ચાઈનીઝ એપ પર ડિજિટલ સ્ટ્રાઈકઃ સરકારે 54 મોબાઈલ એપ પર પ્રતિબંધ મૂક્યો, અહીં જુઓ યાદી

પ્રતિબંધિત 54 એપ્સની યાદીમાં Tencent, Alibaba અને ગેમિંગ ફર્મ NetEase જેવી મોટી ચીની કંપનીઓની એપ્સનો સમાવેશ થાય છે.

પ્રતિકાત્મક તસવીર

ભારત સરકારે ફરી એકવાર ડિજિટલ સર્જિકલ સ્ટ્રાઈક કરીને ચીનની 54 એપ પર પ્રતિબંધ લગાવી દીધો છે. અત્યાર સુધી પ્રતિબંધિત એપ્સની સત્તાવાર યાદી સામે આવી નથી, પરંતુ એવું કહેવામાં આવી રહ્યું છે કે સરકારે ભારતમાં 54 ચાઇનીઝ એપ્સ પર પ્રતિબંધ મૂક્યો છે.

ઈલેક્ટ્રોનિક્સ અને આઈટી મંત્રાલયે આ એપ્સ પર પ્રતિબંધ મૂક્યો છે. આ તમામ એપ ભારતીય યુઝરનો ડેટા ચીન અને અન્ય દેશોમાં મોકલી રહી હતી. એવું કહેવામાં આવી રહ્યું છે કે આ એપ્સ ભારતીય યુઝર્સના ડેટાને વિદેશી સર્વરમાં ટ્રાન્સફર કરી રહી હતી. ગૂગલના પ્લે સ્ટોરને એપ્સને પ્રતિબંધિત કરવાનો આદેશ આપવામાં આવ્યો છે.

પ્રતિબંધિત 54 એપ્સની યાદીમાં Tencent, Alibaba અને ગેમિંગ ફર્મ NetEase જેવી મોટી ચીની કંપનીઓની એપ્સનો સમાવેશ થાય છે. એવું કહેવામાં આવી રહ્યું છે કે પ્રતિબંધિત આ 54 એપ્સ 2020માં પ્રતિબંધિત એપ્સનો નવો અવતાર છે.

જે 54 ચાઈનીઝ એપ્સ પર પ્રતિબંધ મુકવામાં આવ્યો છે તેમાં Beauty Camera: Sweet Selfie HD, Beauty Camera - Selfie Camera, Equalizer & Bass Booster, CamCard for SalesForce Ent, Isoland 2: Ashes of Time Lite, Viva Video Editor, Tencent Xriver, Onmyoji Chess, Onmyoji Arena, AppLock, Dual Space Lite જેવી એપ્સ સામેલ છે.

Garena બેટલ રોયલ ગેમને ગૂગલ પ્લે સ્ટોર અને એપલ એપ સ્ટોર પરથી હટાવી દેવામાં આવી છે. આવી સ્થિતિમાં એવા સમાચાર પણ સામે આવી રહ્યા છે કે 54 ચાઈનીઝ એપ્સ સિવાય ભારતમાં ફ્રી ફાયર પર પણ પ્રતિબંધ લગાવી દેવામાં આવ્યો છે. જો કે, ફ્રી ફાયર મેક્સ હજુ પણ ગૂગલ પ્લે સ્ટોર પર ઉપલબ્ધ છે. હાલમાં ગરેના દ્વારા આ અંગે કોઈ સત્તાવાર નિવેદન બહાર પાડવામાં આવ્યું નથી. તમને જણાવી દઈએ કે સિંગાપોર સ્થિત ગેમિંગ કંપની ગેરેના આ બેટલ રોયલ ગેમ ડેવલપ કરે છે.

India to ban 54 more Chinese apps citing security threat

Read @ANI Story | https://t.co/VM4H3vqKUX
#ChineseApps #Ban pic.twitter.com/yljGpg67OW

— ANI Digital (@ani_digital) February 14, 2022

તમને જણાવી દઈએ કે 2020માં પણ સરકારે 250 થી વધુ ચાઈનીઝ એપ્સ પર પ્રતિબંધ મૂક્યો હતો, જેમાં Tiktok અને PubG જેવી મોટી એપ્સના નામ હતા. 2020માં પ્રથમ ડિજિટલ સર્જિકલ સ્ટ્રાઈકમાં TikTok, Shareit, WeChat, Helo, Likee, UC News, Bigo Live, UC Browser, ES File Explorer અને Mi Community જેવી એપ્સ પર પ્રતિબંધ મૂકવામાં આવ્યો હતો.