ઝારખંડ હાઈ કોર્ટે વિદેશી મહિલા પર સામૂહિક બળાત્કાર કેસમાં સુઓમોટો દાખલ કરી,  મુખ્ય સચિવ અને ડીજીપી પાસે રિપોર્ટ માંગ્યો

ઝારખંડ હાઈકોર્ટે દુમકામાં એક વિદેશી મહિલા પર્યટક પર સામૂહિક બળાત્કારના કેસને ગંભીરતાથી લીધો છે.

ઝારખંડ હાઈકોર્ટ

ઝારખંડ હાઈકોર્ટે દુમકામાં એક વિદેશી મહિલા પર્યટક પર સામૂહિક બળાત્કારના કેસને ગંભીરતાથી લીધો છે. હાલમાં જ દુમકાના હંસદિહા પોલીસ સ્ટેશન વિસ્તારમાં સ્પેનિશ ભાષી મહિલા (બ્રાઝિલની રહેવાસી) પર સામૂહિક બળાત્કાર થયો હતો. આ મામલો હાઇકોર્ટના કાર્યકારી મુખ્ય ન્યાયાધીશ એસ ચંદ્રશેખરની અધ્યક્ષતાવાળી ડિવિઝન બેંચ સમક્ષ ઉઠાવવામાં આવ્યો હતો. આ પછી, કોર્ટે આ કેસમાં સુઓમોટો દાખલ કરી   રાજ્યના મુખ્ય સચિવ, ડીજીપી અને એસપી દુમકા પાસેથી રિપોર્ટ માંગ્યો છે. આ કેસની આગામી સુનાવણી 7 માર્ચે થશે.

પોલીસે આ કેસમાં અત્યાર સુધીમાં ત્રણ આરોપીઓની ધરપકડ કરી છે. મહિલા તેના પતિ સાથે દુમકાના હંસદિહા પોલીસ સ્ટેશન વિસ્તારમાં સ્થિત કુરુમહાત પહોંચી હતી. પાકિસ્તાનથી બાંગ્લાદેશ અને પછી બંગાળ થઈને નેપાળ જતી વખતે આ દંપતી દુમકાના હંસદિહા પોલીસ સ્ટેશન વિસ્તારના કુંજી ગામમાં એક તંબુમાં રોકાયું હતું. તે દરમિયાન જ આ ઘટના બની હતી. 

આ ઘટના દુમકાના કુરમહાટની છે, જ્યાં શુક્રવારે મોડી રાત્રે 30 વર્ષની સ્પેનિશ મહિલા સાથે ગેંગરેપ કરવામાં આવ્યો હતો. પ્રાથમિક તપાસમાં જાણવા મળ્યું છે કે પીડિત સ્પેનિશ મહિલા તેના પતિ સાથે ટુરિસ્ટ વિઝા પર ભારત આવી હતી. પીડિતા પોતે તેના પતિ સાથે બાઇક પર બેસીને સારવાર માટે હોસ્પિટલ પહોંચી હતી. જ્યાં તબીબોએ તેને દાખલ કરી સારવાર શરૂ કરી હતી.

દુમકા પોલીસની પ્રાથમિક તપાસમાં જાણવા મળ્યું છે કે મહિલા રાત્રે દુમકામાં ફરવા માટે નીકળી હતી, મોડું થવાના કારણે તેણે તેના પતિ સાથે સૂવા માટે ખેતરમાં તંબુ નાખ્યો હતો, ત્યારે આઠથી દસ લોકો આવીને તેની સાથે દુષ્કર્મ કરવા લાગ્યા હતા. જ્યારે તેના પતિએ વિરોધ કર્યો તો આરોપીઓએ બંનેને માર માર્યો અને જાનથી મારી નાખવાની ધમકી આપી હતી. આ પછી દુષ્કર્મ આચરવામાં આવ્યું હતું. આ સમગ્ર કેસમાં તમામ આરોપીઓ દુમકાના કુણજી ગામના હોવાનું કહેવાય છે. પોલીસે અત્યાર સુધીમાં 4 આરોપીઓની ધરપકડ કરી છે. 

દુમકા પોલીસ અધિકારીએ જણાવ્યું કે આ ઘટના શુક્રવારે રાત્રે 10 વાગ્યે બની હતી. ઘટનાસ્થળેથી મહિલાના કપડા મળી આવ્યા છે. તે જ સમયે, સામુદાયિક આરોગ્ય કેન્દ્રમાં મહિલા પર સામૂહિક બળાત્કારની પુષ્ટિ થઈ છે. પીડિતા ભાગપુર જઈ રહી હતી, પરંતુ મોડી રાત થઈ ગઈ હોવાથી તે ખેતરમાં તંબુ નાખીને સૂઈ ગઈ હતી.