ચંદ્રયાન-2 બાદ ઇસરોનું પ્રથમ મિશન, 13 નેનો સેટેલાઇટ સાથે કાર્ટોસૈટ-3 લોન્ચ

આ લોન્ચ વ્હીકલથી અમેરિકાના 13 નેનો સેટેલાઇટ સહિત ત્રીજી જનરેશનના કાર્ટોસૈટ-3 લોન્ચ કર્યો છે જેને ભારતની આંખ કહેવામાં આવી રહ્યું છે

નવી દિલ્હીઃ આંધ્રપ્રદેશના શ્રીહરિકોટા સ્થિત ઇસરોના  સતીશ ધવન સ્પેસ સેન્ટર પરથી બુધવાર  સવારે PSLV c47 લોન્ચ કરી દીધો છે. આ લોન્ચ વ્હીકલથી અમેરિકાના 13 નેનો સેટેલાઇટ સહિત ત્રીજી જનરેશનના કાર્ટોસૈટ-3 લોન્ચ કર્યો છે જેને ભારતની આંખ કહેવામાં આવી રહ્યું છે.આ લોન્ચિંગ પીએસએલવી-સી47 રોકેટથી કરવામાં આવ્યું છે. કાર્ટોસેટનો ઉપયોગ હવામાન અને સૈન્ય માહિતી ભેગી કરવા માટે થશે.

Indian Space Research Organisation (ISRO): PSLV-C47 successfully injects Cartosat-3 spacecraft into orbit. 13 commercial satellites from USA successfully placed in their designated orbits. https://t.co/hHNopHFi6x

— ANI (@ANI) November 27, 2019

ઈસરો પ્રમુખ કે સિવને સેટેલાઈટના સફળ લોન્ચિંગ બાદ કહ્યું કે મને ખુશી છે કે, પીએસએલવી સી-47એ કાર્ટોસેટ-3ની સાથે 13 સેટેલાઈટને સફળતાપૂર્વક કક્ષામાં પહોંચાડ્યા છે. કાર્ટોસેટ-3 હાઈ રિઝોલ્યુશન સૈન્ય સેટેલાઈટ છે. દરમિયાન કાર્ટોસેટ-3નું વજન લગભગ 1500 કિલો છે. આજે થર્ડ જેનરેશન એડ્વાન્સ હાઈ રિઝોલ્યુશન વાળા અર્થ ઈમેજિંગ સેટેલાઈટમાં પહેલું છે. આ સેટેલાઈટ દ્વારા ઈસરોને પૃથ્વીની હાઈ રિઝોલ્યુશન વાળી તસવીરો મળી શકશે. તેનો ઉપયોગ 3-ડી મેપિંગ, ડિઝાસ્ટર મેનેજમેન્ટ, ખેતી, પાણીના સોર્સ અને સીમાની સુરક્ષા માટે કરવામાં આવશે.કાર્ટોસેટ-3માં કેમેરો એટલો શક્તિશાળી છે કે સંભવતઃ અત્યાર સુધીનો આ પ્રકારનો સેટેલાઈટ કેમેરા ધરાવતો ઉપગ્રહ કોઇ પણ દેશ દ્ધારા લોન્ચ કરવામાં આવ્યો નથી.