Bomb Threat: દિલ્હીમાં હોસ્પિટલોને ફરી મળી બોમ્બથી ઉડાવી દેવાની ધમકી, પોલીસે શરૂ કરી તપાસ

Delhi Hospital Bomb Threat: દિલ્હીની ઘણી હોસ્પિટલોને બોમ્બથી ઉડાવી દેવાની ધમકી આપવામાં આવી છે

ફોટોઃ ટ્વિટર

Delhi Hospital Bomb Threat Latest News: દિલ્હીની ઘણી હોસ્પિટલોને બોમ્બથી ઉડાવી દેવાનો કોલ કરવામાં આવ્યો છે. દિલ્હી ફાયર વિભાગના જણાવ્યા અનુસાર, તેમને ઘણી અલગ-અલગ હોસ્પિટલોમાંથી કોલ આવ્યા હતા જેમાં ગુરુ તેગ બહાદુર હોસ્પિટલ, દાદા દેવ હોસ્પિટલ, હેડગેવાર હોસ્પિટલ અને દીપ ચંદ બંધુ હોસ્પિટલમાં બોમ્બ હવાનો કોલ કરવામાં આવ્યો હતો.

Delhi | Bomb threat email received at several hospital including Deep Chand Bandhu Hospital, GTB Hospital, Dada Dev Hospital, Hedgewar Hospital and others. Search operation underway: Delhi Fire Service

— ANI (@ANI) May 14, 2024

ફાયર વિભાગના જણાવ્યા અનુસાર તમામ કોલ વેરિફાઈ કરવામાં આવી રહ્યા છે. હોસ્પિટલોમાં બોમ્બ હોવાની માહિતી ઇમેઇલ દ્વારા આપવામાં આવી છે. આ પછી હોસ્પિટલોએ પોલીસ અને ફાયર વિભાગને આની જાણકારી આપી હતી.

આ પહેલા રવિવારે દિલ્હીમાં 20 હોસ્પિટલો, IGI એરપોર્ટ અને ઉત્તર રેલવેની CPRO ઓફિસને બોમ્બની ધમકી સાથે ઈમેલ મોકલવામાં આવ્યો હતો. આ ધમકી એવા સમયે આવી છે જ્યારે 1 મેના રોજ, દિલ્હી-નેશનલ કેપિટલ રિજન (NCR) ની 150 થી વધુ શાળાઓને બોમ્બથી ઉડાવી દેવાની ધમકી આપતો ઈમેલ મળ્યો હતો, જેના કારણે વિદ્યાર્થીઓ અને વાલીઓમાં ગભરાટ ફેલાયો હતો.

તપાસમાં કશું વાંધાજનક મળ્યું ન હતું

અધિકારીઓને તપાસ દરમિયાન કંઈ વાંધાજનક મળ્યું ન હતું. અધિકારીઓના જણાવ્યા અનુસાર, જ્યારે શાળાઓને રશિયા સ્થિત ઈ-મેલ સેવા તરફથી ધમકીઓ મળી હતી, ત્યારે હોસ્પિટલો અને અન્ય બે સંસ્થાઓને રવિવારે યુરોપ સ્થિત ઈ-મેલ સેવા કંપની 'Bible.com' તરફથી ધમકીઓ મળી હતી. પોલીસ અધિકારીના જણાવ્યા અનુસાર, ઈ-મેલ એક હોસ્પિટલને મોકલવામાં આવ્યો હતો અને સમાન સામગ્રી સાથેની નકલો અન્ય હોસ્પિટલોને પણ મોકલવામાં આવી હતી.

#WATCH | Dr. Hedgewar Aarogya Sansthan located in Delhi's Karkardooma received bomb threat email today, say Police

"The hospital's security in-charge VK Sharma says,"...We have tightened security at the hospital after thorough checking of the hospital premises. Police and Bomb… pic.twitter.com/X82Ryrkgto

— ANI (@ANI) May 14, 2024

હોસ્પિટલોને ધમકીભર્યા ઈ-મેઈલમાં કહેવામાં આવ્યું હતું કે, “મેં તમારા બિલ્ડિંગમાં વિસ્ફોટક ઉપકરણો મૂક્યા છે. તેઓ આગામી કલાકમાં વિસ્ફોટ કરશે. આ કોઈ ધમકી નથી, તમારી પાસે બોમ્બને ડિફ્યુઝ કરવા માટે થોડા કલાકો છે, નહીં તો બિલ્ડિંગની અંદર નિર્દોષ લોકોનું લોહી વહશે. . આની પાછળ 'કોર્ટ' નામનું સંગઠન હોવાનું કહેવાય છે.

દરમિયાન દિલ્હી પોલીસ શાળાઓ, હોસ્પિટલો અને એરપોર્ટ સહિત વિવિધ સંસ્થાઓને ઈ-મેલ દ્વારા મોકલવામાં આવેલી ધમકીઓ પાછળના ષડયંત્રનો પર્દાફાશ કરવા માટે અન્ય રાજ્યોમાં તેના સમકક્ષો સાથે સમગ્ર ભારતમાં તપાસ કરી શકે છે. અધિકારીઓએ સોમવારે આ માહિતી આપી. દિલ્હી પોલીસના એક અધિકારીએ જણાવ્યું કે અહીંના અધિકારીઓ ઈ-મેલ કેવી રીતે મોકલવામાં આવ્યા હતા તેનું વિશ્લેષણ કરી રહ્યા છે અને અન્ય રાજ્યોના પોલીસનો સંપર્ક કરવાની યોજના બનાવી રહ્યા છે.