Bhupesh Baghel: છત્તીસગઢના પૂર્વ સીએમ ભૂપેલ બઘેલના ઘરે EDના દરોડા, 14 લોકેશન પર ચાલી રહ્યું છે સર્ચ ઓપરેશન

Bhupesh Baghel: એન્ફોર્સમેન્ટ ડિરેક્ટોરેટ (ED) એ આજે (10 માર્ચ) છત્તીસગઢના પૂર્વ મુખ્યમંત્રી અને કોંગ્રેસ નેતા ભૂપેશ બઘેલના ઘરે સર્ચ ઓપરેશન ચાલુ કર્યું છે. છત્તીસગઢમાં કુલ 14 સ્થળોએ સર્ચ ઓપરેશન ચાલી રહ્યું છે.

ચૈતન્ય બઘેલ અને ભૂપેશ બઘેલ

Source : Social Media

Bhupesh Baghel: એન્ફોર્સમેન્ટ ડિરેક્ટોરેટ (ED) એ આજે ​​(10 માર્ચ) વહેલી સવારે છત્તીસગઢના પૂર્વ મુખ્યમંત્રી અને કોંગ્રેસ નેતા ભૂપેશ બઘેલના પુત્ર ચૈતન્ય બઘેલના ઘરે દરોડા પાડ્યા હતા. આ દરોડો ભિલાઈમાં તેમના નિવાસ સ્થાને પાડવામાં આવ્યો હતો. આ સહિત છત્તીસગઢમાં કુલ 14 સ્થળો પર EDના દરોડા ચાલુ છે. આ કાર્યવાહી કથિત આર્થિક અનિયમિતતા અને મની લોન્ડરિંગ સંબંધિત મામલાઓને લઈને કરવામાં આવી રહી છે. તેની કડીઓ દારૂના કૌભાંડ સાથે પણ જોડાયેલી હોવાનું કહેવાય છે. ચૈતન્ય બઘેલનો રિયલ એસ્ટેટનો બિઝનેસ છે. ખેતરના વચ્ચે પણ ઘણી તેમની તસીવરો સામે આવે છે. જે દર્શાવે છે કે તેને ખેતી પણ પસંદ છે. ચૈતન્યના લગ્ન ત્રણ વર્ષ પહેલા જ થયા હતા. તેમની પત્ની ખ્યાતી પણ ખેડૂત પરિવાર સાથે સંબંધ ધરાવે છે.

ભૂપેશ બઘેલ જ્યારે મુખ્યમંત્રી હતા ત્યારે છત્તીસગઢમાં દારૂના મોટા કૌભાંડનો આરોપ છે. આ કૌભાંડ લગભગ 2161 કરોડ રૂપિયાનું હોવાનું કહેવાય છે. આ કેસમાં અત્યાર સુધી ઘણા જાણીતા અધિકારીઓ અને એક પૂર્વ મંત્રીની પણ ધરપકડ કરવામાં આવી છે. ED છત્તીસગઢ દારૂ કૌભાંડ કેસની તપાસ કરી રહી છે. તમને જણાવી દઈએ કે ભૂપેશ બઘેલ 2018 થી 2023 વચ્ચે છત્તીસગઢના મુખ્યમંત્રી હતા. 2023માં યોજાયેલી વિધાનસભા ચૂંટણીમાં તેમના નેતૃત્વમાં કોંગ્રેસ પાર્ટીને હારનો સામનો કરવો પડ્યો હતો.

ભૂપેશ બઘેલ પર તેમના કાર્યકાળ દરમિયાન વધુ બે મોટા આરોપોનો સામનો કરવો પડ્યો છે. તેમના પર મહાદેવ સત્તા એપ અને કોલસા વસૂલાત કૌભાંડમાં હેરાફેરીનો પણ આરોપ છે. કોલસા વસૂલી કૌભાંડ આશરે રૂ. 570 કરોડનું હોવાનું કહેવાય છે. આ આરોપોને કારણે ભુપેશ બઘેલને ગત લોકસભા ચૂંટણીમાં હારનો સામનો કરવો પડ્યો હતો. હાલ તેઓ કોંગ્રેસના મહાસચિવ છે.

सात वर्षों से चले आ रहे झूठे केस को जब अदालत में बर्खास्त कर दिया गया तो आज ED के मेहमानों ने पूर्व मुख्यमंत्री, कांग्रेस महासचिव भूपेश बघेल के भिलाई निवास में आज सुबह प्रवेश किया है.

अगर इस षड्यंत्र से कोई पंजाब में कांग्रेस को रोकने का प्रयास कर रहा है, तो यह गलतफहमी है.

-…

— Bhupesh Baghel (@bhupeshbaghel) March 10, 2025

ભૂપેશ બઘેલના પુત્રો શું કરે છે?

ભૂપેશ બઘેલના પુત્ર ચૈતન્ય બઘેલનો રિયલ એસ્ટેટનો બિઝનેસ છે. તેના ફોટોગ્રાફ્સ ઘણીવાર ખેતરોમાંથી આવ્યા છે, જે દર્શાવે છે કે તેને ખેતી પણ પસંદ છે. ચૈતન્યના લગ્ન ત્રણ વર્ષ પહેલા જ થયા હતા. તેમની પત્ની ખ્યાતી પણ ખેડૂત પરિવાર સાથે સંબંધ ધરાવે છે.