ઇમરાન ખાનનો દાવો, પાકિસ્તાનના નેશનલ ડે પર મોદીએ આપી શુભકામના

નવી દિલ્હીઃ પાકિસ્તાનના પ્રધાનમંત્રી ઇમરાન ખાને ટ્વીટ કરીને દાવો કર્યો કે, ભારતના પ્રધાનમંત્રી નરેન્દ્ર મોદીએ પાકના રાષ્ટ્રીય દિવસ પર મેસેજ મોકલીને અભિનંદન પાઠવ્યા છે. તેને લઈને કોંગ્રેસે પીએમ મોદી પર પ્રહાર કર્યા છે. ઇમરાન ખાને પીએમ મોદીનો કથિત મેસેજ ટ્વિટ કર્યો છે. જે અનુસાર બન્ને દેશના લોકોએ સાથે મળીને કામ કરવું પડશે.

Pakistan PM: I welcome PM Modi's message to our people. As we celebrate Pakistan Day I believe it's time to begin a comprehensive dialogue with India to address&resolve all issues, esp central issue of Kashmir&forge a new relationship based on peace&prosperity for all our people. https://t.co/jpaZE1Gljc

— ANI (@ANI) March 22, 2019

ઈમરાન ખાનના જણાવ્યા પ્રમાણે, પોતાના સંદેશમાં પીએમ મોદીએ લખ્યું છે કે – હું પાકિસ્તાન નેશનલ ડે પ્રસંગે લોકોને શુભકામના પાઠવું છું. ઉપમહાદ્વિપમાં લોકો આતંક અને હિંસા મુક્ત વાતાવરણમાં ક્ષેત્રીય શાંતિ અને સમૃદ્ધિ માટે સાથે મળીને કામ કરવાનો સમય આવી ગયો છે.

Received msg from PM Modi: "I extend my greetings & best wishes to the people of Pakistan on the National Day of Pakistan. It is time that ppl of Sub-continent work together for a democratic, peaceful, progressive & prosperous region, in an atmosphere free of terror and violence"

— Imran Khan (@ImranKhanPTI) March 22, 2019

પાકિસ્તાનમાં 23 માર્ચે નેશનલ ડે મનાવવામાં આવે છે અને તેના એક દિવસ પહેલા શુક્રવારે પાકિસ્તાનના પીએમ ઈમરાન ખાને દાવો કર્યો છે કે, ભારતના પીએમ નરેન્દ્ર મોદીએ તેમને શુભકામના પાઠવી છે.

I would hope the @PMOIndia clarifies that what Imran Khan has tweeted is the correct version of greetings exchanged or whether if they have been exchanged at all, especially after the function was boycotted in India by the govt. The nation would want to know... https://t.co/zqDVf2lUuK

— Priyanka Chaturvedi (@priyankac19) March 22, 2019

જોકે આ અહેવાલ સામે આવ્યા બાદ કોંગ્રેસે તેને લઈને પ્રધાનમંત્રી નરેન્દ્ર મોદીને સવાલ પૂછ્યા છે. કોંગ્રેસ પ્રવક્તા પ્રિયંકા ચતુર્વેદીએ કહ્યું કે, પીએમ આ મુદ્દે પોતાનું વલણ સ્પષ્ટ કરવું જોઈએ. કોંગ્રેસ પાર્ટીએ મોદીના આ કથિત મેસેજ પર સવાલ ઉઠાવતા સરકાર પાસે જવાબ માગ્યો છે. પ્રિયંકા ચતુર્વેદીએ ટ્વિટ કરીને લખ્યું કે, દેશ જાણવા માગે છે કે શું ઇમરાને જે ટ્વીટ કર્યું છે, તે સાચું છે? ખાસ કરીને જ્યારે સરકાર તરફતી ભારતમાં પાકિસ્તાનના કાર્યક્રમનો બહિષ્કાર કરવામાં આવ્યો છે.