Safest Cities: દેશના આ 8 શહેરો બનશે છોકરીઓ માટે સૌથી સુરક્ષિત, ગુજરાતનું આ એકમાત્ર શહેર લિસ્ટ સામેલ, જાણો શું શું મળશે સુવિધાઓ......

આ સમિતિના અધિકારીએ જણાવ્યું કે, પ્રૉજેક્ટ અંતર્ગત દિલ્હી, લખનઉ, ચેન્નાઇ, મુંબઈ, અમદાવાદ, હૈદરાબાદ, કોલકતા, બેંગલુરુંને દેશના સૌથી સુરક્ષિત શહેરના મૉડલ પર ડેવલપ કરવાના છે

પ્રતિકાત્મક તસવીર

India Safest Cities : આજના સમયમાં મહિલાઓની સુરક્ષા એ બહુ મોટો મુદ્દો બની ગયો છે. દેશની યુવતીઓની સુરક્ષાને ધ્યાનમાં રાખીને કેન્દ્ર સરકારે મહત્વનો નિર્ણય લીધો છે. ખરેખરમાં કેન્દ્ર સરકારે દેશના આઠ શહેરોને છોકરીઓ અને મહિલાઓ માટે સૌથી સુરક્ષિત બનાવવા માટે એક ખાસ યોજના તૈયાર કરી છે. આ સ્પેશ્યલ પ્લાનિંગ અંતર્ગત પોલીસ અને મહાનગરપાલિકાની ખામીઓને સુધારવા માટે મહિલાઓ પાસેથી સૂચનો લેવામાં આવશે. જેથી તેને પુરેપુરી રીતે અને રીપેર કરી શકાય. આની સાથે જ આ મૉડલ દેશના અન્ય શહેરોમાં પણ લાગુ કરવામાં આવશે. ઉલ્લેખનીય છે કે, સરકારે આ સેફ સિટી પ્રૉજેક્ટને આ વર્ષે એટલે કે, ડિસેમ્બર 2023 સુધીમાં પુરુ કરવાનું લક્ષ્ય રાખેલુ છે. 

આ વર્ષના અંત સુધી પરિયોજના શરૂ કરવાનો આદેશ - 
જોકે, મહિલા અને બાળ વિકાસ મંત્રાલયના સચિવ ઇન્દિવર પાંડેએ નિર્ભયા ફંડ કમિટીની 29 માર્ચની બેઠક અને સેફ સિટી પ્રૉજેક્ટની ધીમી ગતિ અંગે ચિંતા વ્યક્ત કરી છે. મંત્રાલયના એક વરિષ્ઠ અધિકારીના જણાવ્યા અનુસાર, પ્રૉજેક્ટ માટે નિર્ભયા ફંડમાં 2840.05 કરોડ રૂપિયાની જોગવાઈ કરવામાં આવી છે. તેમાંથી 888.94 કરોડ રૂપિયા રાજ્ય સરકારને આપવાના છે. કમિટીએ એવો પણ આદેશ આપ્યો છે કે સેફ સિટી પ્રૉજેક્ટ આ વર્ષ સુધીમાં પુરો કરવાનો છે.

મહિલા પોલીસ કર્મી પણ આ પ્લાનનો ખાસ ભાગ બનશે  - 
આ સમિતિના અધિકારીએ જણાવ્યું કે, પ્રૉજેક્ટ અંતર્ગત દિલ્હી, લખનઉ, ચેન્નાઇ, મુંબઈ, અમદાવાદ, હૈદરાબાદ, કોલકતા, બેંગલુરુંને દેશના સૌથી સુરક્ષિત શહેરના મૉડલ પર ડેવલપ કરવાના છે. શહેરોમાં સ્માર્ટ પુલસિંગની નક્કર વ્યવસ્થા કરવામાં આવશે. આ સાથે કેટલીક સિલેક્ટેડ જગ્યાઓ પર મહિલાઓ માટે પસંદગીની ખાસ વાનમાં વ્યવસ્થા કરવામાં આવશે. ડ્રૉન અને સીસીટીવી કેમેરા પણ ફીટ કરવામાં આવશે. આ સાથે મહિલા શૌચાલય, રસ્તાઓની ચારે બાજુ લાઇટની વ્યવસ્થા અને રાત્રિના સમયે ટૂ વ્હીલરથી લઇને ફૉર વ્હીલર સુધીના વાહનો પર મહિલા પોલીસ દ્વારા પેટ્રૉલિંગની વ્યવસ્થા કરવામાં આવશે.

સુરક્ષિત શહેર પરિયોજના અંતર્ગત આ હશે વ્યવસ્થા  - 

આ પરિયોજના લાગુ થયા બાદ લખનઉમાં 111 પિન્ક પેટ્રૉલ, 100 પિન્ક બૂથ, 47 પિન્ક ટૉયલેટ, 3625 સ્ટ્રીટ લાઇટો લગાવવાનો પ્લાન છે. સાથે જ સ્માર્ટ કન્ટ્રૉલ રૂમની સ્થાપના કરવામાં આવશે. જ્યાં બેસીને તમામ વસ્તુઓ પર નજર રાખવામાં આવશે. 

દિલ્હીમાં મહિલા કૉન્સ્ટેબલની 88 પ્રહર વેનની ખરીદીની સાથે સાથે 10 હજાર કેમેરાને કેન્દ્ર સરકારની મંજૂરી મળી ગઇ છે.

અમદાવાદમાં 40 અભય વેન, વિપત્તિ કેન્દ્રસ, સર્વિલૉન્સ વાહનની સાથે સાથે સાયબર યૂનિટમાં બે ફિમેલ કૉન્સ્ટેબલની નિયુક્તિ કરવામાં આવશે. 

બેંગ્લુરુમાં 100 પૉલ પર કેમેરા ફિટ કરવામાં આવશે, જેથી આસપાસની એક્ટિવિટી પર નજર રાખવામાં આવી શકે. આ તમામ માટે એક કૉમન સેન્ટરની વ્યવસ્થા કરવામાં આવશે. 

ચેન્નાઇમાં ક્રાઇમની રોકથામ માટે સાયબર સેલ બનાવવામાં આવશે. જેમાં 500 બસોમાં પેનિક બટન, પિન્ક પેટ્રૉલ વાહન સહિત સ્કૂલ-કૉલેજમાં જાગૃતિ ફેલાવવામાં આવશે. 

કોલકત્તામાં 155 પેટ્રૉલની ગાડી, 70 સ્કૂટી 25 પૉર્ટેબલ બાયૉ ટૉયલેટ, 10 મોબાઇલ ચેજિંગ વેન, 1020 સીસીટીવી કેમેરાની વ્યવસ્થા કરવામાં આવશે.