કે આ બેઠકમાં યુક્રેન પર ચર્ચા થવાની પૂરી શક્યતા છે.
એલપીજી સિલિન્ડર 50 રૂપિયા મોંઘું
સામાન્ય જનતાને મોંઘવારીનો મોટો ઝટકો લાગ્યો છે. આજથી ઘરેલુ એલપીજી સિલિન્ડર 50 રૂપિયા મોંઘુ થઈ ગયું છે. દિલ્હીમાં આજથી ઘરેલુ એલપીજી સિલિન્ડર 1103 રૂપિયા પ્રતિ સિલિન્ડરના ભાવે ઉપલબ્ધ થશે. તેની અગાઉની કિંમત 1053 રૂપિયા પ્રતિ સિલિન્ડર હતી.
આ વધતી કિંમતો પર કોંગ્રેસે સખ્ત વલણ અપનાવ્યું છે. કોંગ્રેસે પોતાના ટ્વિટર હેન્ડલ પર ટ્વિટ કરીને લખ્યું કે, મોદી સરકારે હોળીની ભેટ આપી છે. LPG સિલિન્ડર પર '50 રૂપિયા' વધુ વસૂલવામાં આવશે. કોમર્શિયલ સિલિન્ડર પર 500 રૂપિયા વધુ વસૂલવામાં આવશે.
એમકે સ્ટાલિન ચેન્નાઈમાં જન્મદિવસની ઉજવણી કરી
તમિલનાડુના મુખ્યમંત્રી એમકે સ્ટાલિને ચેન્નાઈમાં તેમના જન્મદિવસ પર તેમના પિતા અને ભૂતપૂર્વ મુખ્ય પ્રધાન એમ કરુણાનિધિ તેમજ ભૂતપૂર્વ મુખ્ય પ્રધાન અને ડીએમકેના સ્થાપક સીએન અન્નાદુરાઈના સ્મારક પર પુષ્પાંજલિ અર્પણ કરી હતી.
કેજરીવાલ ક્યારે રાજીનામું આપશે
ભાજપ નેતા ગૌરવ ભાટિયાએ કહ્યું, મનીષ સિસોદિયા સીબીઆઈની કસ્ટડીમાં છે અને ગઈકાલે તેમણે રાજીનામું આપ્યું હતું. પરંતુ રાજીનામાનો પત્ર અનડેટેડ છે. આબકારી નીતિ કૌભાંડના મુખ્ય સૂત્રધાર અરવિંદ કેજરીવાલ છે. મનીષ સિસોદિયા અને સત્યેન્દ્ર જૈને રાજીનામું આપ્યું પણ અરવિંદ કેજરીવાલ અને કૈલાશ ગહલોત ક્યારે રાજીનામું આપશે?
ટ્વિટર ડાઉન
વિશ્વના ઘણા દેશોમાં ટ્વિટર ડાઉન હતું. હજારો વપરાશકર્તાઓ સેવાઓનો ઉપયોગ કરવામાં અસમર્થ છે. ટ્વિટર પર ઘણા લોકો આ અંગે ફરિયાદ પણ કરી રહ્યા છે. વપરાશકર્તાઓ માઇક્રો-બ્લોગિંગ સાઇટ પર #TwitterDown સાથે તેમની સમસ્યાઓ જણાવી રહ્યા છે.
Twitter outage being experienced by several users across the world; users complain, "unable to refresh the feed". #TwitterDown pic.twitter.com/sN3hSQA5eH
— ANI (@ANI) March 1, 2023
ગુજરાતના કાયમી DGP તરીકે વિકાસ સહાયની નિમણૂક, આજે જ સંભાળશે કાર્યભાર
ગાંધીનગર:DGP આશિષ ભાટિયા નિવૃત્ત થતાં 1989 બેચના IPS અધિકારી વિકાસ સહાયની ગુજરાતના DGP તરીકે નિમણૂક કરવામાં આવી છે. આ પદ માટે આ પહેલા અમદાવાદના પોલીસ કમિશનર સંજય શ્રીવાસ્તવ અને સુરતના પોલીસ કમિશનર અજય તોમરનું નામ ચર્ચાંમાં હતું. આખરે વિકાસ સહાયના નામ પર પસંદગીનો કલશ ઢોળાયો છે. વિકાસ સહાયને ગુજરાતના પૂર્ણકાલીન પોલીસવડા તરીકે નિમવામાં આવ્યા છે. આ પહેલા તેમણે ઇન્ચાર્જ તરીકે સેવા આપી હતી અને હવે કાયમી ડીજીપી તરીકે તેની નિમણુક થઇ છે. વિકાસ સહાયની રક્ષાશક્તિ યુનિવર્સિટી સ્થાપવામાં મહત્વની ભૂમિકા રહી છે. અહીં તેઓ મહાનિદેશકના સેવા બજાવી રહ્યાં છે પ્રમોટ થયા ઉપરાંત તેમણે સંયુક્ત રાષ્ટ્ર (UN) પીસ કીપિંગ મિશનની તમામ મહત્ત્વપૂર્ણ જવાબદારીઓ પણ સંભાળી છે. તેઓ 1999માં એસપી તરીકે આણંદમાં સેવા આપી તેમજ 2001માં એસપી તરીકે અમદાવાદ ગ્રામ્ય અને 2002માં અમદાવાદ શહેરના ડીસીપી ઝોનમાં સેવા આપી હતી. તેમને મેરીટોરીયસ સર્વિસ માટે પ્રેસિડેન્ટ પોલીસ મેડલ અને વિશિષ્ટ સેવા માટે ખૂબ જ પ્રતિષ્ઠિત પ્રેસિડેન્ટ પોલીસ મેડલ પ્રાપ્ત કર્યું છે.
Aam Adami Party: સૌરભ ભારદ્વાજ અને આતિશી બનશે કેજરીવાલ સરકારમાં મંત્રી, CMએ એલજીને મોકલ્યા નામ
Arvind Kejriwal: મનીષ સિસોદિયા અને સત્યેન્દ્ર જૈનના રાજીનામા બાદ હવે સીએમ કેજરીવાલ કેબિનેટમાં ફેરબદલ કરવા જઈ રહ્યા છે. સીએમ કેજરીવાલે AAP ધારાસભ્યો સૌરભ ભારદ્વાજ અને આતિશીના નામ લેફ્ટનન્ટ ગવર્નર વીકે સક્સેનાને કેબિનેટમાં મંત્રી બનાવવા માટે મોકલ્યા છે. દિલ્હી સરકારના મંત્રી સત્યેન્દ્ર જૈન મની લોન્ડરિંગ કેસમાં છેલ્લા 9 મહિનાથી જેલમાં છે. ભૂતકાળમાં નાયબ મુખ્યમંત્રી મનીષ સિસોદિયાને દારૂ કૌભાંડ કેસમાં સીબીઆઈ દ્વારા કસ્ટડીમાં લેવામાં આવ્યા હતા. બંને મંત્રીઓએ તેમના પદ પરથી રાજીનામું આપી દીધું હતું જેને સીએમ કેજરીવાલે સ્વીકારી લીધું હતું. આમ આદમી પાર્ટીના સૂત્રોના જણાવ્યા અનુસાર હવે પાર્ટી સૌરભ ભારદ્વાજ અને આતિશીને કેજરીવાલ સરકારમાં મંત્રી બનાવવા માંગે છે. કેજરીવાલે તેમની નિમણૂક માટે ફાઇલ એલજીને મોકલી છે.
Crime News: કારમાંથી 11 લાખ ભરેલી બેગ લઇ 3 શખ્સ ફરાર, ઘટના સીસીટીવીમાં કેદ
Crime News:સુરતના પુણા ગામ વિસ્તારમાં 11 લાખની લૂંટની ઘટના બની છે. સુરતના પુણા ગામ વિસ્તારમાં ઇનોવાકાર માંથી 11 લાખ ભરેલી બેગ ની ચીલ ઝડપ કરી 3 શખ્સ ફરાર થઇ ગયા ઘટના સીસીટીવીમાં કેદ થઇ ગઇ છે. સુરતના પુણા ગામ વિસ્તારમાં 11 લાખની લૂંટની ઘટના બની છે. સુરતના પુણા ગામ વિસ્તારમાં ઇનોવાકાર માંથી 11 લાખ ભરેલી બેગ ની ચીલ ઝડપ કરી 3 શખ્સ ફરાર થઇ ગયા ઘટના સીસીટીવીમાં કેદ થઇ ગઇ છે. પૂણા પોલીસે સીસીટીવીના આધારે તપાસ હાથ ધરી છે.
ટ્રેન્ડિંગ સમાચાર
ટોપ સ્ટોરી
