ક્રિપ્ટોકરન્સીમાં છેતરપિંડીના 8 કેસ તપાસ હેઠળઃ રાજ્યસભામાં નાણા મંત્રાલયનો જવાબ

ક્રિપ્ટોકરન્સી સંબંધિત છેતરપિંડી સંબંધિત આઠ કેસ અમલ નિયામક દ્વારા તપાસ હેઠળ છે, તેમનાણાં મંત્રાલયે રાજ્યસભામાં લેખિત જવાબમાં જણાવ્યું હતું. ભારતમાં બિટકોઈનને ચલણ તરીકે માન્યતા આપવાની કોઈ દરખાસ્ત નથી.

પ્રતિકાત્મક તસવીર.

નવી દિલ્લીઃ ક્રિપ્ટોકરન્સી સંબંધિત છેતરપિંડી સંબંધિત આઠ કેસ અમલ નિયામક દ્વારા તપાસ હેઠળ છે, તેમ કેન્દ્રીય નાણાં મંત્રાલયે રાજ્યસભામાં લેખિત જવાબમાં જણાવ્યું હતું. 

Eight cases regarding cryptocurrency-related fraud are under investigation by the Directorate of Enforcement: Finance Ministry in a written reply in Rajya Sabha

— ANI (@ANI) November 30, 2021

જો તમે પણ ક્રિપ્ટોકરન્સીમાં રોકાણ કરો છો તો તમને મોટો ઝટકો લાગી શકે છે. કેન્દ્ર સરકારે ક્રિપ્ટોકરન્સી પર મોટું નિવેદન આપ્યું છે. નાણા મંત્રાલયે લોકસભામાં એક પ્રશ્નના લેખિત જવાબમાં કહ્યું છે કે ભારત સરકાર બિટકોઈન ટ્રાન્ઝેક્શન પર કોઈ ડેટા એકત્રિત કરતી નથી. ભારતમાં બિટકોઈનને ચલણ તરીકે માન્યતા આપવાની કોઈ દરખાસ્ત નથી.

 

બીજી તરફ, સંસદના શિયાળુ સત્રમાં સરકાર ક્રિપ્ટોકરન્સી એન્ડ રેગ્યુલેશન ઑફ ઑફિશિયલ ડિજિટલ કરન્સી બિલ 2021 (Cryptocurrency and Regulation of Official Digital Currency Bill 2021) રજૂ કરી શકે છે. આ બિલમાં RBI વતી સરકારી ડિજિટલ કરન્સીમાં રોકાણ કરવા અને ચલાવવા માટે માળખામાં જોગવાઈ પણ કરવામાં આવશે. આ સાથે સરકાર તેના ટેક્નિકલ ઉપયોગમાં થોડી છૂટ પણ આપી શકે છે.

 

દેશમાં હજુ સુધી કોઈ બિલ નથી

તમને જણાવી દઈએ કે આ સમયે દેશમાં ક્રિપ્ટોકરન્સીને લઈને કોઈ બિલ નથી અને ન તો તેના પર પ્રતિબંધ છે. રોકાણકારો પોતપોતાના હિસાબે તેમાં વેપાર કરી રહ્યા છે. તે જ સમયે, ગયા અઠવાડિયે પીએમ મોદીએ અધિકારીઓ સાથે આ મુદ્દે ચર્ચા કરી હતી. તે પહેલા જયંત સિન્હાની અધ્યક્ષતામાં સંસદની નાણાંકીય સમિતિની બેઠકમાં પણ આ મુદ્દા પર ચર્ચા કરવામાં આવી હતી. અત્યાર સુધી, કોઈપણ બેઠકમાં ક્રિપ્ટો પર પ્રતિબંધ મૂકવા પર કોઈ સહમતિ સધાઈ નથી.