Ram Mandir: VHP પ્રમુખ આલોક કુમારનો મોટો દાવો, 'હું મલ્લિકાર્જુન ખડગેને નિમંત્રણ આપવા ગયો હતો'

Ramlala Pran Pratishtha Ceremony: વિશ્વ હિન્દુ પરિષદ (VHP)ના પ્રમુખ આલોક કુમારે દાવો કર્યો છે કે તેઓ 22 જાન્યુઆરીએ રામ મંદિરના અભિષેક સમારોહનું આમંત્રણ આપવા મલ્લિકાર્જુન ખડગેને ત્યા ગયા હતા.

( Image Source : ANII )

Ramlala Pran Pratishtha Ceremony: વિશ્વ હિન્દુ પરિષદ (VHP)ના પ્રમુખ આલોક કુમારે દાવો કર્યો છે કે તેઓ 22 જાન્યુઆરીએ યોજાનાર રામ મંદિરના પ્રાણ પ્રતિષ્ઠા સમારોહ માટે મલ્લિકાર્જુન ખડગેને આમંત્રણ આપવા ગયા હતા, જ્યારે VHPના સભ્ય અધીર રંજન ચૌધરીને આમંત્રણ આપવા ગયા હતા.

 

#WATCH | On invitation for the consecration ceremony of Ram Temple on January 22nd, Vishwa Hindu Parishad (VHP) president Alok Kumar says, " I had gone to give an invitation to Mallikarjun Kharge, members of the VHP had gone to give an invitation to Adhir Ranjan Chowdhury...If… pic.twitter.com/TbzC5URXjd

— ANI (@ANI) December 31, 2023

પ્રાણ પ્રતિષ્ઠા સમારોહના આમંત્રણને લઈને રાજકારણના આરોપો પર તેમણે કહ્યું કે જો કોઈ રાજનીતિ હોત તો વિરોધ પક્ષોના નેતાઓને આમંત્રણ શા માટે મોકલવામાં આવતું? ન્યૂઝ એજન્સી ANI સાથે વાત કરતાં તેમણે કહ્યું કે જો તેઓ આવશે તો અમે તેમનું સન્માન સાથે સ્વાગત કરીશું. આ સમગ્ર દેશનો કાર્યક્રમ છે અને અહીં દરેકનું સ્વાગત છે.

સોનિયા ગાંધીને આમંત્રણ મોકલ્યું
તેમણે કહ્યું, હું પોતે કૉંગ્રેસ અધ્યક્ષ મલ્લિકાર્જુન ખડગેને આમંત્રણ લઈને પહોંચ્યો હતો, જ્યારે VHP અને ટ્રસ્ટના સભ્યો અધીર રંજન ચૌધરીને આમંત્રણ આપવા પહોંચ્યા હતા. નૃપેન્દ્ર મિશ્રાએ સોનિયા ગાંધીને આમંત્રણ આપ્યું હતું. અમે અન્ય પ્રમુખ રાજકીય પાર્ટીઓના નેતાઓને આમંત્રણ આપ્યું છે.

શરદ પવારને આમંત્રણ મળ્યું નથી
તેમનું નિવેદન એવા સમયે આવ્યું છે જ્યારે વિપક્ષી ગઠબંધનમાં સામેલ પક્ષોએ આરોપ લગાવ્યો હતો કે તેમને આમંત્રણ મળ્યા નથી. તાજેતરમાં જ રાષ્ટ્રવાદી કોંગ્રેસ પાર્ટી (NCP)ના વડા શરદ પવારે કહ્યું હતું કે આવતા વર્ષે અયોધ્યામાં રામ મંદિરના ઉદ્ઘાટન માટે તેમને આમંત્રણ આપવામાં આવ્યું નથી. આ સિવાય આરએલડી ચીફ જયંત ચૌધરી, બિહારના સીએમ નીતીશ કુમાર અને આરજેડી ચીફ લાલુ યાદવને અભિષેક સમારોહ માટે આમંત્રણ મળ્યાની કોઈ માહિતી મળી નથી.

2400 મહેમાનોને આમંત્રણ મળ્યું?
ઉલ્લેખનીય છે કે 22મી જાન્યુઆરીએ અયોધ્યામાં રામ મંદિરનો પ્રાણ પ્રતિષ્ઠા કાર્યક્રમ યોજાશે. લગભગ 4,000 સંતો અને 2400 થી વધુ અન્ય મહેમાનોને આમંત્રણ આપવામાં આવ્યું છે. જેમાં બોલિવૂડ સ્ટાર્સ, સંતો, ઉદ્યોગપતિઓ અને ક્રિકેટરોનો સમાવેશ થાય છે.

Join Our Official Telegram Channel: https://t.me/abpasmitaofficial